السلام عليكم و رحمة الله و بركاته

مدري اذا متذكرين موضوعي و اني محتارة اسافر مع زوجي او لا

انا حياتي انتكست مدري وش اللي صار

والله العظيم اني كنت عاقلة و افعالي متزنة و افكر مليون مرة قبل كل خطوة و كنت مرتاحة و كان دوم يقول لي عيشي حياتك زي ما تبغين لا تلزمين نفسك عيشي حرة و لا تلزميني ف حاجة ما اريد اعملها
لما كنت منضبطة والله كانت حياتي ماشية صح
ابتعد عن جميع المهيجات لحين موعدها
بعطيكم مثال
ابتعد عن الاكل اذا كنت صايمة و حتى لو مريت بالغلط جنب الاكل ما يحرك فيني شعره و اقول انا صايمة لوجه الله و من ترك شي لله عوضه الله


اشوف مسجات رومنسية و حب ابتعد عنها الا اذا اريد ارسلها لزوجي و ما كانت تأثر فيني اصلا
او بعنى ثاني كنت اتحكم بمشاعري و عواطفي و عارفة وين اصرفها ...

مواضيع المشاكل الزوجية و غيرها ابتعد عنها نهائي لانه ما تهمني الحمد لله ما اعاني من مشكلة مع زوجي
مواضيع التعدد ما اتدخل فيها و اتحاشاها و اذا تكلمنا فيها اقول لهم هذا شرع الله و مو من حقنا نرفضه
طبعا زوجي ينفش ريشه عند الحضور لاني الزوجة الوحيدة اللي جالسة و موافقة

عاملة فيها الزوجة المثالية


طيب نرجع اللحين وش اللي صار
ما لي نفس ف حاجة
العيال عند الشغالة و تضربهم لانهم كثيرين الحركة و التخريب و يقومون بالتخريب علشان يلفتون نظري و انا بس اضرب فيهم
بس لما اطفش اتركهم عندها و اقفل على نفسي و انام او اطلع عند صديقاتي او النادي اي مكان بعيد عن صراخ العيال
يا رب سامحني


طول الوقت متوترة
و متهيجة اي حاجة تهيجني حتى لو اشوف زوجين ف السوق

وصلت لحالة يرثى لها

و اللحين المصيبة انه صايرة مشاكل ف جهة عمله و احتمال يتأجل السفر كمان شهر
يارب صبرني

صرت اتوتر كثير
اكلمه اقول له تعال شوف لك صرفة انا تعبت من غيابك
يقول طيب ياقلبي طيب يا عمري و انا حاس فيكي بس مو بايدي و يطبطب عليا


عيالي يقولون لي صرتي شريرة كثير
اه ياقلبي
ودي امسك اعصابي و اداري عيالي بس مو قادرة والله اعصابي تفلت مني و اضربهم ضرب بطريقة هستيرية
ارفسهم برجولي
و بعدين اتحسف بعد كم ساعة اضمهم
وش صار فيني
و انا كنت اخاف عليهم من نسمة الهوا
والله ما ارضى يقعدون مع الشغالة ابد و لا مع اهلي و لا اهل زوجي
و انا ف قمة تعبي و وحامي اجلس مع عيالي و اداريهم


اهملت البيت
اهملت نفسي
اهملت الوتر و السنة و الاذكار
اهملت علاقاتي الاجتماعية
كل همي متى اكلم زوجي و متى اسولف معاه
متى اتصل به
و متى يرجع البلاد
و كيف اقنعه بسفري عنده


حياتي صارت متعبة
صرت اغتسل ف اليوم مرة و مرتين و ثلاث


يا رب سترك

مستجدات
رد 25
http://www.66n.com/forums/showpost.p...1&postcount=25