ماهي ردة فعلك لو عرفت ان زوجتك تدخل الشات!!
بسم الله الرحمن الرحيم
اول شي كنت متردده اني اكتب هالشي لكم لكن والله اعلم اني مااتشجعت الا اني حاسه بالذنب والغلط وابي منكم مشورتكم ورايكم بهالموضوع بكل صراحه
اول شي انا متزوجه ولله الحمد من رجل رائع جداااا بكل معنى الكلمه الله يحفظه لي قولي امين ثاني شي انا شبه مدمنة شات بصراحه لاني اجد فيه الوناسه والضحك وربي مادور غيرهاا يعني اتكلم فقط بالعام عشان اضحك واضيع وقت اكون فيه جالسه لحالي بسبب دوام زوجي فهو يداوم الين اربع العصر ومن هالوقت الين وقت النوم يكون مندوش راسه بسب دوشة العمل والضجيج الي فيه فمرااات عده احس انه مو معي لما اسولف معه ومرات احس اني اغثه بدل مااضحكه ادري مااينلام بس حتى انا ابي اسولف مع احد اتعب طول اليوم ودي القى احد اسولف معه وهو يحاول يسمعني بس احس انه يجامل المهم عرفت النت من عند زوجي هو اللي علمني عليه وجاء به لي اتسلى فيه وبعد ثلاث سنين شرالي لاب توب هديه والله اول كنت استصعب افتح الكمبيوتر عشان بطي ويفصل اللحين وش اسوي صغير ومعي باي مكان ومع ذلك لايمكن اهمل بيتي عشانه بعد الانتهاء من شغلي اجلس لوحدي بالليل هااه يبدا يوسوس لي الشيطان افتحي الشات وسولفي وانبسطي واقعد عليه ثلاث ساعات للفجر مثلا وربي اني اضحك واسولف مع الكل لا خاص ولاادور اسولف مع شخص معين وحتى لو غلط احد علي بشي قوي تلاقيني اخرج من الشات وحاسه بذنب فضيع تجاه زوجي مدري وش الحال وكيف اعزم واقدر اترك الشات
وش رائيكم فيني وش هو ردت فعلك لو دريت ان زوجتك تدخل شاااات تكفون فيدوني!!!!!!!!!!
__________________
[move=left][move=right]سبحان الله وبحمده [/move][/move]
06-02-2006, 06:48 AM
ضوابط المشاركة
العرض الشجري