السلام عليكم ورحمة الله وبركاته


دائما اسمع عن مراجعات الحمل للحامل لكني اراجع بمستشفى حكومي ماعندهم هالشيء


رحت لهم ثلاث مرات ابي منهم فحوصات يطمنوني على نفسي والجنين تسألني الدكتوره ليش جايه تشكين من شيء !!


مره بس سويت تحاليل للحمل بمستشفى خاص بالرياض بأول حملي والآن بنهاية الثالث وما أعرف وضعي

خصوصا مع هالامراض اللي تتعلق بالحمل من سكر وتسمم ومدري وشوو


انا قررت أروح للمستشفى الحكومي على بداية الرابع لكن ودي تساعدوني بالتحاليل والأشياء المهمه حتى أطلبها من الدكتوره تسويها لي لأن احس ماعندهم سالفه !!

وكم مره بالضبط لازم أراجع المستشفى خلال الاشهر الجايه ؟






وششكرا

ريحي دماغك و روحي خاص
الله يتمم لك على خير :14:

__________________
ليتني طفلة أكبر همي لعبتي

الزياره المفروض تكون مره بالشهر

وعلى الشهر التاسع تصير مره بالاسبوع..

بالنسبه للتحاليل كثيره واجهي الدكتوره وقوليلها انا بتابع الحمل مش بلعب

المفروض تكوني بتاخذي حبوب فوليك اسيد الان مادري اذا كتبتلك اياها او لا

__________________

هلا جداويه
أنا لو بالرياض أو بمدينه فيها مستشفيات خاصه كان ماتأخرت لكن الشكوى لله أنا بديرة مافيها غير هالمستشفى ومستوصف أهلي مو أحسن حال منها

أهلا كريستالا
الفوليك آخذه حاليا لكن الوضع بالمستشفى ضايع
تخيلي أدخل على الدكتوره انا وخمس مريضات بوقت واحد قابلات للزياده لأنها كريمه مخليه باب العياده مفتوح وكل وحده تتكلم
ولما قالت من ايش تشكين قلت جايه أتطمن على الجنين وعلى نفسي متابعه قالت تعالي بكره نعمل لك سونار يالله مين أللي بعدها!!
ولماشكيت لها تعبي وفقر الدم صرفت لي حديد وانا للحين بالثالث وقالت ان ماتحسن معك خلال شهر ننقل لك دم !
ومشكلة بعد العياده تتناوب عليها دكتورتين

أنا عشان كذا ابي أواجها بقوه واطلب التحاليل بأسمائها لأن الوضع لعب*لعب

لا حول ولا قوة الا بالله منتهى الاستهتار بالمريض

انصحك خلي زوجك يتدخل ويكلم مدير المستشفى عن الاهمال يمكن بعد كذا يخافو ويلتزمو معاك..

__________________

والله فكره حلوه الله يجزاك خير

بأحاول معهم بالمره الجايه ان ما انضبطوا بأكلم زوجي يتدخل