زوجي تفكيره تقليدي عن الزواج
انه البيت كل مسؤولياته على الزوجة
ويبي يرجع وكل شي تمام وعلى حسب ظروفه

وفي نفس الوقت يبي موظفه يفتخر فيها بين أصحابه وتساعده بمصاريفها

وأنا ماحب أكون متوترة ومضغوطة وهذي قدراتي
اقصد ابيه يساعدني بأنه يشيل نفسه بالبيت
ابيه هو يغسل ملابسه أو أنا اغسلهم واكويهم وهو يرتبهم داخل الدولاب
هو رافض ويقول هذي واجباتي
ماقدر اتعب بالعمل وارجع البيت واكرف لحالي
خاصة واني كل ماعودت نفسي على نظام معين يقوم زوجي يغير نظامه
ويلا لازم أعيد الترتيبات وطاقتي اللي وزعتها ودربتها

فكرت في الشغالات اللي تجي بالساعه لكن خايفة ادخل وحده وبس بيتي

بصراحه يالموظفات ايش نظامكم علشان تحلون هالازمة
خاصة وان وظيفتي احتاج أحيأنا اجيب العمل معايا للبيت

أنا ودي اذا رجعنا البيت أنا وزوجي نتعاون واحد يطبخ الثاني يغسل
واذا الولد كركب البيت اثنينا نتعاون ونرتبه

نهاية الاسبوع اثنينا نتحمل تنظيف البيت

لكن زوجي رافض هالشي ويقول هذي واجباتي

التعاون انسي من الي يتعاون
جيبي شغاله تساعدك والله يعينك

جيبي لك شغاله لو من راتبك ،، شفايده الراتب والفلوس اذا ماعزت صاحبها،،

هدديه انو بدك تتركي الوظيفة منشان تتفرغيلو


قليلو بما انو هي نظرتك للمراة المفروض تعرف انو مو من واجبي اشتغل و اجبلك مصروف

أعيش في منزل أهله والعاملة هي من تقوم بأمر الطبخ واالمطبخ
أما باقي أمور التنظيف والغسيل بشقتي فأنا من أقوم بها
لا أنظف يوميا، أعمل جدول لنفسي بالغسيل والتنظيف
الغسالة الأوتاميتك لا تحتاج جهدا بالغسيل
وملابسه يأخذها لمحل الكي
بالنسبة للطبخ تستطيعي الطبخ لعدة أيام أو تجهيز ما يلزم
وحفظه بعلب بالثلاجة ..
خططي وضعي جدولا لتنظيم وقتك دائما .. طباع زوجك كأغلب
طباع الرجال الخليجيين ..

__________________

اجيب شغالة تعيش معانا بشكل دائم مستحيل
شقتنا صغيرة أصلا فكيف بقابلها طول الوقت
واللي بالساعة متخوفة

كان بيت اهلي في شغالة لو ظلت كنت ارتحت اشوي لكن سافرت وأمي خلاص ماتبي

ايوه سهر كثير اقوله أنا اغض النظر عن ظروفك المادية وكنت غض النظر عن تقصيري بالبيت لكن مو مقتنع
ق

أرسلت له مقاطع الزوجه مو من واجبها تنظيف وغسيل لكن مو مقتنع أو يمثل عدم الاقتناع يقول أجل بس للفراش

لؤلؤة اذا كان سبب خلافك مع زوجك ,فأغلقي عنك هذا الباب
يساعدك برغبة منه مو بجدول يمشي عليه
اذا راعي الطفل و انت تشتغلي اعتبريها مساعدة
شوفي لك عاملة بالساعة
ما لك غير هذا الحل

ابعطيك تجربتي
لا بد ان تستعيني بالخادمة اللي بالساعات مره في الشهر
وقبل النوم ما وصى به الرسول عليه السلام فاطمة رضي الله عنها لما سالته خادم يساعدها
الغدا جهزيه قبل بيوم ،. والعشا خفيف
الغسيل اذا غسالتك اتوماتيك ما يعتبر مشكلة
تنظيف البيت الحمامات اذا دخلتي تتروشين غسليها قبل
كنس البيت بعد الغدا مباشرة او بعد قهوة المغرب
والله يعينك كلنا نعيش بدوامة مالها نهاية!

يازينك وربي اجل تبين الشغل بينك وبينه 😂😂😂
اقول يكفيك تعبك النفسي من شغل البيت لاتتعبي زياده معه تبين طويل العمر يشتغل
انا اربع سنوات بيتي وثلاث اطفال وبيت كبير ثلاث ادوار وبدون شغاله
كنت اتمنا بس انه يرتب الحوسه الخاصه فيه بعده بالملحق حقه

ويوم مت تعب نفسي وجسمي صرت وانا بالدوام كل تفكيري بيتي وتنظيفه
جبت شغاله الشكوى الله احصل لو راحه جسديه

وظيفه وبيت مافيه الا كرف
الا الناس الي مب دقيقه بالتنظيف وعادي تجلس يومين مامسح البيت وبالغسيل بالاسابيع والكوي كل يوم بيومه
لكن اذا انتي دقيقه الله يعينك على الكرف

__________________
سبحان الله وبحمده