انا تزوجت من ثلاث ونصف سنوات ورزقت ببنت عندها سنتين ونصف حياتى مع زوجتى كانت كلها مشاكل لانها عنيده تسمع كلام اهلها وتطبقه بدون تميز او تفكير
اشتكيت لاهلها امها ابوها خيلانها خالتها محدش غير تفكيرها ولا تفكير اهلها ولقيتهم نفس الفكر عاوزينها تسيطراخر موقف قبل الطلاق جاء فرح اختى ولم تفكر فى النزول لاهلى والمباركه ليهم وجاءت القاعه قعدت مع ابيها فى اخر القاعه نصف ساعه ومشت وطبعا كل الناس استغربت وانتقدت الموقف زعلت طبعا وفضلت مكلمهاش لمده اربع ايام من الصدمه ومن فعلتها
واليوم الخامس ذهبت الى عملى وعندما عودت وجت ان اهلها جم البيت وخدوها وخدوا بنتى وكل هدومها وكل هدوم بنتى وخزين البيت من طعام وبعض
اوراقى وبعد يومين عملتلى محضر فى القسم بالقائمه وبعدها بيومين وجت مرفوع عليا ثلاث قواضى نفقه وقائمه
وتمكين وعندما ذهبت لحما اختها لاتكلم معه سمعت ملا يرضينى من زوج اختها كلام بالكذب وزعيق ولم يعطينى فرصه للكلام وحصلت مشاده وبعدين اكتشفت انى خدت حكم بسنتين حبس وكفاله الفين جنيه عشان القايمه وتدخل المحامى بتاعى مع المحامى بتاعهم وتم الاتفاق على الطلاق
وتسليمها القائمه والمؤخر ونفقه للطفل وتم الطلاق فى شقتى امام عينها وراءت شقتها تنهار وعفشها بينزل امام عنيها
كنت اعاملها بما يرضى الله لم اشتمها ولا اقسوا عليها لم اضربها ابدا لم احرمها من اهلها لم ابخل عليها فى اى شئ ولما سالت المحامى بتاعهم وبعض اقاربهم هيا مشت ليه هيا رفعت قواضى ليه وهيا بتشتكى منى فى ايه لقيتهم بقولوا انها مش بتشتكى منى وانهم قالولها اللى بتعمليه ده حرام ولكنها بعد ان تم تعينها فى الوظيفه الحكوميه بداءت تتغير وتريد ان تسيطر على كل شئ زى امها ما عامله فى والدها
وطبعا انا رافض هذا كنت بسيبلها المرتب بتعها ومرتبى وبقولها اللى هيتبقى نبقى نعمل بيه اى مصلحه ووافقت ولكن تانى يوم كلامها اتغير
اعتقداى انها اهلها غيروها بعد الوظيفه وحست بانها اصبحت قويه ولها مصدر دخل وان اهلها عاوزين يربونى فخلوها تترك المنزل وترفع قواضى عشان انا اروحلها مذلول ويحطوا شروطهم ولما الموضوع قلب وتم الطلاق كان ظاهر تماما الحزن علي وجههم ووجهها
الان كلنا راع وكل راع مسؤل عن رعيته وابنتى هيا رعيتى وينفطر قلبى عليها وعارف انهم هيحرمونى منها او يقرفونى عشان اشوفها بالرغم اننا متفقين على موضوع الطفله
بالاضافه انى زعلان من اللى حصل وصعبانه عليا طليقتى لانها اتكسرت كسره جامده جداااا ولانى اعلم ان اهلها هما اللى ممشينها وغرقوها هل ارجعها ولو رجعتها المفروض الرجوع ده يجى عن طريقى انا اللى اروحلهم واطلب منهم يرجعوها ساعتها هيفهموا الموضوع انه ضعف ولو فكرت اكلمها هترفض ترد على التليفون لانها عنيده بعض الشئ هل ممكن تتعلم الدرس وتصحى و لنفسها تتشال الغشاوه اللى على عنيها الطلاق تم منذ اسبوع وازاى ارجعها اهلها كلهم مقوينها وممشينها بطريقتهم وهيا منساقه وراهم
واصبر عليها وقت اد ايه عشان تكون راجعت نفسها وشافت الحقيقه وعرفت قيمت بيتها وزوجها ولا ممكن بعد الطلاق تكون كرهتنى وكرهت العيشه معايا
وواسف على الاطاله