السلام عليكم..
ببتدي بمشكلتي على طول وماودي اطول عليكم انا طالبه متفوقه واحمد الله وجبت نسبه والحمدالله اقدر ادرس برع على حساب الدوله بس ابوي ماهو راضي نهائيا قبل لا اتخرج وافق لكن وقت الجد قال مافي تقبلت الوضع ودخلني بجامعه انا مااحبها مادري شنو الاسباب يمكن لانها مو خلط تميت فيها نص كورس واشتكي محد يسمعني اصيح اقولهم مابي ومحد يقتنع كملت سنه بعد مافي فايده لدرجه اني كملت سنتين وكلها راحت من عمري يعني مانحسبلي شي لانها لغه وانا ماستفدت من هاللغه الا شي بسيط جدا وكلمت والدي والدتي وقلت لهم اللغه عندهم مو قويه ولا فكرو فيني كله اصبري واصبري ومحد حاس فيني وهالجامعه طالبه ايلس وتوفل وانا اقدم ومافي نصيب يعني درجه بسيطه عشان اجيب الدرجه اللي يبونها وسنتين على هالحاله وماراح اتخصص الا بهاذي الشهاده مادري عين الناس ولا شسالفه ..المهم سمعت عن كليه بيفتحونها بس للمعدلات الواطيه واللي ماصارلهم نصيب يكملو دراستهم قدمت اوراقي على هالكليه وقلبي يتقطع كيف وصلت لي هالدرجه وانا ماعرف اي شي عن هاذي الكليه ..الحمدالله جاني قبول من بين كثير من الطلبه وانا جد مو عارفه ايش اسوي ولحد الحين ماخبرت والدي خايفه يقولي روحي وانا جد متحطمه كيف هالمجموع اقعد بكليه ودبلوم وفوق كل هذا انا ماعرف ايش النظام يعني توها جديده .. كلمت كثير قلت له بهالدرجه اقدر ابتعث ولا اني اتبهدل وقلت له جامعات ثانيه خاصه كله يقولي انطري وانا حاسه انه رافض جامعات الخاصه قلت له اذا عندك ظروف قولي ماراح اضغط عليك قالي الحمدالله انا عندي ولحد الحين اراكض وراه واكلمه مايرد علي انا حاسه اني بضيع مستقبلي وبتحطم تخيلو سنتين ولا شي محسوب علي واذا وديتها جامعات الخاصه ماراح يعادلون هالساعات شالحل بوجهه نظركم ؟؟؟؟وجد الكل ماخذ فكره عن الكليه انها للكساله او الفشله ...انا مو عارفه ليه ابوي يتصرف معاي بهالعند والقساوه قلت له اذا ماتقدر بشتغل وانا عادي عندي اشتغل كم سنه وبعدين بكمل مو راضي على الفكره شالحل ؟؟

اختي اذا انت متفوقه
ليش ما حصلتي درجه كويسه بلتوفل ؟

بعدين انت بنت وين بتروحين و تسافرين لحالك من غير محرم ؟؟

ما دام انت حاطه بمخك اشياء و مصره عليها

حتلاقي نفسك علطول مضطهده وما الك حظ و اهلك معاندينك

الحل انك تقعدي مع نفسك و تفكري كيف تكون عندك مرونه و تتقبلي الموجود
و خذي الجامعه الان و بعدين طوري نفسك من تشتغلي

المهم خلصي دراستك و جامعتك باسرع وقت لا تاخرين نفسك

و ركزي على الجامعه المعترف فيها

و ركزي بدروسك ،،،، تلاقين نفسك اكثر سعاده بلي عندك

__________________

سبحان الله نفس مشكلتي أنا طالبة لغة و معدل مجموعي جيد جدا
بدل ما اخش جامعة لا بدرس ف معهد لا و بعد احمدي ربك انك لسا ف لغات أنا طرت لفندقة و سياحة يعني لا مستقبل اهلي رافضين سفري ترى مو برا داخل بلدي بس فلعاصمة فقط
و عموما وافقت مع اني اكرهها بس مضطرة ‏
قلت ما يخالف اكمل بس مارح اتخلى عن طموحي أول ما أخلص معهد طيران ع العاصمة أخذ كورس ثلات شهور و أصير بلبل بالغه لا و ف مدرسة معتمدة حتى موضفين الشركات يدرسو هناك
سوي مثلي لا تعاندي اذا فعلا تبي معلومه أما اذا كان هدفك الشهرة و انك تطلعي برا فذاك كلام ثاني
الله يوفقك ف حياتك العلمية و العملية‎ ‎

اكثري من الاستغفار وانتي تلاقي نفسك واهلك تغيرتو


الله يكتب لك الخير

__________________
http://live.gph.gov.sa/
اللهم اني استودعك اولادي

:/ والله جذي مشكلة بعد !!

تررى الغربه مررررره صج وعذاب ، آنه كنت باسافر آدرس

بس ابوي قال لي ، بنسوي لج تجربة إذا قدرتي بنخليج تسافرين تدرسين

خلاني اسافر لحالي حق بلد خليجي ... وظليت كله بجييييييي بجييييييي

فَ منها آنه قلت له ما ابي اسافر ادرس بره آنه في بلد خليجي ذبحت عمري صيحه وبجي

ف مابالج أروح دوله أوروبيه !!! جان استخف

فَ صدقيني إحتمال ماتقدرين على الغربة ... حطي ببالج هالشي

ودوريلج جامعة معترف فيها وشهادتها قوية ودشيها

واقنعي أهلج فيها

أما الابتعاث للخارج ، اهوه ترى شي حلو تعتمدين على نفسج وتتعلمين تصبرين

وتتعلمين اشياء وايده وانتي بروحج ... ولو آنه من اهلج اوافق دااايركت ومن غير تفكير

بس دام هالشي مستحيل عند هلج فَ ماراح تقدرين اتغيرين الواقع !!!

والله يوفقج ابدراستج وبحياتج ولا تنسيني بدعائج ان الله يوفقني آنه بعد بدراستي

مساء الورد عزيزتي ..

كل انسان يحس احيانا انو مضطهد او مظلوم وهذا ناتج عن قلة رضاء الشخص لأشياء معينه حوله لكنه في النهايه بعد مايستسلم يوصل لمرحله يعرف فيها قيمة الشي اللي كان يكرهه ..
يعني يا عزيزتي القسم اللي انتي فيه نعمه عظيمه ومو اي احد يقدر يدخل هذا القسم وانا تقطعت عشان ادرس الجامعه بهالقسم لكن ربي كتبلي قسم فنون حمدت ربي وراضيت نفسي وكملت فيه وفي نفس الوقت حاولت مره ثانيه اني احقق طموحي بإني أدرس دورات عشان استفيد..

تعرفين وش مهمتك --------> 1) انك تدعين ربي بأوقات الاجابه انو يريحك قلبك ويزيل همك ..
2) انك تحاولي تتأملين أهميه القسم اللي انتي دخلتيه وتنظرين بشكل اوسع لتوظيفك بالمستقبل..
3) حاولي تقوين اللغه عن طريق الدورات وقراءة كتب تعليم اللغه للأطفال وابدئي من الصفر وشوي شوي
بتلقين نفسك واااااااااو ..
4) إذا كنت حاسه انو احد اعطاك عين حاولي تاخذين منه وترقين نفسك عشان تتطمنين..
5) بالنسبه للسفر برا اممممم احم احم .. وين يا بنت الناس على بالك الغربه سهله .. وبعدين ان شاء الله خلصي البكالوريس وفكري بالماستر برا يعني اتأملي بس على خفيف من لدرجه انك تزعلين لو مارحتي.

الله يوفقك ياحبيبتي ويسهل كل امورك ويفرج همك وهموم كل المسلمين ياااااااااارب

كلمي ابوك واذا رفض قولي له ترى ذنبي برقبتك وصدقيني بيخاف من هالكلمه
والله يسهل امرك

__________________
سبحان الله وبحمده
سبحان الله العظيم