أمي تعبتني ما اعرف شو اسوي معاها
مرحبا اشحالكم عساكم طيبين
انا عندي مشكلة مع امي اناعمري 18 واشوي اكبر وحده من اخواني ( بنات واولاد)
رح اقولكم من صغري لما كنت باول اعدادي امي وابوي كانوا امسافرين لمكان ثاني بس بنفس
البلد ، محد بالبيت غيري انا واخواني الاصغار والخدامه وعمي بالليل سبحان الله ما اعرف ليش قمت فجأة
من الله قمت ادور الخدامة ( ليش ما ادري ) الخدامة كانت اتنام معانا بنفس الغرفة لان البيت اصغير
اول ما قمت على طول راسي كان على سريرها ما لقيتها قمت ادور عليها بكل البيت واصرخ واقول
اسمها يا فلانه يا فلاانه بالمره محد حتى اني شكست قلت يمكن الارض انشقت وبلعتها او جني خطفها
والله ثم والله اني اريولي خذتني لين الميلس من غير ما احس والله محسيت بنفسي كيف رح وفتح الباب
ياريتني ما فتحت البااب
شفت عمي والخدام بحالة زنا ...........بقيت واقفه عند الباب مثل الصنم متجمده هم ما حسو فيني الا بعد فترة
صرخوا
سكرت الباب ورحت انام
انا ما خبرت حد لانهم مارح يصدقوني لاني ياهل مثل ما يقولوون
مرت على السالفه اشهور فمره انزل الساني وامي تبا اتعرف شو السالفه خذتني على البحر وقامت تستلمني
وتضغط على لمدة ساعه واشوي ما اتحملت انفجرت قمت اصيح وانا اقولها السالفه
اتصدقوني ان امي عمرها ما حضنتني ولا باستني والله الحظيم ولا مره
وامي راحت قالت لابوي ما صدقوني حسيت اني غبيه لما قلت لامي
وانا قلت لازم ما اسكت كل يوم اقول شو رح اتسوي بالخدامه لازم اتسفرينها لازم تتصرفين
لا حياة لمن تنادي
قلت الهم لما ما اتصدقوني ييبوا عمي والخدامه وحلفوهم غصبا عنهم رح يعترفون
والله ثم والله ما سوت شي
اوكي
انا دوم ماشي حوار بيني وبينها والله انا قمت انصحها اقول امي انتي لازم اتكونين اربيعتي
وصديقتي لازم تعرفين عني كل شي
والله ثم والله ما اتعرف عني شي
وانا هذي حالتي معاها ماشي تفاهم بينا دوم اتعايرني ببنات الناس كرهتني بنفسي
كل ما اقعد معاهاا تدعي علي وعلى اخواني والله كل مره غدى عشا بكل وقت اقول الها مب زين والله مب زين
من كثر دعاويها علينا
وانا بالثنوية عامه ( خلتني ادخل علمي غصب ) اول يوم امتحانات صابني انيميا حاده دمي ( HP) اربع 4 يعني مافيني دم ما قدرت اكمل الامتحانات ورقة الامتحان ما اشوفها وقاموا يعطوني دم وكل يوم دم لين ما طلعت النتايج ونسبتي كانت قليله وااااايد وقامت اتعايرني مع انها هي السبب بالانيميا يلي انا كنت فيها لاني قبلها بي ست اشهور قلت الها امي الدكتورة اتقولي لازم اروح بنك الدم اخذ دم لان دمي ناقص واااايد والله انها خذتها اطنازه
وصارلي سنه وانا اتعالج يعني راحت علي سنه دراسه
والحين اقول اني رح اعيد الثنويه منازل عسب ادخل الجامعه هم بعد تتطنز وتتمصخر علي تحبطني واااااااااااايد
دوم اتطلعني انا الظالمه وهي مظلومه والله انها تظلمني ما تعرف تتصرف معاي ولا شي والله اتقول ياريتني ما ربيتج ولا يبتج على الدنيا
كل ما اتروح تشتكي علي عند اخوالي اتزيد كلام لاصار ولا استوى والله العظيم
حتى هم يعرفون انها اتزيد
انا ما رح اقول اني هب غلطانه لاني عنيده وهم هي عنيده بس انا اعند هي علمتني جذي
والله اتصدقون لما اروح معاها المستشفى الدكتور يسأل امي يقول دورتها منتظمه امي تسكت اتقول ما اعرف الدكتور يفتح عينه واي سؤال عني يسأل امي عني هم بعد اتقول ما اعرف انا ابا ساكته والدكتور مستغرب
والله تعبت معاها كل ما اقعد تدعي واتسب
اذا قعدت معاها اتسب وتتضارب واذا ما قعدت هم اتسب وتتضارب واتقول انتي ليش نافخه راسج مع امي والله ساكته ما اتكلم اتفادى الكلام معاها عسب لا اتسبني ولا تدعي علي
واتصدقون انها تعطيني مصروف مثل اخواني اليهال يعني الحين مصروف يلي عمره 18 مثل يلي عمره 10و9 و14
اخذوها بالعقل نفس الشي
وحتى اشهور ما تعطيني مصروف اسكت ما اتكلم اقول ماعليه هذي هلي براعيهم مارح اخذ شي منهم
والله تعب تعبببببببببببببببببببببببببببببببببت منها شو اسوي خلاصي انا وامي اكس تناقض مافي شي بيني وبينها
07-07-2006, 11:19 AM
ضوابط المشاركة
العرض الشجري