السلام عليكم ورحمة الله وبركاته
انا عضوة قديمة كنت شارك ببعض المواضيع وانقطعت لفترة عن المنتدى لانشغالي ببنتي وعند اول مشكلة ارجعتلكم..
رح ادخل في الموضوع انا متزوجة من ثلاث سنبن تقريبا وعندي بنت عمرها سنة وشهرين الله يحفظها ويخليلكم اطفالكم درست الثانوية ثم تزوجت من ابن بلدي وسافرنا الى قطر بسبب عمله وعلى اساس اني بكمل دراستي اما في بلدي انتساب او في قطر..بالنسبة لظروفي وجدتها صعبة اني اتابع الجامعة في قطر اولا بسبب بنتي وما في احد من اقاربي عندي ولذلك بضطر احطها في حضانة وبالإضافة لمصاريف الجامعة صارت صعبة فاقترح علي زوجي اني كمل في بلدي وانا بصراحة حابة ومترددة بسبب البعد عن زوجي
الايجابيات ان الجامعة احسن واني بأمن اترك بنتي عند امي والجامعة ارخص من جامعة قطر وانا بقدر اني اخذ 8 شهور دراسة متواصلة وبريح في الصيف شهرين او اكثر بجي على قطر وفي وقت الدراسة زوجي بيجي على بلدي اجازته
المشكلة هي ان انا كل فترة بمل من البيت وادور على شغل وما بحصل بالاخر بفتح سيرة الدراسة وبيقترح زوجي هذه الفكرة وانا بحسها صعبة اني اتركه بس بالاخر قلت لازم اخذ قرار اما بكفي او بضحي كرمال زوجي وبرضى.. وهو مشجعني فقط كرمال ما يحس اني متضايقة او انو هو مقصر معي يعني هو بقول لي مثل ما انتي بدك..اكيد ما رح يقول لي لا ما تروحي حتى لو هو بينه وبين نفسه بيفضل اني افضل جنبه لاني بعرف حبه لي..لكن ما حابه قصر بحقة لان فترة الدراسة 4 سنوات
والله مترددة جدا عملت استخارة وبرده مش عارفه قلت بستشيركم ياريت يلي جربت تقلي كيف مرت عليها سنوات الدراسة هل بيتغير الزوج مع البعد لاني ما حابه اخسره لاي سبب بتمنى تساعدوني وتاخدو موضوعي بعين العتبار ويلي عنده اي سؤال انا جاهزة