وظفت بنت خالتي وراح يزعلو زوجات اخواني
السلام عليكم ورحمه الله وبركاته ،،،
اخواني اخواتي اعتذر عن الغيبه لأسباب دوره علميهـ
هناك موضوع شوي افكرفيه ورايد ارائكم ،،، اخوي تزوج بنت خالتي وكان عاطل وما زوجوه غير قالو لخالتي حنا نبي البنتين يعني الكبيره لأخوي والصغيره لي .. المهم خالتي وافقت ورحت لخالتي وقت الملكه حصلتها تبكي قلت لها ايش فيه ,,قالت ابكي ياخالتك اخوك مو بوظيف اشلون يبي يصرف على البنت مسحت دموعها وقلت لها يا خاله اخوي وبنتك امانه برقبتي وغير اوظفهم كلهم ،،
المهم وظفت اخوي بعد زواجه بشهر عندي ,, واللي صار انه اخواني اثنين كمان متزوجين اعطوني ملفات زوجاتهم قالو يا طلال وظفهم قلت لهم يصير خير ،، خالتي فيه بينها وبين زوجات اخواني حساسيه لأن زواجات اخواني يتباهوا قدام خالتي ويقولون زوجي وداني زوجي اعطاني .... الخ ، وبعدين زوجات اخواني اللي انا اسمعه انهم ما يحترمون خالتي , مع العلم اني ايش كثر احب خالتي وما ارضى احد يزعلها ،،، المهم خالتي قالت يا طلال ابيك توظف زوجت اخوك يعني بنتها قلت لها ابشري ،، رجعت امس وقلت لأمي يا يمه ان شاء الله زوجت اخوي تباشر عملها بعد اسبوع امي قالت طيب زوجت اخوك الكبير قدمت عندك قبلها قلت لها نأخذ على حسب الشهاده العلميه ، قالت خلاص رحت لخاتي وبشرتها لدرجت انها درت اني ناقصه على فلوس من سوالفي وياها الى هي حلفت لأخذا هالمبلغ الله يطول لنا بعمرها ،،
الحين انا جالس افكر انه زوجات اخواني الثانيين يقولون اكيد طلال مهتم بالنت لأنه راح يأخذ اختها .
واخاف تحصل حساسيه بيني وبين اخواني عشان ما وظفت زوجاتهم مع العلم ان خالتي تقولي يا طلال لا تهتم بأمرهم لأنهم اكثر من مره اهانوني وان والله زعلت لأنهم عملوا حركات بخالتي . يعني لا توظفهم مع العلم اني موظف اخوي بجامعه راقيه وزوجته بوظيفه حلوه وراتب متاز .
وكمان بيني وبين اخوي الكبير مشاكل ويبيني اوظف زوجته وانا مبتعد عنه لتفادي المشاكل واخاف لو وظفته زوجته تجيب لي مشاكل بالعمل .
والنقطه الأخيره كمان جماعتي اذا دروا اني موظفها راح كل وحده جايبه ملف بنتها ، لأن اخوي اللي وظفته ما معاه شهاد يعني معاه متوسط ،، وكمان بعد ما وظفت اخوي وظفت خالي معاه سادس . .
انصحوني ايش اعمل الله يسعدكم ولا يحرمنا منكم ..
تحاتي لكم
اخوكم طلال
01-06-2011, 09:13 PM
ضوابط المشاركة
العرض الشجري