تجربة عانس سابقه - منتدى عالم الأسرة والمجتمع

15-03-2006, 12:42 PM

نوارة نجد

عضو جديد

تاريخ التسجيل: Mar 2006

المشاركات: 27

تجربة عانس سابقه

مرحبا اخوااتي وبالاخص اختي شوبارد يمكن لاني تابعت كذا موضوع لها وحسيت بالي تعانيه ..
اكثر شي حمسني اني اكتب هالموضوع هو لاني كلما قريت موضوع لوحده منكم اشوف نفس المشكله وهي نظرة الناس .. انا مريت بهالتجربه وتقريبا اغلب الي حولي اصغر مني وتزوجو وحسيت ان نفسيتي بدت تتعب لان كل ماقالوا فلانه بتتزوج احس ان الكل يقول متى يجي دورها ووالله ثم والله ثم والله صدقوني لو مافيه ناس تشغل وتسال كان ما اهتمينا بالموضوع ولا عطيناه قدر ويجي بعد كذا موضوع الخطب والناس الي تجي وتروح انا اقوللك الناس الي جو وشافوك وماجزتيلهم وش اسبابهم؟؟ الجمال ؟ الجمال تختلف مقاييسه عند الناس الله من جميله شافوها الناس ولا شي مهما تكون اسبابهم انا اتذكر اذا جا حريم يشوفوني اقول لخواتي لاتقعدون تحزنون اذا مارجعوا ترا عادي ...يمكن تحز بنفسي بس والله مااخلي الموضوع ياخذ اكثر من يوم واحاول انساه ولا اتكلم فيه ..
ولاكنت احب اشوف نفسيتي كذا وقررت اني اكفخ نفسي واتفاهم معها واشيل الحساسيه من هالموضوع

وكلما قال احد عقبالك اقول انشالله يجي الي يستاهلني وصرت اتكلم عادي عن المستقبل واذا تزوجت وش بيصير ووش ودي والله العظيم تغيرت كل نظرات الرحمه وصاروا هم يناقشوني وش بسوي وش مواصفات الي ابي حطي ببالك انك منتي ناقصه وحلوه وانه متى ماكتبه ربي يجي بيجي حرام اقعد اضيع فتره في حياتي بالتفكير في المستقبل والله انها من اروع المراحل العزوبيه استمتعي فيها انا عارفه انك تقولين اذا تزوجت بتنحل كل شي وبيهون كل شي لا يا عزيزتي كل فتره لها غثاها انا لي 3 سنوات متزوجه ولا بعد ربي كتب لي عيال شفتي شلون وبدا الناس يغثون الله لا يقطعك الله يرزقك ولو بجيب عيال ويصيرون بنات بيستمرون في مسلسل الغثا ..فهمتوا الي اقصده وصرت اقول امين وادعوا لي الله يرزقني وابتسم ..
دعمي ثقتك بنفسك

حبي نفسك واعتزي فيها فكري في الاشياء الي محد يقدر يسويها الا انتي اثبتي نفسك في كل مكان في البيت في العمل وعند الناس وفي العزايم لاااا تصيرين منطويه وضعيفه ترا هذا الي يخلي الناس يرحمونك ..وفيه نقطه انا لاحظتها في نفسي يمكن انتم زيي انا اذا تزينت اسفهل

حتى في البيت حطي مكياج خفيف والله تتغير نفسيتك جربوا

حبيباتي.. لا تعطون الموضوع اكبر من حجمه ادري انه صعب بس انتي اهم صحتك وسعادتك وفوووووووووووق كل هذا والله اذا ضاقت بي الدنيا اذكر اني بصحه وعافيه واقول ياربي لك الحمد ..
وانشاااله بكره اذا تزوجتوا بتذكرون هالحظات الي مريتوا فيها وتبتسمون ..
انا طولت عليكم بس والله من حبي لكم واني ابي افيدكم ولاتنسوني من دعاكم .
اسال الله ان يبرني واياكم بالصالح من خلقه اللهم اني اسالك بعزتك وقدرتك ورحمتك التي وسعت كل شي ان تبر اخواتي بالازواج الصالحين عاجلا غير اجل وتبرني بالذريه الصالحه وكل محروم يارب العالمين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه