السلام عليكم..كيفكم اليوم ان شاء الله بخير

حابه انزل اول موضوع لي بقسم الحلويات وبقسم الطبخ عموما"..

واتمنى يعجبكم,,هاذا ياحبايبي حلى خطييييييييير لقطت طريقته مرة عالتلفزيون,,ولاكن طورتها الين وصلت للوصفه الحاليه,,وهي بجد رائعه وطريقتها سهله جدا" ماتاخذ ساعه بالكثير او اقل من ساعه..

طيب بسم الله نبدأ..المقادير:



3حبات شوكولاته جالكسي..هاذا الكميه لشخصين اذا اكثر ضاعفيها..




بيضتين..





ربع زبدة




ربع كاسه زيت..



3 ملاعق طعام سكر..


6ملاعق طعام دقيق ..

2 ملعقه شاي بودرة كاكاو...



طريقه التحضير...





فالاول نسوي حمام مائي للشوكلاته مع الزبدة والزيت..الين ماتسيح المكونات على بعض..

على جنب اخلطي البيضتين مع السكر والدقيق والكاكو كويس..الين مايتجانس الخليط..

وعلى طول حطيه فوق الشوكلاته وقلبيه كويس..وشغلي الفرن على درجه متوسطه قبلها ب5دقائق..

وتحطي الشوكلاته فقوالب قصدير مدهونه زي هاذي..



وتشغلي الفرن اول من تحت..الين تحسي الاطراف بس استوت يعني 10 دقائق كفايه..وعلى طول شغلي عليها من فوق بسرعه ولمدة 5 الى 7 دقائق الين تحسيها تماسكت بس مااستوت بشكل كامل..لانو هاذا هو سرها مستويه من تحت والاطراف ومن النص سايحه..يمي يمي..اتمنى تكون اعجبتكم,,

وتتقدم مع كاسه مويه باردة,,

جربوها حتدعولي..

اختكم صمتي دموع..

ما شاء الله وصفة راااائعة
يعطيكِ العافية يا رب
وأهلاً بكِ مبدعة في قسم الطبخ
لكِ تحياااااتي

__________________
أنتهت الإجازة الصيفية وبدأ الدوام

روعه الله يعطيك العافيه

بس ماحطيتي لنا الشكل الاخير

الله يديكي العافيه

__________________

تسلم ايدك بس فين الشكل النهائي للوصفة ؟؟؟؟؟؟؟؟؟؟؟؟؟؟؟

__________________

وين النتيجة النهائية طيب ليش ما صورتيها؟؟

__________________

حياك الله بيننا ..

لكن الشكل النهائي مهم بالنسبة لنا أكثر من صورة المقادير والطريقة ...

ننتظره بفارغ الصبر ....لا تنسي تنزلي الصورة ...Ok

__________________

اهلين فيكم,,معليش يابنات سامحوني....... حسيت اني تحفه..
اولا تسلمون على ردودم الرائعه..حمستوني حسيت بجد اني طباخه

وهاذي الصورة لعيونكم..واذا سويتيها بصحون الفخار هاذي حتكون احلى حلى بعد العشاء خاصه للضيوف مررة حيكون شي جديد غير اللي متعودين عليه..

ومعليش ملاحظه,,درجه الاستواء للسوفليه تعتمد عليكي اكثر شي..يعني ممكن تخليها الوقت اللي قلته فتجي الصوص مررررة كثير ولذيذ ومكن يكون الوقت ازود ويطلع اغلبها كيكه والصوص فالنص اقل حبتين,,إن شاء الله فهمتوا قصدي..





الإشراف : إن شاء الله تكتب على هذا النحو ( إن شاء الله )

ماشاء الله شكلها تحفة ..

تسلم يدك ...حمستيني أجربه...

__________________