ارفض ام اقبل هذا الخاطب ارشدوني ياأهل الخير
السلام عليكم ورحمه الله
اخواني واخواتي ابي منكم المشوره عاجلا لان الموضوع لازم يحسم وانا مو قادره اخذ قرار مالي الا الله ثم انتم واسفه موضوعي ملخبط وطويل بس بحاول اختصره*
انا عزباء وامي الله يشفيها ويطول بعمرها يالله لها في نفسها وفي صحتها ماتقدر تتخذ اي قرار بسبب مرضها واثاره عليها المهم تقدم لي شاب يسكن في مدينه تبعد عن مدينتي نص وعمله في نفس مدينتي اول ماجونا امه واخته قالوا لنا انه بيسكن في مدينتي عند دوامه ولما قابلوه اهلي قال لا انا بسكن في بيت اهلي في الدور الثاني تغير الكلام هذا اول شي*
ثاني شي هم يقولون ان ماحد يعرفهم من جماعتهم اللي في ديرتهم وانهم مقاطعين جماعتهم واقاربهم بعد وفاة ابوهم مدري هل هذا شي طبيعي او لا
والشي الثالث موضوع الخطبه حصل في وقت ظروف صعبه جدا علينا واضطرينا نأجل الموضوع تقريبا 6 شهور هم في البدايه ماكان عندهم مانع بعدين احس انهم بدو يتمللون ويبغون يبعدون بس مادري وش يردهم اذكر لكم مثال اتصل اخوه الكبير من امه على اخوي قبل فتره ع اساس يجون قريب وماحدد له وقت واخوي كان مشغول وقتها ويقوله انه مشغول وماعنده وقت اذا كانو بيجون يتصلون عليه من بدري انقطعو بعدها فتره اكثر من شهرين بعدين عرفنا من امه وقالت امه ان ولدها في هذاك اليوم كان يبغى يزورنا لان اخوه الكبير عندهم واخوه الكبير مايقدر يجيهم بسبب دوامه ماحصل فرصه الاهذاك اليوم وتقول ان اخوي ردهم قال انا مشغول والشي هذا ماحصل هم ماحددو يوم مدري ليه افترو ع اخوي
طبعا تفاهمت مع امي وكانو اصلا ناسين السالفه لولا اتصال امي وتفاهمها معاهم وانهم اذا يبغون يكملون او لا براحتهم وهي ركزت في كلامها ع ان اذا انتم موافقين ع ولدي بنرجع بي امي قالت لها براحتكم وهي قالت خلاص الله يستر عليكم وسامحونا اذا حصل منا شي تكلمو شوي بعدين قالت لامي انتظري وانا بعطيك كلام نهائي يانكمل او خلاص ننهي السالفه وطبعا رجعت اتصلت وقات بنكمل معليش انا حاولت اذكر التفاصيل اللي شككتني فيهم
واللحين بعد السؤال عن الشاب في العمل وعند انسابهم الكل مدح اخلاق الشاب وتعامله واحترامه لهم
انا خايفه اوافق ومتردده خصوصا السكن فوق اهله اخاف امه تطلع مسيطره ومابقدر عليها باخاف انظلم معاهم خصوصا اني مو راعية مشاكل ابدا وشخصيه امي المسالمه اثرت فيني *وغير كذامدري هل هو شخصيته قويه او لا جدا خايفه مدري وش اسوي السالفه طولت وابيها تنتهي تعبت
ارشدوني الله يرضى عليكم هل المفروض ارفض او اقبل وش الاشيا اللي مفروض ماتنازل عنها يمكن تستغربون اني مو عارفه اتخذ قرار بس انا وضعي غير وتربيتي ع يد ام مريضه وقلبها ابيض جدا جدا ماتحمل في قلبها ذره على احد اثرت فيني وفي اخواتي واخواني كثير*
__________________
استغفر الله العظيم واتوب اليه
التعديل الأخير تم بواسطة أعماق ; 28-08-2012 الساعة 08:38 PM
11-08-2012, 02:37 AM
ضوابط المشاركة
العرض الشجري