السلام عليكم و رحمة الله و بركاته

عندي سؤال ، هل تربية الأولاد فعلا مختلفة عن تربية البنات ؟
أنا أبدا ما عمري كنت كذا بتعاملي مع الأطفال أو مع نفسي و لا مع ولدي الكبير ..

مرات أفقد اعصابي غصب عني مع أولادي ..
و هما ماشاء الله تبارك الرحمن ، أشقياء .. و مؤذيين .. و كثير يحبوا يستفزوا و يعاندوا ..
و أنا صارت توصل معايا بجد .. و ماكنت كذا أبدا أبدا أبدا ..
و كل مالي أنحف بزيادة ، و افتكر و راسي عالمخدة إني ما أكلت شي طول اليوم ..

متى يعقلوا و متى أرجع لطبيعتي ؟

لكن الحلو بالموضوع ..
و الشي اللي قدرت انجزه معاهم و الحمد لله و الكل لاحظ و قالوه لي ..
انهم يحبوا بعض و متماسكين ،. هذا أكثر شي قدرت اتحكم به ..


تعبوني و أحس بتأنيب الضمير ..

.
.

عندي سوال أخير ..

دخلت أولادي في حضانة خاصة و معترف بها من الوزارة و مرة روعة من كل النواحي ،

و استغنيت عن الشغالات الحبشيات اللي بالشهر من عيد الحج ..
و صرت أجيب وحدة تشتغل بالساعة و تجيني كل بعد 10 أيام أو 15 يوم ..
الشغالات اللي بالشهر كانت كاتمة على قلبي .. بس أكل و مرعى و قلة صنعة ..

.
.

طيب كيف ممكن أرتب و انظم حياتي مع أولادي و بيتي و وظيفتي و بحثي عن قبول الدكتوراة و تدريسي لولدي دروسه
و لنفسي و زوجي و الطبخ المنزلي ؟ مع العلم إني ما أداوم يوميا و الحمد لله ..

لكن أعطوني طريقة .. تساعدني على برمجة حياتي ..
لإني كمان أبغى أهيئ نفسي للمرحلة القادمة من حياتي .. في حالة لو لقيت قبول دكتوراة ..

.
.

ملاحظة /
ما أقدر أدخل أولادي الحضانة + أجيب شغالة بالشهر .. و تأثير الحضانة بدأت تظهر ايجابياتها على أطفالي ..
و أنا تنازلت عن ( بدل ) في الراتب .. بمقابل التخفيف عني الترم الحالي للحصول على قبول الدكتوراة ..

.
.

انقذوني ..