قلت ابي حلا قال ابلعي ريقك واشربي بعدهـ قهوهـ

بيت الشعر هاللي قاله عز الله ما أفلح

كل يوم أحلي ع حسابه هههههه


صباحكم غير غير مع أسرع و أسهل حلا


هذا شغل اليوم لسه طااازه و باقي قطعتين عاد اللي ترد أول وحدة

لها قطعه و آخر وحدة لها القطعه الثانيه < تسمع بالحماس


اليوم جونا ضيوف فجأه و انا أصلا كنت مصلحه هـ التشيز كيك عشان أسير بوهـ <

و كان من نصيب ضيوفنا لأني أجلت الخرجة حقتي

المهم مالكم بالطويلة .. الحلا مرررة سهل و طعمه خرررافي

بس يمكن مقاديره شوي دسمة .. عادي يستاهل دام ذاك طعمه


مقاديره /

الطبقه الأولى ؛ كيك امريكانا تفتتيه و ترصيه في صينيه التشيز اللي تنفك

او كيك بيتي كروكر بالشوكلاته بداله

الطبقة الثانيه ؛ قشطة الخفق ثلاث أكواب +جبنة فيلادلفيا 2 + ظرفين دريم ويب

+ ثلاث ملاعق سكر مطحون + م جيلاتين مذوب في ربع كوب مويا حار


اول شي تخلطي قشطة الخفق لوحدها عشر دقايق لين يتضاعف حجمها

بعدين تضيفين الدريم و الجبنة و تخفقيها مع بعض و السكر بعد اربع دقايق تقريبا

تضيفين الجيلاتين المذوب و اخلطي شوي بعدين ضيفيها على الطبقه الأولى


و دخليه الفريزر ثلاث ساعات لين يجمد مزبوط .

بعدين لما تخرجينه من الفريزر ابدأي زينيه بالهرشي على كيف كيفك

انا سويتها خطوط طوليه و عرضيه و حركتها بالشوكة و صفيت عليها كاكاو بودر

بس مشكلتي كثرت الهرشي و طلع شكلها بايخ حبتين

ما عليكم الطعم خرافي

بقيت آخر حاجة اللي هي تسوين لك جنبها ترمس قهوة و تكيفين صح

و بالهنا على قلوبكم يا قمرات ...










من قرييييب صحني








عاد انا ما كان متوفر عندي الا فيلادلفيا وحدة و تجملت معايه

و لا بالعاده لما احط ثنتين تطلع الطبقه البيضا اكبرررر من كذا و شكله يشهي كثير

و اول مرة اسويها بجبنه وحدة .. طلعت زينه بالطعم ما عليها كلام

بس شكليا مشي حالككك .

و كمان يمديك تستبدلين الكيك بالبسكويت الدايجستف تبع النخاله

و التزيين تبدعي فيه براحتك


المهم . اذا امداكم صلحوها اول يوم رمضان

حلا جامد و يملا العين قبل الفم و هذا المهم

__________________

‏
الوعي هو الملاذ ..

أستغفر الله العظيم ؛
( الفردوس غايتي )