السلام عليكم

يا اخواني ويا اخواتي ما ادري من وين ابدا كلامي حاسة بحالي انجنيت دون معرفة السبب الحقيقي لجنوني

انا مرة اشتكيت لكم ان طبعي انفعالي وعصبي وازعل من كل شي وتعبت زوجي معي لدرجة اني عصبتو
مل مني ورما عليا بالطلاق بعدين بعد مداوالة كلامية بيننا رجعني وتواعدنا اننا نغير من حالنا
ومن يومها احنا سمن على عسل لغاية هذا الاسبوع اللي تصادف مع دورتي الشهرية وبعض الضوائق المالية واللي تحلت الحمد لله وصرت عصبية مرة واتحسس من اي شي
وفيني طبع وايد تعبني وتعب زوجي مثلا لما اتضايق من زوجي من اي تصرف منو حتى لو عن قصد
من حركة من كلمة ما يجيني نوم غير لما افتح معه الموضوع ليه زعلتني ليه قلت جذي ايش قصدك
وهو مررة يكره هذا الشي لانو بيكون تعبان ويبي ينام وانا ازن عند راسو
صدقوني ما يجيني نوم غير لما افضفض له واعبر عن اللي مضايقني واحيانا من قهري اعبر بعصبية
وهو للاسف صبرو قليل ومو حاسس فيني يحسب اني اثرثر وبس وانا والله اكون بحاجة اتكلم واسمع منو جواب يمص مشاعري السلبية ويهديني بالعكس هو يقسو عليا وما هامو غير اخلليه ينام
ازعل بيني وبين حالي كثير واحس اني بنفجر لانو ما هامو زعلي ولا فضفضتي اللي هي السبيل الوحيد اللي برتح به
وامس قال لي شي بمزاح منو وانا مزاجي خربان ما تقبلتها ولما قلت له احترم حالك مع ان الموضوع ما يستاهل وقبل جذي كان اتصل فيني ابوي يسئلني عن استعدادنا للسفر ولما مزح معي زوجي قلت له من قهري ابوي يسئل فينا يحسب ان كلامك معي كلو احترام ما رد عليا ودخلت الغرفة
وعدم ردو عليا يقهررني مرة ما ادري كيف بفهمكم عندو ردود افعال تقهرني انتو رح تعتبروها رزانة وحكمة منو بس وايد تزعلني ولما اصارحو يسخر فيني وماا يفهمني
بكمل لكم
لما لحقني الغرفة ينام يتكلم عادي وانا جواتي مقهورة منو كالعادة ما قدرت ابلعها وانام وياريتني بلعتها كان افضل
المهم بدات اتكلم عن تصرفو معي وانو ما عجبني وياريت يقوم وينصت لي باهتمام واحس اني هامتو لا هو متسطح ويسمعني بلا مبالاة وهذا مرة يضرني بخاطري
هو عارف ايش مضايقني وعامل حالو مو عارف يقولي ايش فيك ماني فاهم شي
واستفزني بجواب ما اتذكرو وما حسيت الا وانا اضرب بوجهي ضربات متكررة وقوية
وهو جنبي جاوبوني بصراحة لو رجال اخر حرمتو عصبت منو وقاعدة تضرب بوجهها اكيد رح يخاف عليها
ويمسكها عندو وحتى في رجال ممكن يبكوا من الموقف ويتاثرو مرة
للاسف زوجي مووو من ذا النوع هو قعد سااكت وانا اضرب واضرب بوجهي وابكي وابكي وابكي والله ماا حرك ساكن
اخ يارب يقهرني بهذا الشي وبعدين بدا يهددني انو تعب من ذا الوضع وخلاص بدو ينهي هذا الشي او يطلع ينام برا..في وقت انا محتاجة فيه منو لحنية لاحتواء لتفهم لمراعاة بالعكس هو قاعد يهددني ويزيد على ما بيا كفاية انو ما خاف ولامسكني وانا اضرب حالي ليه يزيد عليا بتهديداتو
وهذي الحالة وكثرة الزن والحساسية والعصبية اكثر شي يجيوني وقت الحيض بهذا الوقت احتاج منو لحب وحنان مفرطين وتفهم خصوصا اذا تصادفت مع مشاكل اخرى وهو زي ما قلت قليل صبر بسرعة يمل مني
هل هذا طبيعي انا للاسف كل شي اقارنو بالحب لما اشوفو يتعامل جذي اقول هذا ما يحبني
ادري انو يحبني بس بطريقتو كرجل
مرة تعبانة ما اقدر اوصل لكم مشكلتي معو صدقوني ما ابي اكون جذي بس شي خارج عن ارادتي
هو رح يقتلني ببعض تصرفاتو ما يتحمل مني افضفض له يبيني طول الوقت ضحك وفرفشة وقتها ينبسط
ولما بكون بحااجتو ويكون مزاجي سلبي يبتعد وما اعد احس بحبو وخوفو عليا
صرت اتمنى الموت لاني عنجد وايد حاايرة وتعبانة عجزت امشي حياتي معه
مرات يكون وايد حنووون يعاملني كطفلة ومرات بحسو قاسي لا مبالي واكثر شي لما بكون زعلانة او مزاجي خربان
انا مشكلتي مع نفسي ابي ارتاح دون ما افضفض عن اي شي وما ازعل من اي شي اصلا زعلي ما يهمو ليه اتعب حالي على الفاضي
ومشكلتي معه ما يعرف يتعامل معي لما بكون بمزاج سيء مثلا لما ضربت بوجهي كنت محتاجة يحس فيني
وبحجم الضرر النفسي اللي عيشولي مب يهددني من فوق
ادري طولت عليكم وممكن تعتبرون هذه تفاهات ولكن والله هذا الشي وايد اشوفو كبير ومتعبني مرة
تعبت بمعنى الكلمة
احنا كنا سمن على عسل بمجرد ينخرب مزاجي من شي خلاص يتغير ويبتعد عني واذا تكلمت ما يهتم وينصت لي
احنا بينا مشكلة كبيرة كل واحد فينا شايف حالو الصح ما ادري لمتى
انا انسانة اذا ضايقني شي ما اعرف انام واعيش غير لما اتكلم فيه واصرخ وابكي و و و
وهو ما يتضايق بسرعة وممكن يتجاوز اي شي وينام ويعيش عادي
ساعدوني واي سؤال انا موجودة
وسامحوني كثير لاني طولت

السلام عليكم ورحمة الله تعالى وبركاته

هلا بأختي قلوب حايرة
أختي في الله
انتي شخصية عصبية نوعاً ما ، ومو من اللي يفوت الاخطاء او يتجاوز عنها ، وبنفس الوقت جداً جداً طيبة وحساسة ، ومحتاجة احتواء من زوجك وحنان ودفء مشاعر ، ومحتاجة انه يمتص كل طاقاتك السلبية بكل حب وعطف ورحمة ، ومحتاجة منه اللطف في كلامة معك وكذلك محتاجة سعة صدرة وصبرة.

بس مشكلتك ماتختارين الوقت المناسب للعتب!! او الطريقة المناسبة للعتب!! فيه اوقات يكون الشخص فيها يتقبل العتب بكل روح طيبة وفيه اوقات لا!! يعني زوجك داخل ينام تروحين له وقت راحتة عشان تفتحين معاه موضوع نفسيتة احتمال كبير ماتتقبلها بهالوقت!! هالشي غلط!! انا لو زوجتي تعمل معايا كذا بزعل ويمكن انزل انام بمجلس الرجال عشان القى الراحة!!

لكن لو تجينة مثلاً لما يكون مرتاح وشارب قهوتة وتفتحين معاه العتب بطريقة حلوة ومليانة حب وأنوثة وتقولين له ياحبيبي انا زعلانة منك عشان عملت كذا وكذا!! مع إبتسامة (وتكونين لابسة احسن لبس وكاشخة ومتعطرة)!! صدقيني بيتقبل منك كل الكلام وبيعتذرلك وبيعطيكِ الحنان اللي انتي تبينة!! طبعاً مع تحكمك بأعصابك من بدايات ردود افعالة!!

وبعدين ياتاج راسي مو كل شي لازم نسأل فيه ونزعل!! (ترى كثرة الزعل اتعود الرجال انه مايهتم بزوجتة) و ترى فيه اشياء لازم انتجاوز عنها!! مثلاً لو سوى حاجة عادية فوتيها مو شرط اتعلقين عليها!! ترى سياسة التجاوز النبي علية الصلاة والسلام كان يستعملها!! لما فيها من الفايدة الشيء الكثير!! وانتي إنسانة ومعرضة انك تُخطئيين ف علمية سياسة التجاوز عشان لما تُخطئي يتجاوز عنك هو بعد!!

وغير كذا الطريقة اللي ضربتي فيها نفسك كانت غير موفقة وغلط!! عارف انك محتاجة منة حضن وقتها بس مو بالأسلوب هذا!!
انا لو سوت معي زوجتي كذا اقول في نفسي هاذي ياخبلة او مجنونة او عوبة (كيف تبيني ارحمها وهي مارحمت نفسها) وبيني وبينك هالتصرف ينرفز!!

كان المفروض تمسكين ايدة وتحطين راسك على كتفة وتبكين وتبررين زعلك بكل لطف وهدوء وأنوثة وأقسملك بالله كان راح يحضنك ويبوس أيدك بس عشان ترضين ، وتلقينة طول الليل يطبطب عليك ويحاول يريحك وينومك بعد (كأنك بنتة)!! ترى الرجال مننا ياقلوب يحب يحس ان زوجتة حدر جناحة وظلة!!

اما حكاية مين اللي معاه الحق او مين المخطي ف هاذي سياسة (توم وجيري) مع إحترامي الشديد لكم
انتم زوجين يعني خطأكم واحد وصوابكم واحد!! مو خصمين ولا نديين!! المصيب يقَوم المخطي بكل حب.

الحين اذا جالك زوجك البسيلة احسن لبسك واتعطريلة وتزينيلة واقعدي انتي وياه على طاولة حوار (بس اختاري الوقت المناسب) وقوليلة انا اسفة لأني سويت معاك كذا وكذا وهذا ياحبيبي عشان الدورة وووالخ ، فهمية ان لما تجيلك الدورة تتعب نفسيتك وهو لازم يتحملك!! مع الكثير من الإبتسامات ، وقوليلة انت تاج راسي وزوجي وحبيبي اذا ماتحملتني منو يتحملني!! خلية يحس بقيمتة ك زوج عشان يعطيكِ قدرك ومقامك!!

وغيري نمط عيشتك هاذي ترى إن أستمريتي بهالطريقة بيجيلك الضغط ومحد بيتأذى نفسياً إلا أنتي وزوجك!! قوي علاقتك الزوجية!! خلك زوجة رضية متسامحة متجاوزة عن بعض الاشياء!! بسومة ضحوكة حكيمة عاقلة ناضجة!! شوفوا حياتكم بطريقة إيجابية!! والله محد ماخذ من الدنيا شي.

أمي دايماً تقول لخواتي
أياكِ تزعلين زوجك وهو رايح لدوامة!! يمكن يصير معاه في الطريق شيء او يتهاوش مع احد زملائة
وإياكِ تزعلينة وهو جاي من دوامة!! غدية وريحية وخلية ينام!! ولما يصحى من نومة سويلة قهوة ولما يروق عاتبية براحتك!!

هاذي حكمة النساء الحقيقيات ف أتمنى انك تحذي بحذوهن لأنك طيبة وفيكِ خير.

موفقة.

__________________
استغفر الله واتوب إليه

اخي المتفائل ربنا يجزاك الجنة احسك فاهم عليا وارتاح لما اشوف احد فاهمني

صحيح اني ما اختار الوقت المناسب للعتب لاني لما اعصب وازعل وخصوصا اذا شي زعلني وهو مو معتبرو او يتجاهلو
اندفع وما ارتاح غير اذا تكلمت
صدقني لو انو يتجاوب معي بلطف وبلا استفزاز ما اوصل حالي لهذا الحال ولكن مشكلتي اني كنت معصبة وهو يزيد عليا بطريقة كلامو واحسو مرة صعب لما ما اشوف منو شي يهديني او يعتذر انهار الشي اللي خلاني اضرب حالي دون ما احس
وهو جالس يتفرج في المنظر
بعدين لما شفتو مرة معصب هديت الوضع وقلت له اترجااك انك تتفهمني ورحمة امك انو شي مو بخاطري انا تجيني لحظات ما اتحمل مزاحك وما اتقبلو قال خلاص ما عاد امزح معك مثل ها الاجوبة اللي تقهرني فيه
بدل ما يقول اوكي اعذريني ما ظنيت انك رح تزعلي وصحيح مرات الواحد فينا ما يتحمل المزاح حتى من اقرب المقربين له بهذه الطريقة رح يهديني مرة عكس انو يقو خلاص مارح امزح معك يعني اجوبة جافة وحازمة
بعدين قعدت اشرح له الوضع ومزاجي كيف بيكون في كل دورة والحمد لله انو اقتنع وقال صحيح هذي الشخصية تجيك وقت الحيض غاالبا انا ملاحظ هذا الشي تفهمني وطبطب عليا لبين ما نمت وقلت له بلييز لما بكون بفترة الدورة تقبل مني اي شي واحتويني قد ما تقدر

ولكن انا فقدت الثقة يا اخي ادري اذا عصبت مرة اخرى من شي اشوفوا انا يستاهل مارح يكترث ورح ارجع لنفس القصة
اللي تعبتني
رح حاول قدر ما اقدر اعرف انام جنبو وانا مقهورة منو واختار الوقت المناسب للعتاب
لاني لما بعصب اندفع فكيف رح استنا الوقت المناسب وانا نار جواتي محتاجة افرغها
شي معقد فعلا اللي يعيني ياارب

ماعلية يا اختي قلوب طولي بالك ووسعي صدرك وبردي اعصابك

انتي فيكِ صفات جداً جميلة ف حرام تقتلين صفاتك الطيبة بسكين حاد مثل سكين العصبية!!
الله لايجيب القهر بينكم بس ما اشوف ان المواضيع توصل للقهر!! الله يكافينا شر القهر!!

انتي حاولي تسيطرين على اعصابك وإذا شفتي شي يعصبك تكلمي فيه بهدوء وبأنوثة
خوذي حقك بالطيب لاتاخذينة بالسوء!! احرجية بكرم اخلاقك وخلية يحسب لزعلك ألف إحساب.

ومو كل شي تسوين منة مشكلة .. فيه اشياء فوتيها له ، وسامحي واغفري بينك وبين نفسك
واذا سوى اشياء ماتعجبك سوي مثل ماوصيتك بمداخلتي فوق وصدقيني بتشوفين نتايج طيبة!!

موفقة.

__________________
استغفر الله واتوب إليه

مشكور اخي المتفائل على كلامك الطيب الله لايحرمك الاجر والثواب ياارب

احس اني مررة تغيرت بعد الزواج صدقني اذا قلت لك ان اخلاقي وطباعي قبل الزواج كانت مررة كويسة والكل كانو يعزوني بالبيت والمدرسة وصورتي كانت حلوة ما مرة زعلت اهلي او خيبت ظني فيهم لحد الان الحمد لله
بعد الزواج بحس بحالي تغيرت للاسوا وما ادري السبب بالتحديد هل طباع زوجي ام الغربة ام عدم اقتناعي بالزواج من الاول جعل عندي خلفية واثر ذلك على سلوكي وتعاملي
صرت عصبية زعولة انانية اسيء الظن بعد ما كنت قبل الزواج احسن الظن بالجميع وابرر لهم وابني لهم اعذار الحين صار العكس
كنت ضحوووكة مررحة مرة حتى الاساتذة في القسم كانو يقولوا ماشاء الله عليك دائما مبتسمة وبشوشة
الحين ابتسامتي صارت ممزوجة بحزن داخلي لا ادري سببه ومصدره
لا انكر مرات احس اني بقمة السعادة والراحة لكن ياتي شيء ويعكر الاجواء بيننا وارجع لتعاستي وكابتي
ادري انه شيء عادي والحياة تقلبات ودوام الحال من المحال لكن في الزواج مرة صعب مو مثل العزوبية ما عندي اي رابط
يخلليني اخاف مو مثل الزواج اي غلط وحزن لازم الصبر والتحمل لاني داخل رابط قوي مسؤولية ,,,
احس اني مرة وحيدة ما احد يفهمني غير نفسي
اشتقت اكون طفلة في حضن والدايا اشتقت لايام الدراسة والشقاوة واللعب
اشتقت لعقل االصبا لاهم ولا حزن ولاخوف
انا مقبلة على السفر وفرحتي كسرتها بعض الضوائق المالية واللي جرا امس وامور اخرى
كم تمنيت لو اني زرت اهلي في ظروف افضل تخلليني اعبر لامي كم انا سعيدة مع زوجي وبحياتي في الغربة وافرحها معاي واطمنها
فانا هكذا اذا لم اكن داخليا سعيدة يصعب عني ان انافق واعبر عن عكس ما بداخلي
ليس معنى هذا ان حياتي تعيسة لا والحمد لله هذي لحظات يمر بها اي انسان لحظات كابة وحزن ولاشك ان الله سيغير الاحوال الى الافضل
ارغب في ان احضن امي ابكي وابكي وابكي فلااحد يحس بنا اكثر من امهاتنا
الله يطول لنا في اعمارهم يااارب
لكن لا اتجرا ان ازعل امي وابين لها ضعفي وحزني شوقي نعم ولكن شيء اخر افضل الكتمان والتحمل على ان احزن عليا امي
وزوجي اكثر شيء يخلليني اعطف عليه واتسامح معه هو كونه يتيم ام احس انه امانة في رقبتي فلا احد سيحس به بعد امه غيري مرات يزعلني انظر له وهو نائم تسيل دموعي دون شعور اشفق عليه كثيرا حين اتذكر انه بلا ام

عذرا اخي خرجت عن الموضوع لم اشعر وهذا كلام يمليه قلبي قبل ان تكتبه اناملي

أنتي حنونة يا قلوب جداً وطيبة وتحملين قلب طاهر ومشاعر جياشة من العطف والرحمة

كلنا تمر علينا هالأحاسيس ومنو فينا مايبي يرجع لأيام الطفولة والمرح والبال الخالي!!
ومنو فينا ماودة يرجع للراحة ولعدم المسؤولية!! كلنا والله نحمل نفس المشاعر والاحاسيس

بس هذه الدنيا نعيشها على مد وجزر محد مرتاح راحة أبدية ومحد تعبان تعب أبدي
مثل ماقلتي دوام الحال من المحال!! حتى الانبياء والرسل عانوا وتعبوا في حياتهم

شخصيتك جداً جميلة ياقلوب حاولي تتخلصين من سلبية العصبية!!
وزوجك طيب وحبوب ومسكين ويتيم حرام تخسرينة عشان شي مثل العصبية

لو تروحين تشوفين قسم المتزوجين وتشوفين بعض الزوجات كيف يعانون من وحشية أزواجهم!!
بتحمدين الله على الزوج اللي عندك!! وبتسجدين سجدة شكر حتى على نوعية المشاكل اللي تمرين فيها.

انتي شاطرة وذكية ياقلوب وتقدرين تتغيرين للأفضل.. ف أتغيري

موفقة.

__________________
استغفر الله واتوب إليه

__________________
الخيل معقود في نواصيها الخير إلى يوم القيامة....

أدخل الموضوع كل فترة أتطمن وأتابع ردودك مع أخونا المتفائل بارك الله فيه وعوضه كل خير يا رب

ما أرد لأن مافي شي جديد أضيفه .. لكن اليوم وانا أقرأ ردك الأخير مدري ليه خطرلي سؤال

هل أنتِ مقتنعه بزوجك كرجل وكزوج مناسب لكِ ... هو مملي عينك وللا بس شعور واجب كزوجة وشفقة لأنه يتيم ؟

__________________

لما بنسئل هذا السؤال مرة احتار ما تجيني اجابة سريعة بنعم او لا
قضية اليتم مو كل مرة افكر انو يتيم لا مرات نادرة لما نتزاعل فقط

بالنسبة لجوابي على سؤالك لما نكون انا وزوجي منسجمين ومتفاهمين احس بسعادة معو ويملئ عيني
اما اذا شفتو مب حاسس فيني او مب فهمان عليا او جارحني تختلف مشاعري وسعادتي تتحول لشقاء
واقول انا استاهل واحد افضل بس لما افكر بعقلي اجد كلامي مب منطقي لانو كزوج افضل بكثير من غيرو
وعموما يعاملني كويس
يمكن في جوانب ماني مقتنعة فيها وايد مثل الجانب المادي لكن عموما عايشة مستورة الحمد لله ومستقلة لحالي
عندنا سيارة دخل شهري الاكل متوفر بس قصدي ما عندنا زيادة او املاك يعني راتبو فقط واذا نفسي بشي مو دايم انالو بسرعة لازم انتظر راتبو الشهري ينزل ولما ينزل ما يقصر وهذا اللي يخلليني اصبر وما اعتبرها مشكلة
وشوية مظهرو هو وسيم ويعجبني بس اتمنى ينصح لانو من النوع اللي ما ينصح مع ان شهيتو مفتوحة للاكل
هذا فقط وبعض العيوب في الطباع اللي ما يخلو منها اي احد منا
الحمد لله على كل حال

وشوية المظهري

جاوبتي يمكن .. لكن جوابك مشتت شوي .. سؤالي عنه كرجل .. ما أسأل عن زواجك بشكل عام
انتي تكلمتي عن زواجك بشكل عام وضمنها بعض نواحي عن زوجك
لكن سؤالي بصيغة أخرى .. خل نقول .. هل لو رأيتِ زوجك بالشارع وانتِ لا زال ما تزوجتي بيلفت نظرك ؟ أو هل لو هو واحد من أولاد عمك بيكون مميز بنظرك أو ملفت بناحية معينه تهمك .. كشخصيته أو شكله لو كنتي من الناس اللي تعطي اهمية أساسية للشكل بحيث تحطيه ببالك كخيار جيد كزوج لو تقدم لك ؟

__________________