مشاكل امي وأبي اثرت علي حياتي الزوجيه
السلام عليكم ورحمة الله وبركاته
ترددت كثير قبل ماأكتب ولكن أنا محتاجه أحد يوجهني السكوت قاعد يقتلني
المشكلة لاتخصني بشكل مباشر ولكنها إمتداد لمشاكل أمي وأبوي ..قبل كل هالكلام ماأنكر أفضالهم علي ولكن محد كامل .
ابوي متزوج من ثانيه ومن قبل زواجه ومن بدايه خلقي وهو مشاكل مع أمي يرضون يوم ويزعلون شهر..
ساكنه في بيت جنبهم وهاذي المصيبه كل شي يوصلني.. أنا مكان للفضفضه لأمي وأبوي من صغري حملوني مالا أحتمل..قبل سنه أبوي ضرب أمي وجاتني تبكي ووجهها فيه علامات الضرب وطلقها كرهت أبوي كره شديد وعجزت أسلم عليه كل مااشوفه وتعبت تعب نفسي وجسدي من الصدمه ..بعد كم أسبوع راح اللي في قلبي شوي شوي ..ويوم رجعها نسيت نوعا ما ولكن لازمتني الكوابيس فتره طويله ..
كل مافي الأمر إن حياتي الزوجيه مهدده بسبهم..كرهت الرجال ..أشك في زوجي يخوني كثير ..ماأحس بالأمان معاه ..هاذي المشاعر مايعلم بها زوجي لأني كتومه جدا خصوصا وأنه ولد عمتي ماأعلمه عن أي شي يحصل في العائله ..
خلاصه الموضوع سارت مشكله أمس ..أبوي يستغل أمي ومايحترمها ولاعب عليها كأنها شغاله ..داخلي غضب شديد منه ..ودي أنتقم لامي لكن هو أبوي ووراي جنه ونار ..قلبي محروق عليها..!
وش أسوي من أمس مطنشه زوجي مو قادره أكون معاه ..!وبس أصرخ على ولدي ..!
ساعات أقول أتركيهم عيشي حياتك لين متى ؟! لكن أمي راح تفقد عقلها والله من الضغوط ..؟!
أنا تعبااانه وأخوي يأخذ أدويه عشان ينام وأكتشفت أمس أن أختي تأخذ أدوية أكتئاب بوصف الدكتور لكنها مخبيه عن أمي وأبوي وش الحل والله دمرونا ..!
من أمس صاحيه مو قادره أنام خايفه ع أمي حسيتها زي المجنونه أمس ..!
التعديل الأخير تم بواسطة رائحة البخور ; 24-05-2015 الساعة 05:42 AM
24-05-2015, 04:30 AM
ضوابط المشاركة
العرض الشجري