السلام عليكم

الحمد لله على كل حال

تقدمت لبنت تقربلي من بعيد ولكن قوة الصداقة بين اهلي واهلها هو اللي خلاني اتقدم لها عشان يكون بيننا نسب
كنت اسمع اخواتي يمدحون البنت فقلت اخطبوها لي وفرحوا الاهل لأني باخطبها

نظرتها نظره سريعه بدون تدقيق ولا أخفيكم اني اعجبت بها
طبعا البنت متفننه بالميكياج
يوم الملكه كنت باتجنن عليها وبعده بيوم كان الزواج
انتهت مراسيم الزواج ورحنا الفندق وصار اللي صار
وبعد ماغسلت وجهها جتني حاله غريبه صدمه اللا اقوى صدمه بحياتي
البنت ماهي بيضاء مثل ماقالولي اخواتي كانت سمراء قمحيه وفيها عيوب بوجهها
الزين كله راح برشة مويه اثاري المكياج مخفي عيوبها
شوي اشوفها تبعد شعر من راسها
انا انجنيت !!
اثاريه شعر مركب وانا والله ماعرف هالحاجات تركيبة الشعر وهالحاجات اللي يسوونها
طلع شعرها قصير وخفيف خلقة مو مقصوص
حسيت اني انخدعت وماكنت طبيعي ذاك اليوم
البنت على نياتها تظن اني ميت فيها وانا مابي ابين اني منصدم
بعد اسبوع بدت المشاكل
كل ما اتذكر ماقبل الزواج واني اتمنى البنت تكون بيضاء واذا قمحية او سمراء مو مشكلة اذا كانت ملامحها حلوة بس هذي مافيها ملامح
ويعلم الله اني صرت ما اطيق اشوف وجهها بدون مكياج
انا نفسيتي تعبانه
حاولت اطلقها بس كل ماتذكر العلاقة بين اهلي واهلها اتراجع ومابي اظلم البنت
لكن وش اسوي اذا هي السبب انها ما أظهرت يوم الشوفه على طبيعتها
وهنا الصدمة القوية يوم اكتشفت ان عندي التهابات بالعضو الذكري ورحت الطبيب وقالي انه احتمال ضعيف انجب ويجوني عيال
وزادت حالتي النفسيه تعب على تعب
كيف اطلقها وانا ما انجب ومنهي بتتزوجني بعدين
او كيف استمر معها طول العمر بدون عيال وانا كارهها وما اطيق اشوفها
خيرتها وقلت لها يابنت الناس لك الخيار اما تستمرين معي او ننفصل بسبب اني ما انجب قالت استمر
ما اخفيكم اني معاملها معاملة طبيعيه ما احاول اني اجرحها ولا ابين لها كل هذا كاتمه في نفسي ومافضفضت لأحد وهذا اتعبني كثير نفسياً

راح اذكر بعض عيوبها وانتم احكموا ك
1- سمراء وانا كنت اتمنى بيضاء
2- شعرها قصير وخفيف وكنت اتنمى بنت شعرها طويل نوعاً ما
3- قلت يمكن جسمها يغريني واتغاضى عن جمالها لكن للاسف جسمها غير متناسق
4- غير متعلمة ولاعندها اي ثقافة كل همها المسلسلات والطلعات

وفيها مميزات منها : طيوبه , ترضى بأي شي , ماتقصر بالطبخ وترتيب البيت

انا كتبت كل شي حتى تعرفوا المشكلة من كل الجوانب
اللي يقول ان المكياج مايغير اللا والله يغير ويخليني اشوفها بنت ثانية
واللي يقول خلها على طول بالميك اب هذا مستحيل لازم تمر فترات بدونه

اعطوني رأيكم وحلولكم بارك الله فيكم

اقتباس: وهنا الصدمة القوية يوم اكتشفت ان عندي التهابات بالعضو الذكري ورحت الطبيب وقالي انه احتمال ضعيف انجب ويجوني عيال وزادت حالتي النفسيه تعب على تعب

[IMG]http://im68.***********/hCw6dK.jpg[/IMG]
( خيركم خيركم لأهله ، وأنا خيركم لأهلي ، ما أكرم النساء إلا كريم ، ولا أهانهن إلا لئيم
الدين المعاملة

على فكره صرت قليل اروح عند اهلي وهي معي تدرون ليه
لأن اخواتي ماشاء الله ازين منها بكثير واشوفها قدامهم اشينهم وانا والله ماتحمل شوفتها

انا فيني عيب صح لكني خيرتها وهي اختارت انها تستمر معي لأني مو مبين لها اني منصدم وكاره شوفتها لأني مابي اجرحها