اخواتي الامهات انا عندي مشكله اوحاله محيرتني بصراحه واتمنى انكم تريحوني انشالله.. انا عندي بنت عمرها سنه و7شهور والحمدلله ,بس مشكلتي بصراحه اني دايم احس اني مقصره معاها مع اني كل شي موفرته لها انا وابوها والحمدلله ...بس هالشعور يضيق صدري احيانا وهي نايمه اخاف يصير فيها شي واتاكد من نفسها ,ولو تعبت باي يوم تجيني هواجيس مالها داعي من كثر ما اخاف عليها ..واخاف عليها من بكره او اخاف اموت او يصير فيني شي لاسمح الله وافكر شلون بيكون وضعها..ولو شفت اي يوم منظر قدامي لاي طفل مشلول او فقد له احد من اهله اخاف على بنتي اكثر وتظل هالصوره في بالي فتره وتخف مع الوقت...مع العلم انها اول طفل لي وافكر بالثاني بس علشانها لاني حتى ارحمها ولاابيها تحس بالطفش والملل والطفل اللي بيجي انشالله بتكون هي واياه سوى ..فهل هالشي طبيعي او لا؟؟؟

السلام عليكم
اختي الدانة هذا امر طبيعي فكل الامهات تخاف على ابنائها ولا تنسي انها البكر لديك اي يكون الحب والحنان متدفق لديك تجاهها فانا لدي ابنة عمرها سنة و8اشهر واخاف عليها من كل شي واتاكد من انفاسها وهي نائمة وتاتيني هواجس مخيفة عليها اذن هذه امور طبيعية
ارجو ان اكون افدتك
تحياتي
حور

يا حياتي هذا قلب الام

وانت مستغربه لانك بكر

ولا بعد مع الثاني والثالث يزيد الشعور

وممكن تبكين من كثر الخوف عليهم

الله يعينك ويعينا ويعين كل الامهات

ويارب يرزق كل المحرومين

__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين


لايرد القضاء الا الدعاء

عسى الله يريح بالكم انشالله ويخلي لكم ما عطاكم انشالله فعلا كلامكم ريحني لاني بصراحه خفت ان هالشي مو طبيعي ..عموما ما قصرتم ويعطيكم العافيه على الرد السريع

اهلا و سهلا فيك اختي العزيزة . .

هذه امور طبيعية جدا . . فأنا عندي ولد و بنت "الله يحفظهم" . . 5 سنين و سنتين . . و اذا مرض اي احد منهم . . الله يبعد عنا و عنكم الأمراض . . مزاجي يتعكر . . و ابكي كثير . . لأن منظر الطفل و هو مريض يتعبني . . و اكون في قلق دائم . . و غير المرض تجيني افكار غريبة و عجيبة . . مثل الله يكافي الشر حوادث السيارات . . او الحوادث المدرسية "مثل الوقوع و غيرها من الأصابات" . . و تلاقيني في قلق مستمر . .

هذه حالة من كثر حب الأم لأطفالها و خوفها عليهم . . لكن راح تخف شوي مع مرور الوقت . .

الله يخليكم لبنتكم و يخليها لكم و تشوفونها عروس ان شاء الله . .



تحياتي لك . .

__________________

. . اللهم كما سررته بنا في الحياة . . فسره بنا بعد الممات بصالح الدعاء . .

اللهم آمين . .

. . لن ننساك يا أمير قلوبنا . .

ياحياتي واللـــه ...



الله يحفظها لك ... ويحفظ عيال خواتي الغاليات (مهويتي و دهن العود) .. والله يحفظ أطفال امة محمد صلى الله عليه وعلى آله وسلم ..

بكل تأكيد ياغاليتي .. هذا هو شعور الأم ... ودائماً الأهل يطمحون لتوفير الأحسن لطفلهم ..


تحياتي لك ..

مشكورين والله وماقصرتوا لتفاعلكم مع مشكلتي الله يوفقكم انشالله