بسم الله الرحمن الرحيم

وكل سنه وانتو طيبين

النك نيم تبعي يدل على الوضع اللي عايشته
حالة صدمه من الكل تحطيم يأس ملل
كل شي ممكن يخطر على البال صعب تبني اشياء وتفرح فيها وهي على الواقع مالها وجود
تفكير ناس حولك الاطفال ما يفكرون فيه
استهتار درجه اولى ما فيه مراعاه لشعور الغير
نفاق ووحده تجلس معي وعلاقتنا قويه وبيوم وليله تقول ما خاب ظني فيك انه ما يهمك احد وتبيعين يعني اش المطلوب الحق ورى اللي ما يبيني يعني؟؟؟؟
دايم افكر بغيري (أهلي) وهم التوب عندي وعمامي وخوالي
اعتبرهم مثل امي وابوي من كثر ما احبهم بس اللي يضحك كان على بالي انهم يبادلوني نفس الشي طلعو بوادي وانا بوادي
بتقولون كيف اكتشفتي
من المعروف اذا البنت تقدم لها خاطب يسالون عنه وما يوافقون الا وهم خلاص اللي عندي الحق ينقال ما قصروا سالو بس مييين ام الولد داريه شي يضحك بس البلى مو هنا تم كل شي وملكت طبعا من زود الثقه في رايي اهلي على طول قلت سو اللي تبون
اول يوم ملكت يعني ملكت العصر والليل رحت بنام صحيت اهلي كلهم عندي ويناظروني اش فيه طلع جاني حاله مثل الصرع
مع انها اول مره تصير لي
مشيت وخطيب الغفله مالت عليه كل يوم مشاكل ما فيه شهر عدا بدون مشاكل فيه غباء فادح هذا الكائن منافق كذاب يسولف معي كل سوالفه فلانه طويله فلانه قصيره وما عنده غيرها الموهم بالمختصر ماله داعي صوتي تغير نحفت انعزلت ما اقدر اواجهه احد الا هو احس اذا مسحت فيه استانس
للمعلوميه كل المشاكل هو يبدا فيها قلت له ما عاد ابيك ثلاث مرات واهلي يسكووني ويهدون الوضع اخرها بداية شهر
مرسل واحد من اخوانه يكلم اخوي الكبير وقاله كلام ما ينقال وسببق وذكرت فيهم دلاخه لا توصف فانكشفوا دقيت عليه وقلت له حل اذلف معد ابيك واهلي ايدوني وقتها اللحين رجعت زي ما كنت بمجرد قلت له خلاص واللحين انتظر حضرته يطلق وهو يبيها بمحاكم
كل ذا عادي ما اثر فيني اللي قهرني اهلي اخواني يقولون نعرفهم يقصدون عايلة الولد بخلاء واخلاقهم زفت وامي تقول نفس الكلام وعمامي طيب بدررري وينكم من اول عمي الفاضل يقول لو سالتوني قلت لكم
اللحين انا فيني لعانه ابي اغلط واسب واجرح ولا عاد ابي اقدر احد اصلن اخواني ما قدرت اكرهم صراحه لاني احبهم اكثر من نفسي بس عمامي ودي اتهور فيهم وزوجات اخواني ابي ابدى بالغلط دايم الناس تبدى وانا لا بجرب وش يحسون فيه
في نظري صاروا الناس كلهم كذاااااابين ومنافقين وما ينفع الواحد الا نفسه

هذا جزء واحد من حياتي السامجه وما خفي كان اعظم
غير الطفوله اللي زي الزفت وغير الاشياء الثانيه

اي استفسار انا جاهزه
وسؤؤؤري اذا بتعبكم معي

الى المشرفات
ارجو اضافت البليغ الى رجل الرجال والجانب الاخر في العنوان

لا اله الا انت سبحانك اني كنت من الظالمين

سبحان الله وبحمده سبحان الله العظيم

ابنتي حطموك يا قلبي:
كل عام وانتم بخير
ما ذكرتيه أعلاه يسمى تفكير بصوت مسموع وتسمونه فضفضه.
ولنضع منهج للعلاج نحدد كيف تفضفضين هنا ونبدأ من الطفولة فأذكري كل ما حصل لك فيها من مواقف أثرت على نفسيتك ثم نحللها ونتبع بإذن الله.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

اول شي كنت انا الدلوعه عند ابوي ويشوفني غير اخواني كلهم
وكمان اخواني كانوا مهتمين فيني كثير لاني وقتها تاخرت وما جيت الا بعد ثمان سنوات مع ان عندي اخت اصغر مني بس الاهتمام كان لي ولدرجة ان ابوي ما يرد لي طلب واخواني لما كانوا يبون شي يرسلوني اقوله عشان يجيبه
دخلت المدرسه وكانت معي بنت جيرانا وهي من قبيلتنا وابوها يقرب لنا وعلاقتنا قويه درسنا سوا وكنت اشطر منها السنه الاولى عدت وكرموني الاولى على المدرسه واستانس ابوي
طلعت سنه ثاني ومن هنا بدت المشاكل
البنت اللي كانت معي سبحااان الله براءة الطفوله بجهه وهي بجهه غبت مره واتصلت عليها وطلبت ترسل دفترها على اساس انقل الدرس ورفضت على اساس بتمليني وخلصت طبعا الماده ما كانت عندي اليوم الثاني بس حركات الدفرنه مشيت الوضع لحد اليؤم اللي علينا الماده ووقت تصحيح الدفاتر وديت دفتري وهاك يا تهزيء طلعت البنت مليتني غلط واخذتي لي كم ضربه واللي قهرني ان الاستاذه سالتني من وين نقلتي الدرس قلت من فلانه وجحدتني ما اعطتيتها الموهم اني حقدت وهالبنت جننتني مشااااكل كل شوي اذا احتجت دفتر او كتاب من عندها ابد لو ايش ما تعطيني مع انها تطلني كثير واعطيها ما اقول لا
بنفس السنه ابوي جته جلطه تسببت له في شلل نصفي وما يقدر يتكلم ولا يمشي هالموضوع بالذات اثر علي بشكل مو طبيعي لدرجة الى اللحين اي شي يصير لي احس لو ابوي بصحه ما خلى احد يسوي فيني كذا ما انكر اني بعض الاوقات استلعن بس لما احد يبدا علي بس انا من نفسي لا
نفس كملت باقي الطفوله على هالحال مشاكل مع هالبنت
قدام اهلنا والمدرسات والبنات انا واصلين السما من كثر ما صداقتنا قويه ووالله كنت احبها واعزها بس هي مدري وش تحس به واللي يجيب البلا صدق انها تتبلاني بشكل مو طبيعي قدام المدرسات انا العله وانا اللي داعسه على البنت وانا وانا
خخخخخ لدرجة وحده من المدرسات الله لا يسامحها لا دنيا ولا اخره عشان البنت اللي يقال لها صديقتي صارت حاطه دوبها ودوبي لدرجة تضيع دفتري وتقعد تهزئني الا اطلع الدفتر الله لو اقابلها اليوم لا امسح بها
اوكي لو تكرهني بسبب اقول لكن كذا ما اطيق هالحركه وعشان البلوه الثانيه
تخرجت من الابتدائي اللي هي اخيس ايام حياتي لاني وقتها طفله والرايح والجاي يتفلسف ويهزء فيني بسبب وبدون سبب
واللي كان يقهرني والى الان مااا فيه احد يدافع عني لا امي ولا اخواني كنت ابحر وحدي اكلها واسكت
لاني حتى لو علمت احد محد بيعطيني وجه
اما ايام المتوووسط يالله ما ازينها طلعت لحياه ثانيه وياويل احد يغلط علي العن حيه وميته لا مدرسات ولا طالبات وما خليت شي
وابشرك لعنت شكلها اللي كانت باطه كبدي ايام الابتدائي
جت تسب اخوي قدامي والله سويت فلم عاد كله ولا اخواني تسبني انا ولا هم بس للاسف ما شفت مقابل منهم لا بالقول ولا بالفعل
وتضاربت معها طلعت حرت ست سنوات بيوم وبالقوه فكو بينا وامها قويت وجه دقت بعدين على بيتنا قالت ليه سويتي بفلانه كذا قلت اقول اطلعي منها مابغلط عليك وانتي زي امي
وما كملت وناستي ثالث متوسط امي جتها جلطه بالقلب
تحطمت من كل ناحيه وانا من النوع اللي طز بنفسي مهما يصير ما شلت همها بس امي وابوي واخواني لاااااا
يووووه ممله صدق ذاك الايام ما ودي حتى اتذكررها


وفي اشياء ثانيه بس ما احب اتكلم فيها لاني لو كتبتها او نطقت فيها ببكي

قهررررررر
احس اني بديت احن وارجع زي اووول
ما ابي ارجع للبراءه الزايده وحسن الظن بالغير اللي كنت فيه
غباااااااااااااااااء وربي غبااء

ابنتي الكريمة :
لابد من إخراج كل ما في قلب وبالتفصيل
والبكاء والالم المصاحب يشبه ألم الضرس عند الخلع فهو لمرة واحده.
ثم نحلل كامل النص ونتابع بإذن الله.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

مشكلتي الاولى والاخيره
[أبــــــوووي]
تدري ليش لانه هو الوحيد اللي فاهمني
لان شخصياتنا تقريبا وحده
هو اللي كان يشجعني يدعمني يرضي كبريائي
هو اللي علمني اني ما اتنازل عن شي لي
ما احد يفرض رايه علي ولا اخلي حقي عند احد
هو اللي كنت احتمي فيه هو اللي يوقف معي بكل شي
حتى باتفهه الاشياء
صح انه كان قاسي على الكل ويضرب اوقات بس يجي عندي ويتغير يصارخ ويهاوش وانا لا يضحك على اي شي اسويه
كان ولا زال احلى شي بحياتي رغم عناده وعصبيته
شجعني على اي شي احلم فيه وبالذات الدراسه
مع اني مو اصغر وحده
صوته عالي ويعاند بشكل مو طبيعي ويمد يده
واوقات يجرح بس يبكي بسررررعه
خساااااره لحد ثاني ابتدائي ومرض وصار لا يمشي ولا يتكلم
واعتمدت على نفسي وما صار احد يدعمني زيه يعني فقدت شي كبييييييير
المشكله لما بدت تظهر عليه اعراض الجلطه انتبهت عليه انه مو طبيعي واخر شي اخواني هم اللي لبسوه الثوب وودوه على المستشفى وبعدها بفتره وبواسطه رحت اشوفه لاني صغيره كان غييييير نحف وبين عليه التعب وما يتكلم ولا يمشي انصدمت اقوى صدمه بحياتي كل شي بالنسبه لي طاح
وصرت اي شي يصير لي او اي موقف يصير لي باي مكان اقول بخاطري لو كان متعافي ما خلاهم
واتذكر قبل ثلاث سنوات بالضبط كان عطله ويوم خميس
صحيته علشان يتغدى جلس واستغربت عليه انو مو زي كل يوم فيه شي ويقول لي بالاشاره اني افتح الستاره وفتحتها مع ان مولعه النور وقعد شوي ورجع يطلبني افتح الستاره قلت له انها مفتوحه ويحط يده على جبهته ويرجع اخر شي طلبني احط له الغدا وحطيته قدامه اللي صدمني انه يحط الملعقه جنب الصحن
حسيت انه مو قاعد يشوف شي بس انه ماسك نفسه عشاني ورحت ناديت امي وجت امي تساله وش فيه واشر لها انه مو قاعد يشوف شي بكيت وكرهت نفسي وقتها ما اقدر اوصف الوضع كيف كان ولا اوصف حالتي جا اخوي وطلع من البيت وهو يمسك يدي وياشر انو لا ابكي
مرت يومين وهو بالمستشفى وطلع اللي صار بسبب جلطه ثاني والحمد الله رجع له نظره
اوقات ايأس من كل شي واكره نفسي واتذكر الاشياء اللي مرت علي وما اقدر اصارح احد لاني لو تكلمت بابكي وانا ما احب ابكي قدام ايا كان حتى لو امي
الشخص الوحيد اللي ممكن ابكي قدامه واقوله كل شي بخاطري هو ابوي وللاسف ما اقدر لاني ما ابي اشغله فيني
ويشيل همي كفايه اللي فيه
الكل يشوفه قاسي وعنيد وما يهمه الا نفسه بس انا اشوفه غير ما ادري انا الصح ولا هم اعرف وش اللي يضايقه وش اللي يحزنه ووش اللي يضحكه واللي يعجبه من الكلام والاشياء اللي يميل لها اعرف اشياء اخواني اللي اكبر مني وعاشوا معه بصحته اكثر مني ما يعرفونها مو لتقرب ولا لملازمه باحسااااس واختبر احساسي ويطلع صح
سبحان الله اهتماماتنا وحده
الله يعافيه ويخليه لي ولا يحرمني منه
لحد هنا واستووووب لاني بجد تعبت نفسياا