سـلام

من زمان اتابعكم وماضنيت بيوم بحط شي بخاطري او مشكله جي وبقول لكم

ابي اتكلم عن خطيبي

انا وخطيبي نكلم بعض في الفون عشان نتعرف على بعض ونسولف بمواضيع عامه ونعرف وجهات النظر بس يعني مابينا زيارات ولا شي لان مب مالجين بعدنا الله يكتب لنا قريب


هو شخصيته جنوبي غربي و اخلاقه حلوه وكل شي بس فيه شي شاغل بالي بخصوص مستقبلنا
وين نسكن !؟
هو يبي نسكن ببيت اهله الي قريب بيحصلونه من الحكومه ومايبي ياخد شقه بتكسر ظهره وانا مابي ابي اخد راحتي وجي يعني انتو فاهمين الوحده ماتاخد راحتها اللا بروحها وياه وبعد اخاف ان بجذي اهله بيتدخلون ف حياتنا
هو على انه حلو شخصيته وتعجبني بس مترردد بشكل كبير احسه !! وما احس ان عنده ثقه بنفسه بعض الاحيان مع ان يحسسج ان واثق من نفسه .

اعطيكم مواقف وياه

ذاك اليوم اساله لو يالك ورث بتاخده ولا لا
يقول لي بتغدى احين وتالي اقول لج ( كان وقت الغدا ) كمل ويا ايسوي لي كلمت امي وقلت لها لو يا لي ورث اخده ولا لا قالت له اي اخده فقال لي اي باخده يعني شي سخيف كلش يروح يقول لبيتهم ياخده لو لا , سالته بس ابي اجوف رايه


الموقف الثاني يا لي يسوي لي جفت ثياب
قلت له خدهم ولاتخلي بخاطرك << هو يبي يخش ب الفلوس الي عنده عشان لو صار شي !
راح وجي وصور لي اياهم انزين احين اخدهم ي ولد الحلال ! قعد متردد اخد ولا لا فــــــــــــــتره
ب الاخير اخد جم صخمـه ويقول البقيه ( البانطلونات ) بيخلي اخته تاخد له ذوقها حلو
اليوم الي بعده اسوي له تروح وياها تختار يقول لا بتروح وي رجلها يعني بتختار له بدونه
هي اخته ذي حلوه احسها بس ابيه يعتمد ع روحه ابي اخليه واثق من نفسه مايتردد ياخد قراراته هذي اشياء سهله


سامحوني طولت عليكم بس مادري شلون اتصرف ابي تالي نعيش حياتنا بروحنا

ملاحظه بس :
يحب يكون وي امه وخواته بشكل كبير لانه لما كان صغير جاف امه ذاقت العذاب ( يعني يقول لك هم كل شي وهو ب الطقاق الي يطقه )

اتمنى تساعدوني مالي غيركم بعد الله