حاول تجرب ؟
السلام عليكم ورحمة الله وبركاته
اعجبني قسم تطوير الذات واحب ابدا معاكم اول مشاركه لي واتمنى تفاعل الكل ولكم مني كل الشكر
ابدا كلامي من الاشياء اللي يمكن تطور ذاتنا وتغير مجرى حياتنا امور كثيره وتعال نشوف كل امر ونناقش بعض هذي الامور
1-الصلاه***********الصلاه طبعا ماراح اجي اكثر من غيري من اللي نادوا بالصلاه لكن انا راح اقول لكم شي
اللي تفوته الصلاه في المسجد لايطنش ويقول راحت عليه لا لا لا اكبر غلط يعني حتى لو رجعت اخر الليل صلي اللي فاتك المهم انك تصليها ولو اخر الليل احسن من انك ماتصليها لان كل صلاه تضيع محسوبه عليك طبعا اللي يحافظ على الصلاه صدقوني في شي يحصل له بس هو مايحس يعني يكفي رب العالمين يتكفل بحرص عباده بعد كل صلاه ودي اطول في النقطه هذي لكن انا مخليها في موضوع ثاني مع بعض القصص والعبرات
2-الكذب ********** طبعا كلنا يقع في الكذب الا من رحم الله ياخوان والله الكذب شي عظيم تناقشت قبل فتره مع ناس واستخلصت ان الكذب هلاك محتم لو اقلكم حديث عن الرسول صلى الله عليه وسلم فيما معناه لمن جو صحابه للرسول صلوات الله وسلامه عليه وقالوا يارسول الله المؤمن يزني قال نعم قالوا المؤمن يسرق قال نعم قالوا المؤمن يكذب قال لا سبحان الله المؤمن لايكذب طيب عشان ماطول عليكم انا بقلكم وش الطريقه الامثل لتجربة التخفيف من الكذب وتلافي العيوب الثانيه بس في موضوع ثاني و نتطرق لبعض العيوب الشائعه
3-الاسراف الزائد في الفلوس والتكلف من اجل بعض الاصحاب*******معليش على النقطه هذي لكن لازم التوقف عليها
يعني بعض الاحيان نظن ان صرف الفلوس ببذخ والعزايم والماسبات هي اللي تخلي الناس تحبنا بالعكس هذا اكبر عيب فينا وعشان تتاكد من كلامي فيه ناس ماتقابلهم الا اذا كان عندك مناسبه طيب لو كان مافي مناسبه يعني ماراح تقابلهم طيب في ناس تطمح للقاء بهم وظروفك او ظروفه تمنعه هلا المناسبات والصرفيه الزائده تصلك اليه بصراحه ماحبيت اتكلم الان في الموضوع هذا بتفصيل اكثر عشان مايزعلون علي بعض الاعضاء لكن احب اقول فيه اشياء لو غيرتها في حياتك من هذي النقطه يعني بتوضيح اكثر عيد حسابتك مع نفسك واشتري اللي شاريك ولاتبيع اللي بايعك لكن حدد موقفك منه وعرفه موقفك منه عشان ترتاح وفيه موضوع ان شا الله انزله عنوانه تغير مجرى حياتي مع الواقع
طبعا في اشياء كثيره ابغى اتكلم فيها بتفصيل واشياء ماذكرتها لاني ماني عارف مدى قبولكم للموضوع ولوحبتيم اتشرف صراحه بطرح ماعندي من معلومات متواضعه تفيدنا واياكم ان شا الله
ودمتم
-
27-01-2006, 12:41 AM
ضوابط المشاركة
العرض الشجري