السلام عليكم والرحمه
في البداية احب أشكركم على هذا الصرح الأكثر من رائع , من جد حسيت ب الراحه وأنا أقرى ردودكم

أنا عندي مشكله , يمكن بعضكم يشوفها شي عادي بس انا النقطه هذي حساسة عندي مره
انا مؤهلي بكالوريوس , أتقدم لي واحد عمرو 26 عاجبني من كل النواحي بس مؤهلو دبلوم

أنا نفسياً مقتنعه فيه , بس عقلياً أرفضو وبشده
خايفه من فكرة الزواج ككل , يعني خوفي يقول لي لا مايصير تروحي ولا تطلعي مع صاحباتك
أو يمنعني من الخرجه مع سواق اهلي وكذا , هذي نقطه من بحر

مشكلتي انو مدلعه ببيت أهلي بزيادة , وخايفه انو هذا الشي يأثر علي
مرات أفكر انو مافيني عيوب عشان أرضى بواحد مؤهلو دبلوم !
بس برضو هو فيه نقاط كثير تشفع له ولو كان دبلوم
خايفه ارفضو واتحسف , يمكن يجي واحد معاه بكالوريوس بس مايصير نفس مزايا هذا
وخايفه اخذو وبرضو اتحسف , مرات اقول المؤهل يتعدل بس لو رفض !!

اللي ابي اوصل لو هل الدراسة لها علاقه على تفكير الرجل !
يعني يكون اسلوبه معي قليل ادب او من هالاشياء بسبب المؤهل !

برضو هل المؤهل ممكن في يوم من الأيام يكون سبب في سوء حالتنا المادية !
انا مادياً ولله الحمد مكتفيه
بس مابي لو جاء يوم وفكرت في الاستقاله عشان أطفال ولا شي اضطر اني اداوم عشان راتبو لحالو مايغطي , وارجع اتحسف غلطتي إنو اخذت واحد دبلوم !

وربي نفسياً تعبت , رفضت كثير قبلو والسبب كان دبلوم بس هذا مثل ماقلت فيه نقاط كثير تشفع لو
احياناً افكر انو ارفض بس عشان أريح راسي

ارائكم لاهنتو / والله يعطيكم العافيه
لو احد مر مجرد مرور لاتنسوني ب الدعاء الله يسعدكم