السلام عليكم ورحمة الله وبركاته

اتمنى تكونون جميعا بخير من زمان ما شاركت بالقسم مع اني متابعه لكثير من المواضيع .. انا كتبت موضوع بالقسم هذا من فتره طويله والحين باطرح لكم موضوع ثاني

القصه وما فيها راح اقولها لكم من الآخر بس اتمنى تفهموني وما تنتقدوني الا اذا كنت فعلا غلطانه .. انا سبق وقلت لكم اني كملت 26 سنه والحين ماشيه بالــ 27 ولفت انتباهي كلام الوالد واخواني عن ولد جيراننا لا تفهموني غلط اهلي يحاسبون ويدققون قبل ما يقولون اي كلمه بس احيانا ما يكونون ملاحظين وجودي او اني اكون ماره بالصدفه واسمع الكلام يعني الوالد يجلس مع اخواني ويسولفون عنه بصراحه ما اعرفه ولا عمري شفته ولا يهمني الشكل بس يثنون عليه ويذكرونه بالخير يعني يحب اهلي بشكل مو طبيعي يحب ابوي واخواني واكثر من مره طلب من اخوي الكبير يطلعون سوا ويتمشون احيان استغرب من هذا الاهتمام الغريب وفي نفس الوقت اقول يمكن يكون طبع فيه وانا صرت الاحظ اي تصرف منه وافسره غلط


علاقتي في اخواته زينه اخته دايم تتصل فيني وتكلمني من فتره لفتره بس عمرها ما لمحت بشيء والغريب ان اخوانه اللي اكبر منه للحين ما تزوجوا يعني الاسره كلها محد منهم متزوج

بصراحه ولا تواخذوني تمنيت انه يكون شريك حياتي ما ابالغ لو قلت انه هو الانسان اللي احلم فيه طول عمري واهم شي العمر اكبر مني بسبع او ثمان سنوات بصراحه طمعانه فيه ما شاء الله تبارك الله .. الله يخليه لأهله والله العظيم راضيه لو ياخذني بدون مهر وبدون حفلة زواج وخرابيط بس اكون من نصيبه
والله اتمناه زوج لي على سنة الله ورسوله لانه انسان طيب يحب اهلي وان شاء الله ان فيه الخير في زمن قلوا فيه اهل الخير دلوني وش اسوي اكلم امي واخليها تعلم اخوي بالسالفه ويكلمه على ان ما عندي علم بالسالفه والا تشوفون انه عيب

والمفروض اني احتريه لين يشوف نصيبه و انا اجلس انتظر نصيبي شهور ويمكن سنين !!!
قلقانه و محتاره و خايفه من العمر اللي جالس يركض .. سنين تمر وانا ماني صغيره لا تقولون لي مو لازم الوحده تتزوج الوحده تبغا انسان يساندها في هالزمن ويعينها على امور دينها ودنياها

يا رب ان ما كان من نصيبي ان الله يصرف نظري عنه و يعوضني بمن هو احسن منه

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

يا هلا والله عزيزتي.. أمل

ماعليكي غير ترفعي يدك وتدعي ..
إذا كان لكم خير في بعض .. ربنا حيكتبه من نصيبك..
بس يا قلبي مو حلوة تقولي للأمك يكلم أخوكي..
اصبري وان شاء الله خير .. الله يفرح قلبك يارب

__________________

>> لا إله إلا أنت سبحانك إني كنت من الظالمين <<

الله يرزقك بالزوج الصالح التقي النقي اللذي يعينك على امور دينك ودنياك
اختي الغاليه بارك الله بك
اعلم مدى حاجتك لهذا الأمر واحس واشعر بما في صدرك لأني بمثل عمرك ولاكني ليس لدي ابن جيران او ابن عم افكر فيه
او اي شاب اخر

انما توكلي ورجائي بربي اكبر من رجائي بخلقه
فهو وحده يعلم حاجتي وحاجتك وهو القادر وحده على قضائها
غاليتي
اتوقع لو كلمتي امك او اخوك بيشعرون بالأحراج
سواء من رغبتك بالزواج وهم ما بيدهم حيله
او من ناحية الكلام مع هذا الشاب ومصارحته برغبتكم به

استخيري الله عز وجل
واذا استطعتي ان توسطي احد بعيد عن عائلتكم
فهذا خير

مع ان الغالب على الفتاة الحياء
لا اريد ان افتح عينيك على امور واحتمالات اخرى لعلها لا تحصل
من ناحية الشاب
لأني افترض الخير ان شاءالله
ولأني متفائله وعندي حسن ظن بربي

رزقك الله بالزوج الصالح اللذي يؤنسك في وحدك ويرزقك منه الذريه الصالحه
اللهم امين

__________________

الله يرزقك بأعظم مما تتمنين يَ رب وَ ان كان لك فيه نصيب الله يعجل إجتماعكم ..
الأفضل ما تقولين لأمك لأن الموقف شوي صعب لكن عليك بالدعاء وَ أوافق الأخت عطر الحياة .. وَ لابد يكون شخص عاقل وَ صاحب ثقة وَ أمانة ..

__________________

اذا نفسك فيه صارحي اخوك (اذا اخوك متفهم ) واكثري من الاستغفار والتسبيح والباقيات الصالحات وربي ان لما انزلت الي من خير فقير ولااله الا انت سبحانك اني كنت من الظالمين وراح يتيسر امرك
مافيها شيء ابدا انك تصارحينه وخاصة انه مناسب وعلاقتك ف اهله جيده

__________________
وإني لأرجو الله حتى كأنني ... أرى بجميل الظن ما الله صانعُ .

فيه باب مفتوح ع طول وعمره مايتسكر

واذا دقيتيه يرد أكرم الأكرمين

ادعي ياأختي بالصالح فالأنسان
لايدري اين الخير
وتعلقي بالله فإذا لك فيه نصيب والله تاخذيه

أسأل الله ان يرزقك بالذي هوخير لك
دمتي في رعاية الله

__________________

هلا فيك اختي..
يمكن مستغربين ليه انا ناويه اكلم امي يمكن لاني اشوف انها استحاله يكون بيننا نصيب والله قادر على كل شيء ..بس هو انسان فيه الخير وما استحق انسان مثله لان انا وحده مقصره عسى الله يغفر الذنب ويتوب علينا

اشكرك على الدعوه الطيبه الله يتقبل منك ويفرج هم كل مهموم

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

اللهم امين واياك يارب .. والله دمعت عيني من كلامك مدري ليه
يمكن كلامك طالع من قلبك عشان كذا اثر فيني

الله يفرج همنا ويسترنا بالناس اللي يسعدوننا ويعطي كل بنت احسن مما تتمنى

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

اللهم امين اشكرك على دعواتك الطيبه الله يسعدك ويوفقك

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

اخوي متفهم جدا ويمكن لو فاتحته بالموضوع بشكل جدي راح يعطيني الشور وينصحني باللي لازم اسويه بس استحي اقول له الموضوع وفي نفس الوقت متردده من الفكره نفسها خايفه اخوي يكلمه و يرفض او يكون حاط عينه على وحده من قريباته وش بيكون موقفي وقتها
وفي نفس الوقت طمعانه فيه انسان فاهم وواعي واخلاقه طيبه احتمال انتظر لفتره وبعدها راح اتوكل على الله واكلم امي

ناس كثير خطبوا لبناتهم والحين صاروا امهات وعايشين حياه حلوه ما شاء الله عليهم

الله يكتب اللي فيه الخير وان كان هو نصيبي وفيه الخير لي .. الله يجيبه وينطق لسانه قبل ما اتكلم انا

اشكرك على مرورك وردك الجميل

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )