اسفه بس بسأل سؤال لانه الكل يقول انا غلطانه وأنا مثله بالغلط
يعني قبل كنت ساكته وما أسوي مشاكل وهو بكيفه كانوا الكل يقولي انتي غلط ولازم يحس أنه متزوج وأنج تسالين وتتكلمين ولحين أنا لما صرت اتكلم وصدق أتهاوش وأرد قالوا أنتي مب متربيه وغلطانه وهو صح
انا صرت مب فاهمه شنو يعني زوجه اريد افهم عشان أعرف اذا انا غلطانه او هم مع انه بابا المستشار قالي أنتي ما تغلطين وقالي خذي حقج ولا تسكتين لاحد وخاله بيتا تقول نحن الاثنين غلط

أنا أقول أنه كل زواج وفيه مشاكل وانه الأم بالذات تتحمل عشان عيالها خاصة لما نكون ما نقدر نتحمل يبعدوا عننا

مو قصدي حبيبتي أنه انتي غلطانه .

كل زوجة في أشياء تقدر تتحملها وأشياء ما تقدر وتطلب الطلاق عليها . وهذي الأشياء تختلف من زوجة لزوجة ... يعني اللي فلانه تشوفه صغير ممكن انتي تشوفيه كبير وما تقدري تتحمليه ...

لكن مرات ما يكون أمامنا خيارات كثيرة ... ومثل ما يقولوا يكون الخيارين مرين ونختار الأقل مرار فيهم .

ولازم نحدد شو الشيء اللي نقدر نستغني عنه وشو الشيء اللي نقدر نتحمله حتى لو مو عاجبنا عشان خاطر أمور ثانية ما نقدر نساوم فيها ابدا .

__________________

انزين يا خاله اذا انا اخترت شنو أريد ومرتاحه جذي ووافقت وتنازلت ليش أتم انا غلطانه مثله

أنا اقولج أنه حقك تختاري وتتحملي نتائج اختيارك سواء كانت النتائج حلوه أو سيئة .

لكن لما تسأليني عن رأيي بموقف معين أو بكلام أحد قاله لج فأنا راح أجاوبك عن اللي أنا أشوفه صح وأشوف انه ممكن الانسان يتحمله .

بالنسبة لي ما دام زوجي ما أذى اولادنا وأذاه لي أقدر أتحمله أو أقدر أغيره فأتحمله وأظل أحاول أغيره عشان ما أحرمهم من أمهم وأبوهم ... الأب والأم الاثنين مهمين للطفل .

__________________

ما جاوبتيني يا خاله على سؤالي شنو يعني زوجه عشان أفهم

قصدك يمكن شنو واجبات الزوجة وشنو حقوقها ؟؟ شنو لها وشنو عليها ؟ صح؟

عموما اسمحيلي أنتظر مشاركات الناس لأن الموضوع والسؤال موجه للكل مو بس لي أنا

__________________

لا أنا بس أريد أعرف شنو حقوقها وشنو لها

اكيد لها كل الحقوق من حسن العشرة و المودة والرحمة و الاعفاف
و الاحترام

بالإضافة للحقوق المادية الي ما تعتبر مشكلة عندك

لكن مقابل هده الحقوق لازم تقوم بواجباتها الي اهمها طاعة الزوج وحسن التبعل

ادا قصرت و تجاهلت حفوقه اكيد بيقصر و يتجاهل حفوقها

هو ما يفهم انه أنا لي حقوق هو يريدني اتم على كيفه وبس وحقوقه هو عنده زوجه ثانيه هي لازم تتحمل حقوقه

يا خاله لما قلتي لازم زوجه تتحمل اذا ابوهم يحبهم وما يأذيهم يعني جذي لازم اتنازل وأتم ساكته أنتي يا خاله مب فاهمه شنو اريد ومب عارفه كيف أفهمج سؤالي