لمتى ياامي !؟


وصل عمري 27 سنة وتوي انتبهت لعمري

امي الله يحفظها احبها واموت فيها وانسانه تخاف الله فينآ لكن تخلينا على رآحتنا ولا يروح فكركم لبعيد وعودتنا على هالشي من يوم كنا صغار


مثلا انا ماابغى اروح مناسبة تقولي عادي لاتروحي على راحتك ياحبيبتي لين صرت على مر السنين اخجل اني اطلب اروح لمناسبة او ازور اقاربنا او اوجب ضيوفنآ

اليوم مثلا سمعتها تقول لاختي الي اصغرمني اليوم في زواج تجي معاي وتترجاهآ تمنيت انها اصرت علي انا بحكم انو انا الكبيرة وإلـي إلى الآن محد تقدم لخطبتي غير شخص كانت امه تبغى تقهر زوجته على حسابي

والحمدلله على كل حآل

سيبوكم من هذآ
مره امي كانت بتحضر زواج واخواتي قالو بنروح وطبعا انا لا لاني استحي اقول بروح بيفكرو ان انا خلاص ابغى اطلع علشان اتزوج والناس تشوفني
صراحه خواتي بيستغربو لو قلت بحضر + انو انا خجولة انا لو عرض علي شي ابغاه اقول ماابغى إلا اذا احد اصر علي وشجعني فبتشجع وبوافق
صديقتي الله يوفقها شجعتني على حضور المناسبة وقالت لازم تطلعي والناس تشوفك ومن هالكلام

المهم قلت لأمي بروح ابغى اغير جو حسيت امي مو مهتمة واخواتي يوم عرفو اني بحضر المناسبة
الكل قال خلاص حنا مابنحضرالزواج !!!

ماعادآ اختي الي عمرها 18 ماغيرت رأيها لما جآ يوم الزواج استعدينا وامي نادتني وقالت يالله بتروحين ولالا وطلعت وسكت الباب وراها

انقهرت من اسلوبها امي لو تبغاني اروح اشوف لها شغله مهمة تخصها ولاتخص البيت تجلس فوق راسي لين اقوم لكن هالأمور اضن ماتعنيها على ان هي تحبني لحد الجنون
وتتمنى اني اتزوج ودايم تدعي لي بالزوج الصالح الي يسعدني وتقول لو تزوجتي لأجيب لك واجيب لكن موقفها الي بذكره الحين حسسني بشي انا ماابغى احسه


اكمل السالفة صحيت وشفتها دخلت غرفة اختي الي اصغر مني الي خطابها كثير ا"لله يوفقها" الي يوم عرفتي اني بحضر الزواج غيرت رأيها هي وبقية خواتي وقررو مايحضرو

المهم سمعت امي تترجاها وتشجعها وتقول لها يالله ياحبيبتي قومي ومدري ايش ! انا صراحه تضايقت
ايه بأكون صريحه واقول تضايقت يوم شفت اصرار امي على حضورها عكسي انا

وهي وافقت

تجهزنا ورحناالزواج وجت وحده وجلست معانا على الطاولة وطلبت اختي الي اصغر مني لولدها

بأكون صريحه وبأقول انو ثقتي بنفسي اهتزت بشكل مو طبيعي + اني تمنيت ان الأرض تنشق وتبلعني وتستر علي من ذآ الاحراج الي كنت فيه

لحد يقول خليكي واثقة من نفسك ومن هالكلام انا زيكم كنت انصح البنات الي كانو يعانو قريب من مشكلتي ثقي بنفسك ووو لكن الي جرب هالموقف بيكون صعب صعب صعب

لكن مابيدنا غير اننا نتحمل ونرضي بقدرنا

حسيت اني خسرت المبلغ الي دفعته في مكياجي وتعبي على اهتمامي بنفسي وخسرت كرامتي

بس ماعندي شي ثاني اقوله حبيت افضفض والاقي مين يسمعني وويوجهني للصح بدل ماني عايشه بكركتر مولي ابدا ابدا بدا انا بداخلي اشياء كثييييييييييييييييرة
واخبيها بخجلي

احس اني عايشة بقبو ومو قادرة اخرج منه مررررررررررررره مو قادرة ولا حتى اقدر احاول في شي احسه مقيدني

وكمان في نقطة مهمه خواتي صارو كأنهم بناتي امي مهتمه بأكلنا وشربنا وتمزح معانا وتوجهنا للصح وتنتبه لنا لكن اخواتي كانو يكلمو شباب وبنات من المنتديات على جوالها وهي ماتدري فنبهتها وحسيتها بالبدايه مهتمة وبعدين نسيت الموضوع كليا كليا كليا نبهت خواتي ونصحتهم وهم الحين الحمدلله وضعهم احسن من قبل والفرق واضح بكثير وحده من خواتي مستواها الدراسي ضعيف جلست معاها ونصحتها ووو وشكرتنا وكل شي تمام وامي في عالم ثاني عالم النوم والاهتمام بضيوفنا والطبخ والنفخ وتهتم فينا ماانكر لكن موذاك الاهتمام الي يخص الجوهر

انا تعبت وخواتي تعبو مني وياليتهم قدرو الشي الي كنت اسويه لهم لا الكل صار لايكلمني ولايطالعني ويحاولو يتحاشو الكلام معاي على اني لما كشفت اغلاطهم نصحهتم ورجعو ورجعت انصحهم ورجعت علاقتي بهم احلى من اول بكثير بس احسهم الحين مايبغوني نهائيا

واختي الثثانية الي اذا وحده فيهم غلطت عليها تقوم العالم عليهم يحبو ويسولفو معاها ووو

بجد وضعي مو طبيعي

الدنيا كذا حبيبتي ذي الايام الناس مايحبو الضعيف يحبو القوي اللي يخذحقه بيده ولايفرط بحقه لانه يحبه نفسه ويعزها فعزوه واللي مستسلم ويحاول يؤثر على نفسه ويدور رضا اللي حواليه ماحدا يعطيه اهتمام حبيبتي انتي موشرط تطلعي عشان تنخطبي اطلعي عشان تكسري هذا الحاجز اللي بينك وبين العالم الخارجي اول مره رح يستغربو والمره الثنيه رح تخف حدة الدهشه عندهم والثالثه رح يشوفو الوضع طبيعي
امك تصرفاتها طبيعه ومعقوله ومولازم تترجا فيك عشان تطلعي معاها كنت اوقات اترجا امي عشان اطلع معاها نتمشى وماتاخذني وشو اقسى بنظرك موقفك والا موقفي عيشي الوضع فري انتي تبغي تطلعي رح تطلعي مو لازم احد يعزمك وبيترجا فيك انتي تبغي تونسي نفسك مو لازم احد يفهم ليه بتطلعين واللي يبي يفكر خليه يسيء الظن قد مافيه زياده لحسناتك
ومساله ان امك تترجا اختك تطلع معاه لزواجات ترا ابد مو حلو هذا الموقف وانا جربته كمان اوقات
والله العظيم انها كانت تغصبني وانا مويضه اروح زواج عائله معينه وتجبرني احط مكياج وتختار اللون اللي تبغاه هي البسه انا وحتى الروج تختاره لي والله العضيم اني كنت احس اني سلعه رخيصه قاعده امي تعرضها على الحريم والضحيه اني تعبت تعبت من كثر مالحريم يتفرجو علي ولا حد يتصل ولا حد يخطب وانخطبت لناس ماشافوني ابد ولايعرفوني وكنت حاسه انا ان نصيبي لو جا رح اتزوج من غير مااحضر عشرين زواج بالسنه
من ناحية ان امك ماهتمت لموضوع اخواتك
انا اشوف تصرفها مناسب لانها تركت لك العلاج لانك اقرب لهم منها ورح يسمعوك اكثر والحمدلله النتيجه المرجه صارت يمكن لو امك شددت على اخواتك كان عاندو وتمردو اكثر وتشعب الموضوع وماقدرتي تسيطري عليه ابد ولكنها هدت الوضع عشان مايصير الممنوع مرغوب وش الافضل بنظرك تصرف امك ووالا انها منعت النت وتمنعت الجوال وصارت طول الوقت تشك فيكم وحتى لو شايفتك مهتمه في نفسك حبيتين قالت وراك سالفه وجلست تحقق معاك احمدي ربك وادعي ان ربي يحفظ لك امك ويحفظ لي امي ياااااااارب

__________________
ربي اجعلني مقيما الصلاة و ذريتي ربنا وتقبل دعاء
يارب ارزقني واختي الاولاد الصالحين تامين الخلق والخلقه يااااااارب
اتمنى كل من يشوف توقيعي يدعيلي ويدعي لاختي

والله حزنت من اجلك لكن والله وربي الحزن مايفيد ويجب الهم ويكبر بشكلك لكن لو كل وحده فينا تشكي محد راح يحس فيها غير نفسها ورب العبااد اذا صاار معااك شي روحي توضي وصلي وبسجوود اشكي كل اللي بقلبك لربك وبعد فتره شو في كيف صرت ووين كنت والله يأختي اني صاار اكبر من اللي صاارلك لكن الحمدلل على كل حااال والله لدرجه انو لما انخطبت اختي اللي اصغر مني واختي رافضه المتقدم والله يسحبونها امي واخوي مثل....... والله اني بكييييت انا واخوااتي لكن ام قالت لي كلم مستحييييييييييييييل انسها مو حقد لا علشان اكون حريصه اني مأقولها لبناااتي في المستقبل والله قاللت(اذا جااك احد انتي تكلمي ودافعي عن نفسك )واخوي اللي دايم معاااي قال لاختي لما راحت تحلل (اني انا منقهره منه واني حاااسدتها ع الزوج زانها راح تتزوج قبلي)بلااااااااااااهي احد يقول هذا الكلام لكن اشكي همك لربك وربك ييسسسسسسسسسسرها



دعوااااااااااااااااتك

حبيبتي لاتفكرين بزواج لان اتمنى مت قبل زواجي وافتك لانه والله ثلاث اربع الزواج مشاكل وهم وغم اتمنى اكون عانس وينظرون لي الناس بعينى الشفقه وللا اتزوجة ولاتقولين الرجال موا زي بعض بالعاكس كلهم نفس مشكلهم ونفس همهم واخواتك مصيرهم يكبرون ويعرفون انهم يغلطون في حقك الحين هم مرهقات وانتي ماشالله انسان ناضجه في الحياه وتفكيرك موا نفس تفكرهم عشان كذا يتجنبونك وامك تحبك مره عشان كذا ماتبي تفارقينها لانها تعرف انها راح تحزن على فراقك غير اخواتك وانصحك اطلعي وخليك اجتماعيه ماعليك من نظرات احد اول شي راح تلقين نظرات واستغرب بس بعدين راح يتعودوا والله يسعدك ......

والله يااختي كأنك تتكلمين عني بس قبل مو الحين
ترى الغلط منك مو من اللي حولك وكل هذا بسبب شخصيتك خجلك حساسيتك
انا كنت نفسك واحس ان امي واخواتي مايحبوني بالعقل يعني فيه ام متحب بنتها او اخت ماتحب اختها
ونظرة الناس لي كانت غير عن اخواتي
كنت اشوف نفسي اني طيبه مع الكل بس ليه مايبادلوني نفس الشئ
اثر البلا فيني يعني من زود خجلي اغلب الوقت ساكته ولا وحدي
واذا قالت لي امي امشي معها عييت وش معنى انا بذات وكل ذا من الحساسيه
واكتشفت ان نظرة الناس لي اني متكبره ومغروره وشايفه نفسي فيتجنبوني مع اني عكس هذا تماما لكن بسبب خجلي
امي واخواتي ماعمري بينت لهم بالكلام اني احبهم لأن الفعل وحده مايكفي
لكن والله العظيم لوتشوفين الحين كيف تغيرت اول شئ صرت قريبه من الله جدا
ثانيا:صرت جريئه يعني اطلع اسولف مع اخواتي مع اقاربي واعبر لهم بالكلام اني اشتقتلهم 00واهتم بشياكتي
ثالثا: المناسبات صرت واثقه من نفسي اتشيك واي واحدها اعرفها اقوم اسلم عليها00 اتحرك اروح واجي ومااقعد زي الصنم مثل قبل
رابعا:صرت اتحمل مسؤليات في البيت يعني صار لي حس 00اعزم اخواتي واقاربي اسولف مع امي كان قبل احس بينا حاجز واناالحين كسرته
وشوفيني الحين وربي غير00 مااحد يستغني عني 00والكل صار يلجأ لي ويتعلم مني وكمان يقلدني
ونظرات الناس لي غير حتى والله في المناسبات ان اللي اكبر مني واللي مايعرفني يجي ويسلم علي وهذا كله بفضل الله وقربي منه00
فأقولك اختي ابدأي من نفسك انتي وشوفي كيف
وخليك دائما مبتسمه هادئه كوني مرحه
واكثري من قول اللهم اني اسألك حبك وحب من يحبك وحب كل عمل يقربني اليك
لانه ربي اذا حب عبد حبب عباده فيه
اللهم اجعلني في عيني صغيرا وفي اعين الناس كبيرا
اللهم حببني الى عبادك وإمائك
اللهم زدني قربا اليك
واسفه على الاطاله