ترددت كثير قبل أكتب هالموضوع ... لكن كل اناء ينضح بما فيه .. نفذ صبري ولاحول لي ولاقوه

تعبت من معاملة أمي السيئه لي .. وأختي اللي أصغر مني ب5 سنوات دايم تهزأ بي ..

وللأسف أمي تسمعها وتسمع كلامها فيني ولا تنكر عليها أبد !

تعيرني ياعانس واذا جو الضيوف دايم تتمسخر فيني قدامهم وتفتعل أشياء عني عشان تضحكهم ,, وتكذبني في كل شي أقوله ..

للأسف أمي عندها نفااااق كثير وأختي طالعه عليها بالضبط متسلطه ومنافقه وتستهزأ بالضعفاء وكذذااااابه ودايم تمدح نفسها وعند الناس لها وجهين ماتخلي أحد ماتذمه ..

أنا اللي متعبني ان شغل البيت يوميا انا اللي اقوم فيه واختي كل وقتها اما نايمه او منسدحه مع جوالها واذا جا طاري الشغل بدت تتمارض !

تجيني أيام أمل واتعب من الشغل وخاصه اني مهما اشتغلت مايملى عين امي .. اذا شافتني انظف كثييير وارتب تسكت .. واذا شافت مني غلط بسيط مثلاً رتبت اشياء باماكن مو مناسبه وكذا تبدا تتمسخر علي قدام اختي وهذيك الثانيه ماتصدق تننننننننننبسط وتقعد تعطيني من النظرات والابتسامات وربي احس بالاهانه خصوصا اني مااقدر ارد على امي بحكم انها والده وحقها عظيم

والله تعبت انا الكبيره ومالي اي احترام وكله بسبب امي اللي ماعمرها وقفت معي ابد ولاعمرها اهتمت بمشاعري .. الحق عندها باطل والباطل حق .. عمرها ماعدلت مدري وش اسوي