السلام عليكم

اريد اسألكم كيف اتعامل مع ام زوجي

لاني انا شخصيتي ضعيفه و اخاف منها و ما اقدر اواجهها او حتى اكلمها مثلا اذا بطلع مكان مستحيل انا اخبرها لاني اخاف تعصب او تجرحني

يمكن لانها عصبيه مره و متسلطه تتدخل في كل شي
حتى طريقه تسريح شعري و لبسي كل شي فيني ما يعجبها ومسويه نفسها تعرف كل شي و انا يا حليلي ما اعرف البس , ما ادري تباني البس مثلها ؟؟
هي انسانه كبيره فالسن اكيد ذوقي بيختلف عن ذوقها و لكن هي ما تفكر بهالطريقه
دايما اذا لبست شي ما عجبها تجرحني او تشوفني بنظرات

وفالمطبخ اذا طبخت ما تلمسه و اذا كلت ما تقول حلو و لا لا ؟ واذا ما طبخت تعصب تقول ليش انتي جالسه في فندق تبينا نطبخ لج ؟

صار ما عندي ثقه بنفسي ابدا ، كل شي ما يعجبها

و بس انا تعاملني كذا يعني حريم عيالها الباقين ما تعاملهم كذا ؟ و دايما تستشيرهم و تضحك لهم
يمكن لاني انا عايشه عندهم و دايما مقابلتها ؟

اريدكم تنصحوني كيف اتعامل معاها ؟
لاني تعبت بصراحه