لي ست سنوات متزوجه
لدي ثلاث اطفال

اعترف تغيرت ع زوجي سويت اكس كبيره ❌ع الدلع وايام الرومنسيه لان مامنها فايده الا انه يدق وجهي ويشووف نفسه

صار يطلع يروح يجي ماعاد اقول اقعد معانا
يالعكس صرت اقول لاتجلس بسلامتك بس لاتقصر بالمصروف والفلوس معانا


انا نفسيتي منهاره قليل فيها
معاي اكتئاب بعد الولاده
منهاره من داخل وابين له انه عااادي


هو مريض تخيلو ان زوجه ماتعرف مرض زوجها!!!
يقول لوتبحثين عن علاجي فانتي تحرمين علي ليوم الدين


مرض بعد مارحت لاهلي ثلاث شهور ولاده ونفاس
ويقول المرض معاه قبل يتزوجني


ومو بس كذا
الغى المصروف للبيت من يديني صار هو يحيب للبيت وطبعا مو مثل ماانا اجيب هالشي مصاايقني

بيني وبينه فجوه كبيره جدا

رجل مايجلس معاي نهائيا كنت انتظره واجهزله كل شي حتى الحمام
الان ولاشي من ذلك كله
يزعل من جوالي ليش معاي طول الوقت
قلت وهل اعيش من دونه هو عشيقي هو حبيبي هو ونيسي
الجوال طبعا
لبس وطلع
وبعدها يحلف لوماطلع انه ليكسر الايفون بالسيراميك
بس مسك اعصاابه وطلع


قلت تغار قال والله ماهتزت شعره ولا اشكل علي

انا مااعرف وش بقلبه بالضبط لاتعبه ولا شي عنه
انسان غامض اتعبني اهلكني
وبالكذب ارهقني

يقول مااخذت بنك ويقول لي عن موسسه اللي باسمي معلومات غلط

بتقولون كيف عرفتي

افتح جواله وهو نايم والله انه كذاب مبالغ تجيه كبيره وحساب الموسسه باسمي ويكذب علي طيب ليش الكذب
واتفاقنا انا وياه من الاول ان الموسسه يعلمني عن كل ريال يدخلها وكل شي اعرفه

نقض العهد مدري اصارحه ولا كيف


قلبه مغلق جدا

مايفضفض لي ولايقولي ولا شي
لاعنه ولاعن الراتي ولا عن الموسسه ولاعن شي


قلتله مره ليش ماتعلمني قال مره جيت اشكيلك وهاوشتيني
قلت انفعلت اعلمك الصح وان محد يستاهل


عاد شك اني شفت جواله لاني تركت كل شي مفتوح قام ويطالعلي نظرات خوف ويطالعلي متوتر ووجهه مقلوب وبنفس اليوم اعطاني الف وانا ماطلبته

ماصارحته بهالشي
يعني قايل لي مبلغ عشر الاف بس بيدخل الموسسه
وانصدم انه خمسين الف

صراحه انقهرت ومقصر ببيته بشكل يعني فوق انه مو موجود مقصر بالبيت ومايبغاني اعزم احد ولايبغى اهله يجون بيتي
انا اللي اعزمهم ويتضايق
اول مره اشوف رجال كذا

احيان احسه يخااف مني
مودايم

يقولي مايغار علي
وطلعنا السوق ورفض يعطيني ريال واحد ويقول مامعاي
دقيت صدري قهر يعني حتجات ضروريه
قات تدري وش اتمنى اتمنى اغازل واكلم والقى من يشحن لي جوالي ويحولي مبالغ
قال اسكتي لاعبي فمك ....وخوذي البطاقه انزلي اشتري اللي تبين
بطاقته اعطانياها متخيلين

وشريت اللي بخااطري
به كميه تناقض وكذب عيني عينك
يكذب ومصمم ع الكذبه وبعد شو يتغير كلامه
من غير اني اكشفه

زي يحلف انه مايملك مية ريال بنفس اليوم يعطيني الف



ومسنحيل يطلع لي اللي بقلبه


كيف الوصول لذلك
كيف افتح قلبه
كيف اوصله
كيف وكيف وكيف


ميف افتح قلب مغلق !!!!!

بكيت يوم دريت انه مريض
واسابيع احاول فيه وماقدرت اعرف

وكل شي مقفل عني اللاب والجوال وكل شي مايعلمني فيه
يعلم امه ومايقول لي


ابي نصايحكم ومساعدتكم
ومن هي المراه التي يفتح له الرجال قلبه!!
ادري اذا حبها بيفتح قلبه


للان شاكه بموضوع حبه لي😭
هالاسبوع مطنشته وقلت بروح لاهلي اعيد عندهم قال روحي محد جابرك تقعدين عندي وقلت طيب ومتحمسه بروح لاهلي مع ان ماودي

الرجال احسه عايفني وطايب خاطره مني
مع انه قال لي وحلف لي لويكرهني مابجلس عنده دقيقه كل واحد بطريق



كيف اوصل لقلب هالرجل الغامض
رغم ان سلبياته اكثر من ايجابياته وقد احصيتها

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

هل مرض زوجك له علاقة بمشاكلكم الزوجية ؟

__________________
سبحان الله وبحمده سبحان الله العظيم

لا
يقولي انا مريض والله من قبل اعرفك

ويقولي ان الضغوطات والمشااكل هذي تزيد من مرضه

ومرات يقولي مرضي بسيط لاتهولين الامور


ويقولي الدكتور بيحولني دكتور نفسي لو ماتحسنت

ويحلف لي ان الدكتور قاله انت عندك مشاكل بالبيت

وش مشاكلنا كله تافهه ليه ماتعلمني وليه ماتطلعني وليه ماتعطيني

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

استمري في تطنيشه ولا تعطي بال مع الوقت راح يسيتسلم ويلين
بس ابغى اعرف ليش هو مسجل المؤسسة باسمك هو اجنبي؟

ليس اجنبي ولكن عمله يمنع فتح اي سجل تجاري باسمه

بالرغم انه قادر يفتح الموسسه باسم امه او ابوه او احد اخوته الا انه كان يقنعني ان هالموسسه باسمي وابشري باللي تبغين وراح اعلمك عن كل شي

للعلم انا من اقترح عليه المشروع
بدال لايلعب بالفلوس يحطهن بالموسسه
وهذا انا من مكتب لبنك يدور فيني رغم اني مسويتله وكاله

ماشفت منه شي للان كل وعوده كااذبه

المشكله اني مطنشته هذا صبر مني
مااقدر لوزعلانه عليه غصب ابتسم له
وغصب اذا شفته نايم ابوسه احسه زي ولدي
اذا اكلنا بدال هو مايحط اللقمه بفمي انا احطها
اللي شطبت عليه الليالي والدلع
هالاشياء غصب عن قلبي
لدرجه يدخل البيت احيان غصب افز له بس مااسلم
واحيان اسوي نفسي عادي
واحيانا نايمه واكمل نوومتي


......
هالانسان عذبني وكل من شافني قال تغيرتي كثير
كنت فرفوشه ونكتيه وراعيه ضحك ومستحيل المجلس اللي انا فيه مايضحكون وينبسطون
صرت كئيبه وقليل ضحكي

لوتدرون ضحكتي قبل مااتزوج فقدتها الضحك بصوت عالي وقهقه والله ماعاد اذكرها واتمنى ترجعلي صحكتي

واول من لاحظ ذلك امي وقالته لزوجي فقدت بنتي القديمه ضحكتها وبنتي كلها تغيرت اصبحت كيئيه واحس كل اللي حولي يكرهوني حتى اهلي اقول انتم تكرهوني اقارن بيني وبين اخواتي


وقلتله قتلت كل شي حي كان فيني

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

يمكن هو يدعي المرض علشان يبغى منك اكثر اهتمام ورعاية

اعتذر ع عدم ترتيب كلامي
زي طلعتي للسوق قبل مايعطيني فلوس
وبعد ماتسوقت ببطاقته
بيومين يعطيني الف
وهو كان حالف مامعاه مية ريال


اتمنى فهمتوني

وبالنسبه لمره مااعترف الي فيه الابعد عيد الفطر
جا فحاه قال يامره انا انسان مريض من قبل اعرفك وهذا علاجي وان عرفتي ايش مرضي فانتي تحرمين علي ليوم الدين

سالت شيوخ وسالت هنا محد رد لي اني اقدر اعرف وش مرضه


بس فتره اني عند اهلي جاله اكتئاب شديد
وكان يرسل لي كلام يقهرني ويرفع ضغطي ويمثل انه يغازل وع علاقاتوجيت بيتي واكتشفت انه بس كان بيقهرني ويبغاني اجي بيتي

وكان مايكلمني الا اذا بغى شي عن الموسسه فقط💔

انسان غاامض قلبه مغلق وكذاب بغباء يكذب وينسى الكذبه ع طول


كيف الوصول لفتح هذا القلب المغلق💔💔💔💔💔💔💔💔💔💔💔💔💔💔💔💔💔


احبه واتمنى اكرهه وكم مره افكر اتركه واتعوذ من الشيطان وعيالي الاول حملت ع طول والباقين كلهم يمنع علي اخذ مانع يقول ابي عيال احب الاطفال وهو مايتحملهم ومايلعبهم ومايجلس معاهم

وصلت لدرجه اقول انه يبغانا نكرهه يمكن لانه بيموت وليش يخبي مرضه عنا
قسم ذبحني التفكير

يمكن مايبغانا نتعلق فيه 😭😭😭😭
طيب ليش انا زوجتك شريكة عمرك
لكن ماحسيت بهالاحساس ابدا



ابي حل يمكن تنظرون لموضوعي نظره غير عن نظرتي وتنبهوني لامور غافله عنها
الفزعه يااخوان واخوات💔💔💔💔💔

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

هههههه
بصراحة قرأة كل ردودك وموضوعك ..وكتشفت من خلال سردك للاحداث
ان زوجك يحبك وغموضة عشان تنشغلين وتعلقين فية ويخليك بحالة تخمين مستمر ومشعولة فية دائما
1) وش مرضة
2) ليش ما يتكلم ويفضفض
3)ليش تغير
فا انتي...... قلبي الطاولة بحترافية
مثلا.. قولي لة اليوم ونا عند اهلي حسيت الم بجسمي ورحت لطبيب وقالي ان عند ي مرض غريب والله يحسن الخاتمة يابو فلان
لاقالك وش مرضك قولي ما اقدر اقولة
ماراح تستفيد شي..وكرري الله يحسن الخاتمة..وقللي الاهتمام فية يعني لادق عليك وانتي عند اهلك او في بيتك لا تردي من اول مكالمة ردي بالمكالمة الثانية
جربي وراح تنقلب الموازين وتغتدل الكفة
هذي يا اختي يسمونها الحرب الباردة هههههه

__________________
سبحان الله وبحمده سبحان الله العظيم

[COLOR="rgb(139, 0, 0)"]

الله يسمع منك انه يحبني اشك

اهلي موقريب عندي وودي والله اسافر لهم بس عشان اخليه يحس بقيمتي يحس اني بايعته
ولا انا ماودي اروح عنه
اساسا مايتصل الا اذا له حاجه عندي
وانا اذا اتصلت يشطفني شطف وماايرد ولاحتى بالواتس يرد دايم يقرا رسايلي ومايرد علي نبهته اكثر من مره مايفهم

انا احسه موطبيعي مدري ليش
زي البارح خلصت شغل البيت واخذت دش وانا بدورة المياه اتحمم
يدق علي الحمام فلانه فلانه اقول نعم يقول فيه ماء يصب وينه😳
اقوله انا قاعده اتحمم
المشكله شافني وانااخذه منشفتي وداري اني رايحه اتحمم

ماادري ايش فيه
انا كل شي يشوفه مني غلط واهله لو خطا هم الصح
يعني حتى مايطلع الايخبرهم وين راح لازم يمرهم يقولهم
بالنسبه لي ماله هيبه عندي ولااحترام يجي ويطلع وانا بمكاني
يعني بالله بوقف له واقهويه وامشي وراه رايح يلبس ولا يستكشف بالبيت وانا ادور وراه زي الدجاجه واخرتها يطلع


كنه مسحور مايقعد عندي نهاءي مستحيل يجلس الابحاله يبغى ياكل وبحاله يبي ينام

هذا انا ساكته عنه وصابره ومسويه نفسي ثلجه من البرود وهو ماتحرك
ىتدري شالمشششكله انه واثق وباصم بالعشره اني احبه ومااستغني عنه وانه مهما سوى قلبي يحبه واسامحه دايم [/COLOR]

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

والله ي قلبي وش لك بالفضفضه وفتحت القلب خلي اللي بقلبه بقلبه وش شاغل بالك انتي .. ي روحي هو مو صاحبتك لازم تفضفض وافضل حل للفضفضه عدم المحاصره بالاسئله !! انا قبل زوجي سايلنت مايحكي كلمه عطيته سبيس ماشالله السوالف تنكب وطبعا مايبي رأيي بس انه بيقولها حتى لو عطيته رأيي بموضوع السالفه سكت ولا كملها فصرت اضحك واسأله وباللهي وصرت اعرف من يحب ويكره واسماء اصحابه واسم مديره اللي يعل قلبه وهكذا وكلها يبي لها صبر الصراحه لما يدخل معفوس وجهه ابدن ما اسأله وش فيك بس استقبال عادي كلها دقايق ويهل لي السبحه حتى اسرار اهله يقولي مافي شيء يخبيه والحرمه الذكيه تعرف تجرجر زوجها بالحكي على انه اللي عندي مايقر بالبيت بس جلسته قبل النوم معاي اجرجر منها سوالف الاسبوع كله 😂😂😂 هذي سوالف السرير على قولة خالتي تجيب العيد كله ..
من ناحية المصرف بجلسه هادئه قولي له ابي كذا وكذا وناقصني كذا وكذا بس لا تقولي اتمنى اغازل وواحد يصرف علي كويس انه ما جلدك كلامك قوووي جدا وبيمسكه عليك انتبهي ..
انتي زيي حايشك اكتئاب مابعد الولاده فهميه هالشيء عشان مايواخذك على زعلك وبرضو خذي فايتمينات ماترانا او زيت كبد الحوت وفيتامين دال لان نقصه يلعب بالنفسيه لعععععععب والفيتامينات تحسن النفسيه وتخليك اوك ان شالله وحبذا تاخذين مانع الا اجل غير مسمى لو تركبين لولب من وراه فقرة البزران ذي مخيفه وكمان لنفسك عليك حق اصبري كم سنه تحسنت اوضاعه بطبطي له ماتحسنت ثلاثه ولا عشره وانا اختك ..
فقرة مرضه الله يشفيه كانه صادق مع اني احسه جيوب انفيه بس يدلع عليك يبي اهتمام وي دهينه لا تنكتين ...

اما الحب لا اللي باين لي انه يحبك بس عنده سوء تعبير وبرضو واضح انك انسانه مندفعه
كثري تشوكليت فالشوكلاه تشفي قلبا مفطور وروقي وصيري ريلاكس اعملي جلسات استرخاء اقري روايه شوفي موفي اطلعي للبنات ارقصي اعملي تمارين جواتك شحنات سالبه لازم تفرغينها ولا بتذبحك من الهم وعطي زوجك سبييييييس كبيير وراح يرجع لك تلقائي
في نظريه لدكتوره علم نفس زواجي اتابعها تقولك الرجل كالمطاط يروووووووح من يدك ويرجع يلصق فيك اقوى ويرووووووووووح ويرجع لك اقوى ف اذا راح انشغلي واذا لصق الصقي وربي يسعدك ويفرج همك ويخفف عليك