السلام عليكم ورحمة الله وبركاته

ترددت كثير قبل ماأكتب ولكن أنا محتاجه أحد يوجهني السكوت قاعد يقتلني

المشكلة لاتخصني بشكل مباشر ولكنها إمتداد لمشاكل أمي وأبوي ..قبل كل هالكلام ماأنكر أفضالهم علي ولكن محد كامل .
ابوي متزوج من ثانيه ومن قبل زواجه ومن بدايه خلقي وهو مشاكل مع أمي يرضون يوم ويزعلون شهر..
ساكنه في بيت جنبهم وهاذي المصيبه كل شي يوصلني.. أنا مكان للفضفضه لأمي وأبوي من صغري حملوني مالا أحتمل..قبل سنه أبوي ضرب أمي وجاتني تبكي ووجهها فيه علامات الضرب وطلقها كرهت أبوي كره شديد وعجزت أسلم عليه كل مااشوفه وتعبت تعب نفسي وجسدي من الصدمه ..بعد كم أسبوع راح اللي في قلبي شوي شوي ..ويوم رجعها نسيت نوعا ما ولكن لازمتني الكوابيس فتره طويله ..
كل مافي الأمر إن حياتي الزوجيه مهدده بسبهم..كرهت الرجال ..أشك في زوجي يخوني كثير ..ماأحس بالأمان معاه ..هاذي المشاعر مايعلم بها زوجي لأني كتومه جدا خصوصا وأنه ولد عمتي ماأعلمه عن أي شي يحصل في العائله ..

خلاصه الموضوع سارت مشكله أمس ..أبوي يستغل أمي ومايحترمها ولاعب عليها كأنها شغاله ..داخلي غضب شديد منه ..ودي أنتقم لامي لكن هو أبوي ووراي جنه ونار ..قلبي محروق عليها..!

وش أسوي من أمس مطنشه زوجي مو قادره أكون معاه ..!وبس أصرخ على ولدي ..!
ساعات أقول أتركيهم عيشي حياتك لين متى ؟! لكن أمي راح تفقد عقلها والله من الضغوط ..؟!

أنا تعبااانه وأخوي يأخذ أدويه عشان ينام وأكتشفت أمس أن أختي تأخذ أدوية أكتئاب بوصف الدكتور لكنها مخبيه عن أمي وأبوي وش الحل والله دمرونا ..!

من أمس صاحيه مو قادره أنام خايفه ع أمي حسيتها زي المجنونه أمس ..!

الله يصلح حالكم يا اختي ..
انتي الان بين نارين امك وابوك ..والله يستر من المستقبل ..
اختي كيف وضعكم مع الصلاة ...؟؟؟

الطلاق في وضع مثل هذا نعمه

شو المستفاد غير امراض وادويه واكتئاب .... ابوش من قبل يتعامل معاكم بهذي الطريقه ولا بعد زواجه تغير

__________________
وهل من مصير اخر ؟

طيب زوجك أيش دخله بالموضوع ماتكلميه ومطنشته ؟؟؟

أمك المفروض تعرف تحل مشكلتها مع أبوك بدون مايدخلوكم بينهم

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

أعانك الله واصلح حالكم
الحل عندك ينقسم لقسمين
الأول : عليكم أنتي وزوجك الانتقال من البيت عاجلا غير آجل و لابد أن تكون حياتك الخاصة مستقلة تماااما عن حياة أهلك ولا تخبري زوجك بشيء ولا تدخليه في مشاكلكم لكي لا تنتقل عدوى المشاكل بينكم في حياتك الخاصة , وتذكري حق زوجك عليك ولم يعاملك الا معاملة حسنة ولا علاقة له بما يفعله بعض الرجال ولو كان أبوك , ولا تزر وازرة وزر أخرى وخافي الله في زوجك .
الثاني : أنتي لا تستطيعين معالجة موضوع والديك لما لهم من حق عليك أولا ويجب احترامهما وبرهما مهما فعلوا وعليك طاعتهم في المعروف ولا تتسببي على نفسك بسخط الله بعقوق أحد والديك , لذلك عليك الطلب من عم لك وخال التدخل وعلاج المشكلة بأسرع وقت واذا لم يوجد عم فأقرب شخص للعائلة من جهة ابيك وكذلك الحال اذا لم يوجد خال .
اختي المشكلة التي بين والديك لا تجعليها تتمدد لتصل لمناطق أخرى لا علاقة لها بها كحياتك الخاصة ولا تسمحي لهذه المشكلة ان تفسد حياتك انتبهي , حتى مشكلة اختك واخيك هي مشاكل يجب أن تبقى في اطارها ولا نسمح لها بالتمدد لتفسد ماحولها .
وقبل هذا كله
الجئي الى الله بالدعاء والصدقة والتضرع والاستغفار وطلب العون ولن يخذلك سبحانه أبدا