السلام عليكم ورحمة الله و بركاته

بنتي وعروستي الحلوة فوز

صار عمرها 3 شهور من يومين

ماشاءالله تبارك الله

المهم

لاحظت شيء من اول ايامها

كانت تبكي فترة الظهر بكاء شديد

وفترة المغرب

كنا نقول اكيد مغص

في تلك الفترة ماكانت تعمل شيء الا انها تنام وتصحا هاتان الفترتان للبكاء وترجع تنام ههههه

بعد الاربعين راح بكاء الظهر

وصارت تصحا اكتر وتنام اقل في النهار ويعني بدات تصحصح

ولكن بكاء المغرب باقي لحد اليوم بشكل غريب

اوضح لكم

بعد الغدا بالعصر احاول الكل في سريره وننام قليلا

وهي مرات تنام واحيانا لا

المهم بعد العصر اكون مع اولادي فهد وفوز

والامور تمام

قرب المغرب اي مابين الساعة 5 ل6 يكون عادة بدها ترضع ومن بعدها رضعة النوم وخلص

المهم

حينما تجوع في ذلك الوقت

قبلها تكون زي الفل

البنت ترضع من جهة

وتبدا في البكاء من جهة اخرى

يعني لازم ترضع الاول بعدين تبكي في هالوقت

يعني لو الساعة 5 ومارضعت اوكي كويسة

لو صارت 5ونص ورضعت

خلص تبدا بكاء

ولو تاني يوم مارضعت عال5ونص بتكون ساكتة

يعني فهمته قصدي ؟؟؟لاتبدا البكاء الا بعد الرضاعة بالذات

مباشرة بشكل غرييييييييييييب
رغم اني يعني اجشئها و تشبع وكلو تمام

عادي جدا زي اي رضعة خلال اليوم

ولكن خلص من بعدها تضل تبكي وتبكي لوقت النوم

ماتسكت غير بالحمل طبعا او لو شافت التلفزيون

( لتكون متابعة شيء وبتصرخ عشان اوديها عليه)


المهم هية خلال النهار عادي يعني كاي طفل تبكي احيانا تسكت احيانا عادي


بس انا مش فاهمة سر البكاء بشكل واضح ومحدد وصريح في فترة المغرب بالذااااات وبعد الرضاعة ايضا

يعني صار درس يومي مفهوم لنا جميعا رضعت فوز بكيت فوز ......... مانخلص غير بس ترضع المرة الجاي وتنام والله يهديها


ارقيها كل يوم

الاعبها

احاول اغيرلها جو في تلك الفترة احضنها احملها

لافائدة مافي تغيير لازم تؤدي الواجب الوطني بهالوقت


ممكن مغص؟بس لهدرجة؟وان كان مغص يعني مابيحلى غير بعد الرضاعة بالذات يعني الموضوع مش صغطة زر كمان

وهية كبرت ماشاءالله 3 شهور لهيك مستغربين

فما الموضوع وكيف اغير مزاجها وبكائها

المشكلة بتصير تتطلع فية والاخت مندمجة بالبكاء وبس تشوفني بتخفف الموجة وبتصير كانها بتحكي معي تطلع اصوات وكانها تطلب مني احملها او الاعبها

بتحزن حرام مسكينة

بس يعني الحب والحنان في فترة قبل المغرب بالذات وبعد الرضاعة تحديدا


فكرو معي بالسبب والحل

جزاكم الله خير

__________________