السلام عليكم و رحمة الله

أخواني خواتي أرجو من الله ثم منكم مساعدتي بالرأي و نقاش مشكلتي مع زوجتي.

أولاً الشهادة لله زوجتي أنسانة محترمة قائمة بجميع وأجبتها بكمل وجه من ناحية البيت و عدم التكليف على بأي شي و أنا أقدر لها كل هذه و لذالك أبغى حل لمشكلتي بدون ما اجرحها او انتقدها.

مشكلة زوجتي التالي :

- حساسة لدرجة ساذجة جداً جداً أي كلمة عادية او نقاش عادي على طول تفهم الموضوع بطريقة غريبة و سلبية جداً.

- دائماً عبوسة و تبحث عن الهموم أفصل لكم هنا؛


أول 6 أشهر زواج بكاء و نياح طوال الوقت مشتاقة لأهلي مع أني ساكن بمدينة أخرى كانت كل أسبوعين تجلس ثلاث ايام مع اَهلها و بحكم انها تدرس بالجامعة اسمح لها تجلس اي اجازة عند اَهلها (أسبوعين و شهر ووو)


ثاني 6 أشهر نياح و بكاء أنا ما حملت اكيد راح تتركني و تتزوج علي ووووو مع أني ما كنت مستعجل ابدا على الحمل و كنت دايم أقول لها أني أساسا ما أبغى حمل خلال اول سنة. بعد سنة زواج حملت زوجتي.


ثالث 6 شهور بكاء و نياح من شغل البيت انه متعب و كنت اطلب منها انها ما تشتغل عااادي أهم شي هي ترتاح لكن طبيعتها تبغى تحصل لها سبب تكون حزينة و تبكي. و بعدها بدأت موجة الخوف من الولادة و انه ممكن اموت وووووو و حياة تعيسة جداً


و الان تبكي و مهمومة بسبب الولد انها ما تقدر تتحمل مسؤليته و طلبت مني انها تتركه مع أمها فترة كم شهر فقط و وافقت و الان أيضاً تبكي و مهمومة....


حياتي معها مملة مملة لابعد حد طفششششت من وجهها الكئيب الحزين ما اقدر اجلس بالبيت بسببها ؟!!

-اذا تابعة التلفزيون زعلت و تقول انت مهتم للتلفزيون اكثر مني !!!

-اذا تابعة مبارة كورة قدم تقول الكورة أخذتك مني !!!

- اذا جلست معاها احاول احصل اي موضوع أتناقش معاها ما تتجاوب معاي أجوبتها (نعم لا ) و تعرفون الواحد ما يقدر يتكلم 24 ساعة اذا الشخص الثاني ما يتجاوب معه ؟

- اذا سكت قالت انت طفشان مني و تكرهني و لا تبغاني !!!
- اذا جاء اهلي زيارة و جلست معهم قالت ايه بس جاء اهلك سحبت علي ( مع ان اهلي يجلسون بالكثير 3 ايام كل 6 أشهر)

- دايم أشوفها زعلانة و عبوسة و اسألها شنو السبب تقول ما فيه شي !!!!


عني أنا كريم معها مافيه شي تطلبه و أقول لها لا.. و اسمعها كلام حلو و مو مقصر معها عاطفياً بشهادتها هي.


هي طبعها عبوس و حزينة شنو الحل يا ناس خلاص كرهت البيت مع انه طبعي بيتوتي و ما اطلع كثير بس خلاص كرهت البيت.....

و بصراحة ما صرحتها بتضايقي منها بالعكس كل ما أشوفها كذا احاول أدعمها و مع الأسف بدون حل....


بأنتظار ردودكم

و شكراً لكم مقدماً


(تم تعديل العنوان ليتناسب مع المضمون)