زوجي لا يحفظ خصوصياتنا
السلام عليكم ورحمة الله وبركاته....
حابة اكتب عن مشكلتي امكن تشوفونها بسيطة بس بالنسبة لي احس انها تخرب علاقتي بزوجي &&&
زوجي مايغبي شي عن حياتنا عند اهله خاصة امه واخته...
بالبداية: اول ماحملت راح بشر امه وانا حملي له 20 يوم
واخته انشرت لناس لماصار لي شهر
وصار وحامي شديد وتعبت وكان حملي مهدد بالاجهاض يعنى تعبت بشدة ولاناقشته ولاتكلمت
ثانيا:لماعملت سونار راح والااستئذني وعلم اهلة اني حامل في بنت
ثالثا:لمارحت اولد ولدوني بطلق صناعي طبعا امي لازم تدري لانها تتصل كل شوي على لماكنت متجهة للمستشفى قلت يافلان لاتعلم احد اني اولد لاني سمعت يقولون موزين قال طيب
واتفجأ يوم ولدت امه تتصل وتبارك وتقول انا دارية عنك من دخلت المستشفى
وطلع ابو الشباب معلم اهله وابوه والعايلة كلها
والى يقهر انه اخته تحمل وتوصل لشهر الثامن مايعلموني ولاشفت شكلها احس انها حامل اسالها تقول لا واساله يقولي لا وماادري الى لاجت الثامن امها تعلمني
يعنى هم لوناس صريحة قلت عادي يقول بس الى يقهرني انهم يغبون في كل شي حتى الشي التافه عندهم وهو يعلمهم بكل شي
والادهى من كذا مرة اتصلت امه تقول ودني مشوار قالها بعدين اكلمك قلت وش تبغى امك قال تبغى اوديها مشوار قلت فين قال مالك دخل ومرة كنت متجهة للمستشفى عندي مراجعة دقت امه قالت وينك قال مودي فلانه عندها موعد قلت الحين انا ماعندي خصوصية واهلك حايتهم اكثر خصوصية مني حتى لدرجة يوديهم سوق مايقولى وانا لادقوا قال مودي فلانه لسوق كذا نشتري الغرض كذا بتفاصيل
لاجينابنسافر يعلمهم وامه واخته يسافرون لتصل عليهم قالوا حنا مسافرين
والحين انا متاخرة بالحمل واتعالج قلت لاتعلم هذه خصوصية بينا ولارحت لموعدي يروح يجلس عند امه ويعلمها
انعزم يزوروني جيراني وصديقاتي اهلى خواتي على طول يروح يعلم اهله ولاجاء يقول انا قلت لامي فلانه بغت تعزمكم واني قلت لها لاتندينهم اخاف يخجلون منهم
قلت من اصله امك ليه تدرى الحين يقولون ماندتنا وانا بيت صغير مااقدراكثر العالم
وتوصل لدرجة اني لاجاء عيد او مناسبة وشريت لبس يسالونه ويعلمهم اللون والموديل وهم لاسالتهم يصرفوني مايعلموني ولاجاء يقول سالوني واني علمتهم واجلس اعصب عليه
ولا اقوله اختك فصلت فستان تقول طلع حلو قال اي شفته قلت وش لونه وموديله قال مااتذكر
الحين كيف اتعامل مع زوجي حتى الحين افكر ان الله رزقني بالحمل ماودي ينتشر الخبر كيف مااعلمه الله يوفقكم دورولي حل احس دايما مشاكلنا بسبب هذا
التعديل الأخير تم بواسطة أم داليا ; 10-08-2010 الساعة 10:07 PM
السبب: تعديل العنوان ليناسب المضمون
10-08-2010, 09:47 AM
ضوابط المشاركة
العرض الشجري