السلام عليكم ورحمة الله وبركاته

والله مب عارف شلون ابتي بس انا بعد تفكير طويل قررت اشاركم مب المشكله بل اقدر اقول الموضوع اللي عندي ابي نصيحة جاده رجاءً ما ابي احد يهزئني لو سمحتوا وجهوني لاني ما اقدر اشارك احد غيركم بالموضوع.
انزين انا فتاه عمري 26 سنه اعتبر حسنه المظهر والحمد الله لبقه على قولتنا (سنعه وكفو) دائما يتقدمون لي عرسان وما يصير نصيب لدرجة اني امي اخر مره عدتهم فقالت لي تقريباً صاروا 32 او 35 في هالحدود انا ما اعرف شنو اللي يصيدني لين يتقدم لي واحد اكره الدنيا واللي فيها مع اني اتمنى اني استقر واكون اسره ما اطول عليكم خلني ادش في السالفه

من فتره تقريباً 4 او 5 شهور تعرفت على شخص عن طريق النت اعرف انه غلط بس تبون الصراحه كل من حدني على هالدرب كل من ( ما اقدر احدد اشخاص) انزين وضفته عندي في المسنجر وتمينا نسولف مع بعض سوالف عاديه جداً امور الحياه والمعيشه الدين كل شي طبعا مع التعارف عرفت من اهو ومن اعيال من وين يسكن وين يشتغل وتاكدت من كل المعلومات اللي عطاني اياها وكلها صح طبعاً هذه المعلومات ما عطاني اياها الا بعد فتره وهم انا ما كذبت عليه في شي اذا كنت ما ابي اقوله شي اقوله ما اقدر اقولك الحين، وصرنا الحين لازم نكلم بعض يوميه ما يصير يمر يوم ما نكلم بعض على المسنجر اهو بعد فتره طلب رقم تيلفوني انا ما رضيت فقال لي اعطيج رقمي انا ما صديته خبركم حب الفضول لكن من يوم ما عطاني الرقم لي اليوم في حياتي ما كلمته ولا حتى طرشت له مسج انزين انا عرفت من كلامه انه من النوعيه المتشدده اشوي اللي ما يحب زوجته لا تروح ولا تجي طبعا هذا كله عرفته بطريقتي مب بطريق مباشر بس طبعا من خلال كلامه وهم عرفت من كلامه انه خلوق مهذب حتى انه كان دائما ينصحني واعطاني مواقع اسلاميه في محاضرات وغيرها حتى اني من بعد وحده من المحاضرات قررت اني اتحجب عدل و ولا اشيل حواجبي وله الاجر ان شاء الله انا الحمد الله كنت ناويه هذي الشي بس كنت مأجلته بعد عرس صديقتي ولكن من يضمن عمره وفعلا ابتديت المهم اهو طيب وانا الحمد الله ما امدح بنفسي بس شاقول ما اقطع قرأت القران احافظ على نفسي حتى انه امي مره قالت حق خويتي الصغيره انه اختج لو نحطها بين مليون ريال تطلع ولا شعره متغيره من مكانها اضمنها بحياتي (كان لها موقفها هذي الجمله) المهم انا وايد تعلقت فيه وجدت فيه الرجوله اللي ما حصلتها من قبل اتمنى انه يكون من نصيبي بس مب عارف شاسوي لانه اهو عمره ما فاتحني باي موضوع طبعا ولا حتى نوه وانا مستحيل ابينه هذا الشي لو شنو ، في من صديقاتي يقولون لي قولي له انا مب مالت لعبه وتضيع وقت انا ابي اعرف انت شتبي بالضبط او شتبي توصله ، وفي منهم يقولي كلميه بالتيلفون ، وفي منهم يقولي بين له هذا الشي بطريق غير مباشر

بس لا والف لا ما في ابنيه عدله تسوي هذا الشي (المشكله انه عاجبني فيه كل المواصفات اللي اتمناها والمشكله الاكبر انه تقدمولي وايد وانا دايم اصد لي متى كم بقى من العمر ابي اشوف اعيالي اذا الله عطاني ابي ريل يقدرني ويفهمني ويعشني ملكه عند لو كان فقير)

ابي نصيحتم رجاءً بالذات شباباً شباب الخليج ابي رايكم

اعرف اللي سويته غلط من البدايه بس شنقول الله كتب واللي صار صار شرايكم

مع العلم انه شافني وشفته مرتين من بعيد في مطعم اعرف انه غلط بس والله من ذيج الفتره ما تكرر مره ثانيه

انا فكرت الف مره قبل لا اكتب هذا الشي لانه شي مخجل وما يشرف بس ابي رايكم مالي غيركم

أختى الريم 80

لابد من تحديد العلاقة إما بالزواج العاجل أو قطع العلاقة 0

اخبريه أن هناك من سيتقدم لطلب يدك فإن كان يريدك زوجة له

فلن يخفي ذلك ، وإن احسستى أنه لايريد ذلك ولايفكر به فاتركيه

وانظرى بمن تقدم إليك وتوكلي على الله 0

الله يسعدك ويكتب لك اللي فيه الخير ويسترك بالزوج الصالح

شكراً اخي الكبير على تفاعلك فرحت جداً عندما وجدت ردك اول رد على موضوعي
الا تعتقد فكرة ان هناك متقدم لي فكره مبتذله وفيها اهانه لي مع انه فعلاً يوجد شخص متقدم لي وانا رفضته
بس انا انشاء الله باتركه وخلاص من غير ما اقوله حدد مدى العلاقه ولا احد متقدم لي انا الصراحه ما ارضاها على نفسي بس ابي منكم تساعدوني على هذا الشي لاني فعلاً تعلقت فيه

ربي يكتب اللي فيه الصلاح ويرضينا فيه

شكراً مره ثانيه

Miss Hawaii
ما عندي هذة الجرأه بس باقطعه من غير ما اقول له زواج وغيره وشكراًً

كاره الرياضيات
شكراً اهو لو صار زواج لك علي انه تكون جنه مب جحيم بس على رايك لايمكن.

بحرينية ولكن
ماتمنيتها منج (احرجتيني)
ما باقول له لانه بيكون في كلامي تلميح وانا ما ارضاها على نفسي

night 2005
ما اقدر وهذا اهو اللي تاعبني اهو الشخص الوحيد الي عجبني (لاحظوا انه عمري 26) وصفاته اهي اللي ابيها مع اني عرفت عنه اشياء مب زينه كان يسويها بس كلنا خطائين .
مع انه عاجبني ما اقدر المح له لو من بعيد ما اقدر تربينا على هذا الشي

شكراص جزيلا لمروركم وارائكم

moonoflove 21

الفتاه

سنون ومنون

شوبارد

بنت ديرتي

مناير 28

الحب والحبيب

تركي بن محمد

متغربه

helwaya

شاطئ المحبه

غلا القلب

egygrafx

ساعدوني وشجعوني علشان اتركه

أخت الريم 80

قليله أنا الصراحة أبي أتزوج وأجيب عيال.. وكيف ربي راح يوفقني وأنا أعصيه ؟ لهذا قررت إني أقطع علاقتي معك.. وأنتظر نصيبي يجي بالطريقة الصحيحة.. وكوني جادة.. واقطعي العلاقة.. وهو يعرف إيميلك ولو كان مستعد يتزوج ويفتح بيت ورايدك وكان فعلاً كما وصفتي.. راح يتقدم لك.. وإذا لأ.. عسى الله أن يبدلك خيراً منه.. وبكذا تحفظين ماء الوجه.

وفقك الله لما يحبه ويرضاه..

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]

اختي سأكون صادقاً معك 0000 شباب الخليج لايمكن أن يتزوجوا من تقيم معهم علاقة

وان حدث وتزوجها يحيل حياتها الى جحيم بسبب الشك وبالنهاية طلاق 000

وأنا أتوافق مع رأيه بالضبط

أختي محد خسران بأي علاقة بين رجل ومرأة الا المرأة فانتبهي لنفسك

الله يحفظك

__________________
اللهم لك الحمد والشكر
"ولئن شكرتم لأزيدنكم"

حبيبتي ابنصحك نصيحه لوجه الله

انتبهي لنفسك تراكي عايشه بوهم

استغفري ربك وانسيه

يمكن تقولي صعب

بس والله ثم والله لو تزوجتيه راح تعيشين عذاب طول عمرك

والزواج ستر للمراءة وعفافها الزوج الصالح

بس هو راح يجي يوم ويتهمك بعفافك وشرفك

صدقيني تراني خايفه عليك

انسيه وادعي ربك يرزقك الزوج الصالح

والله يستر عليك

اللي سواه هذا الرجال انه سواكي على نار هادية

دخلك من مدخل الدين والمواقع الاسلامية

واللمتدين ما يسوي كذا

عرف من وين يجيييك

عشان توصلي للي انت فيه الان

عشان لما يجي يقولك يلا نتكلم ما راح تقولين لاااااااا

طنشي كذا وشوفي ايش راح يسسوي!!!!!