بخاف و مرعوبة
السلام عليكم و رحمة الله و بركاته
انا و الله حبيت المنتدى دا اوي حبيت مساعدات البعض فيها لبعضهم و قلت ان شاء الله هما حيساعدوني ان شاء الله
عمري 18 سنة مشكلتي اني معنديش ثقة في نفسي اخاف من الجواز جدا جدا جدا و كل محد يكلمني عن خاطب اتهرب من الموضوع لدرجة ان واحدة كانت مدياني معاد اتقابل معاها عشان ام احد العرسان يشوفوني انا هربت من المعاد و مجيتش عارفة طبعا انها قلة ذوق مني بس انا و الله العظيم خايفة جدا
حاسة ان اي حد لم يشوفني مش حيعجبه شكلي لأني نحيفة جدا و مش بيضاء كما يحب الشباب و لو عجبه شكلي مش حيعجبه طبعي او شخصيتي و لو عجبه طبعي مش حاعجب امه و لو عجبت امه و تم و اتجوزنا حيتغير بعد الجواز او انا حاتغير بعد الجواز و يطلقني
و لو متغيرش مش حاكون بخلف و لو كنت بخلف مش حيكونوا حلوين و لو كانوا حلوين حيكونوا اغبيا و لو كانو اذكياء حيموتوا بسرعة وووو,............................................
و الله انا خايفة الموضوع يتطور معايا انا كل شوية اقول لنفسي انا لسه صغيرة بس كل يوم باكتشف ان الخوف بيزيد عندي اكتر
قولو لي بالله عليكم اعمل ايه ؟؟؟؟؟؟؟؟؟؟؟؟؟؟؟؟؟
24-08-2006, 11:30 AM
ضوابط المشاركة
العرض الشجري