السلام عليكم ..كيف حالكم
الشكوى لغير الله مذلة بس بقولكم وش قاهرني وهلك صحتي ابي افضفض ابي ارتاح
عدت اخر مشكلة بيني وبين زوجي بسلام لكن خلت لي اثر نفسي قلت لازم انسى وارجع قواي من جديد واخلي المركب تمشي ..المهم قلت له مسنجرك هذا سبب المشاكل ورقم جوالك تغير قالي اوكي
بعد اسبوع من المشكلة شبك بنفس المسنجر ان لان ومشغل نفس الشريحة الي له فيها ماضي
والله ياجماعة ان عروق راسي صارت تخبط ببعضها وحسيت بسخونة بكل اعضاء جسمي كنت بنفجر انا من اخر مشكلة معه وانا اخذ حبوب منومة مابي اذكر شى احتري بس متى يجي الليل عشان افصل وحالتي تصعب على الكافر ..المهم جلست اقوله ليش وماليش قال هذا مسنجري ومن حقي ادخل فيه وجوالي يعرفه كل الناس قال انا غيرت رقمي وماثر فيك وانا وربي البيت ياجماعة قلت له مشكور على تغير الرقم وماقصرت وللمعلومية الرقم هذا صارلي اكثر من شهرين اقوله غيره يعني ماحط شريحة ثانية حتى نشف ريقي ومع هذا شكرته وصار يتحجج باشياء تافهة ..هو له طريقة معينة يتسفرني فيها الي هو بروده مثلا اقوله شى اهاااااا اوكي اقول دق علي يقولي مشغول ادق مايرد وكل حركة تصير منه ترفع ضغطي واحترق مع نفسي وممكن اغلط عليه باي كلمة سبة اصير بدل ماني مظلومة اصير انا ظالمة وبالاخير انا الي اعتذره
واقوله اسفه ماني مقتنعة باسفي له بس مابي الخصام يطول معه كذا مقدر

وهو من يغلط بحقي مايجي يعتذر لدرجة اني اقوله انت مو المفروض تعتذرلي ؟ ارحم نفسي ياعالم يقول طيب اسف وبكل برود بروده قضى على اعصابي سحقني اتمنى اني لو عندي برودة اكثر من الثلج واعامله بنفس اسلوبه بس مقدر عجزت طبعي حار ولا صار الزعل بنفس الوقت ابي الامور تهدي هو ماعنده مشكلة حتى لو طول الزعل مافرقت معه
انا ماصرت احس بالامان ابد معه وتصرفاته معي تحسسني انه بايع مو شاري كل مرة اشتكي من شى وتنقلب علي السالفة واصير انا الي اعتذر لانه يستغل وقت عصبيتي ويطلع مني كلام مب زين وهو يرد علي ببرود واحس انه استفزني بالحيل
لا تقلون لي وش تبينه يسوي يصارخ معك لالالا مابي كذا انا ابيه يتفاعل معي وقت المشكلة ويحتويني ويحاول يراضيني وخاصا لو غلط بحقي مو يجلس يستفزني لين يخليني انا الغلطانة بالاخير وانا الي اعتذر له
بليز ابي تعطوني طريقة كيف اقهر زوجي مثل مايقهرني كيف اخليه هو يجي يعتذر لي والله حتى لمن يشوفني ابكي واتقطع مايرحمني

__________________

حبيبتي والله انا حاسه فيكي

لكن العصبيه ما تنفع اعرف صعب عليكي لكن حاولي

طنشيه طنشيه طنشيه لا تساليه عن اي شي وعيشي يومك

زيدي في عبادتك لله والدعاء والاستغفار

جربي مدت شهر لا تساليه عن شي والتزمي الصمت والاستغفار

ربي يوفقك ويفرج همك

__________________
صورة التوقيع و الصورة الرمزية ممنوعة . راجعي قوانين المنتدى

لجــل دنيآأإ فـــآأإنيـــه نفتـــرق فـــى ثــآأإنيــه

اختي صابره اثقلي عليه ولاتكثرين زن وشك ومشاكل ترا يطفش وبيشوف انك نكديه

وبلقى الراحه عند زوجته الثانيه

فنصيحه لك عامليه بلطف وحنيه ولاتدققين عليه عشان تعيشين بدون مشاكل

__________________
لااله الا انت سبحانك اني كنت من الظالمين

بردانة وربي البيت لو اعرف الطنش بكنوز الدنيا شريته اهم شى اني اصير بادرة زيه وواقهر شعوره

__________________

الله يكون بعونك صراحه

لانه تعود يشوف هالمنظر بكثرة منك وماعاد يأثر فيه ويعرف نتيجته وشايف انو مابيدك شي ومافي موقف حازم

الحل حاولي جاهدة قد ماتقدري تضغطي على نفسك وتطنشي وتشغلي نفسك بأي شي حلوو وتحبيه

الله يصرف قلب زوجك لك لوحدك يارب

وين أهلك ؟ صديقاتك ؟ امعاهد ؟ دورااات ؟ لتلفزيون ؟ النت ؟ السووووق ؟

اشغلي نفسك شوية عنه طنشييييييه خليه يدورك ويفكر ليه بعدتي عنه

خليك غامضة يلقى فيك شي يحيررره

هو لأنه حافظك وحافظ كلامك وتصرفاتك واعتذارك بالأخير مطمن وماخذ راحته بالبروود

المره اللي قبل رديتي علي باستهزاء وتحسبيني استهزأ بمشكلتك

لكن فعلا أنا صادقه معك بالحل حتى لو أنه ماأعجبك

ترى كلنا نعصب ونتكدر وتمر علينا مشاكل يعني شي طبيعي عصبيتك

بس اللي مو طبيعي إنه نفس السيناريو يمر في كل مشكلة والمشاكل نفسها وقريبة من بعض

وطريقتك في حلها نفس الشي

مافيه شي اسمه كيف اقهر زوجي ؟؟؟ على كذا مو ناويه حل سلمي بينكم انتي تبين تزيدينها

وللأسف زوجك بيزيد في تجاهله وبروده واتوقع بالاخير هروبه

وانتي بتزيدين بقهرك ويمكن تجيك الأمراض لأنه جسم الإنسان وعقله مايتحمل كل هذا

عزيزتي اتركي زوجك الحين وفكري بنفسك ؟

لهالدرجة هانت عليك نفسك تتعبينها مع شخص لا مبالي ؟

حتى لو زوجك الحياة بينكم مشاركة مو هو كل الحياة

صحتك ألزم وتعديل السلوك من صالحك أول شي انصحك تسوينه تقرأين بنفسك سورة البقرة في بيتك

تطرد الشيطان وتحل البركة فيه

تصدقي بأقل القليل من أجل ربي يسخركم لبعض ولا تستهيني بأمرها

استغفري عند كل مره تعصبين الكلام هذا مو جديد أدري كلنا نعرفه بس طبقيه بنية الاصلاح وربي بيعينك .

حبيبتي مررررررررره لاتهتمين فيـه ولاتسسالي عنه ولا تكلميــه كثيير يعني لحد مايحس فيـك
واششغلي نفسسك يأي شي اطلعي وتمششي سسوي كل الي تبينه
ولاتفكريـن فيه مررره دامه هو بارد ومايهتم كوني ابرد ولاتهتمين اهم شششي انك
ماتقصرين معاه في ششي عشان
لا يخليها حجه عليـك
والله يسسهلك وان ششاء الله يحس فيك
وتكنون بـأحسسسن حـآل

تمنيتج جنبي عشان اطقج عشان تصحين حق نفسج بذمتج لمتى كل هالمشاكل والله عورتي قلوبنا عليج
انتي خنقتي زوجج بشكج وغيرتج آنه ابصم لج إن ندم إن تزوج !
عطيه مساحه من الحرية ويوم الي يكون عندج خلج مرحه معاه
اسكتي لا تتكلمين وايد معاه خله وحس انج غامضة والصمت يعطي هيبه ويخلي الطرف المقابل في حالة دفاع عن نفسه وخوف من السكوت
وين صديقاتج طلعي معاهم وسافري معاهم لا تقعدين بين أربع طوف ويدج على خدج بس يابنت الحلال حرام الي تسوينه بنفسج وبريلج
خله يشتاق لج عطيه فرصة يحبج
ذبحتي نفسج ! والله قاهرتني على العذاب الي حاطه نفسج فيه

سبحان الله .. زوجك مثل زوجي بالضبط
بس أنا ما قدرت أطبق نصايح الأخوات لأني شدييييدة العصبية ودمي حاااار جدا أبي المواضيع تنحل الحين وحالا
ووصلت لمرحلة الانفجار تقريبا بسبب تراكم المشاكل وبروده وعدم حله للمواضيع
(بس إن شاء الله ما توصلين لها إذا طبقتي كلام الأخوات جزاهن الله ألف خير)
والحين صارلنا 7 شهور منفصلين بعد ذاك الانفجار
أدري نيتك طيبة ... نيتك تصلحين وضع بيتك وما تسمحين للمشاكل بالدخول بينكم وتبينه يتفاعل معاج بحل المشاكل ...
بس أحيانا الطريقة والوسيلة تخون الإنسان مثل ما صار معاي

لا تسمحين حق هالشي يصير .. اليوم أنا تعلمت درس واااايد كبير ومهم بحياتي ...

هو الهدوء وضبط النفس وكظم الغيظ عند الغضب والتزام الاستغفار .. وأهم شي خلي زوجج براحته يسوي إللي يبيه، مو هو بكل الحالات سواء سوا اللي يبيه أو ما سواه منطنشك .. واتجهي إلى هواية تحبينها، رياضة، سوالف وقعدات مع الأهل والصديقات، طلعات حلوة، وخلي على راااااااااااحته تماما ... راح تشوفينه من نفسه استغرب وقام يدورك ويسأل شنو تسوين ووين كنتي و و و ... هم خليج غاااامضة ولا تعطينه الخيط والمخيط، قوليله عندي شغل مع صديقاتي، عندي مشروع خاص فيني بخلصه مع دوامي، بفضى شوي حق عمري ....

والله يكتبلج إللي فيه كل خير

حبيبتي انا ماذكر رديت عليك ولا اذكر شى انا ماستخزا باحد بس لو شفت انه احد حاول يستفزني احاول ارد عليه ولا احب من يهاجمني واضن مافي احد يحب الهجوم لانه كل واحد الله يعلم فيه داخل يحكي همومه ويحب يسمع كلمة تريحه ..عموما اسفة اذا زعلتك بشى
كلامك صحيح انا لو احب نفسي ماعذبتها مشكلتي ماحب الخصام او بالمعنى الاصح اني صعيفة امام الخصام والخفا ولا احب بات زعلانة
لكن دام زوجي فعلا صار يعرف ردة فعلي ماصار يرحمني لما شفت كل كل قواي خانتني طلبت الطلاق ولما حس اني صادقة قالي عديلي اهلك وضغطت على امي تقولها طلقها
بس قال بفكر وفي نفس الوقت خفت لا يسويها وتراجعت وجلست اللطف الجو اخاف من الطلاق ولا ابي افقد حياتي وفي نفس الوقت تعبت اقول لو استمر على هذا الحال اعيش لوحدي افضل من اني اخسر كل شى وخسرت كثير واولهم نفسي

__________________