السلام عليكم
الى اعضاء المنتدى اني في حيرة عظيمة واطلب منكم الحل
انا متزوجة من رجل مطلق ولدية 3 اطفال مع العلم اني مطلقة ايضا مضى على زواجي الآن شهران فقط
مشكلتي ان زوجي كان لة عشيقة يعشقها بجنون مند الطفولة وبعد سنين طويلة جدا افترقوا الان هو يعترف لي انة ل يستطيع نسينها تصورو وانا قاعدة وياة وهو بس يفكر فيها ويقول لو اتزوج الف وحدة ماراح احبها الان هي خدت الحب كلة احس اني ول شي با نسبة لة مع اني اربي اطفالة سؤالي هو هل في امل انة يحبني زيها؟

ان شاء الله في امل انج تنسينه اياها....ويجبج اكثر منها..

اولا عزيزتي عليج بالدعاء دائما....فالله سبحانه وتعالى قريب يجيب دعوة الداعي اذا دعاه

ثانيا لا تقصرين معاه بشي...من ناحيه الواجبات والزينه والاهتمام به وباطفاله...

تزيني له ودلعيه اعطيه من الحب الكثير والكثير...

ولا تنشغلين بكلامه او تهتمين يمكن هو يبي يفضفض وبس...وانتي بذكائج وحكمتج

تقدرين تاخذين مكانها في قلبه....نصيحتي لج عزيزتي...لا تزعلين او تنفعلين يوم بيقولج

هالكلام...خلي نفسج عاديه وصدقيني مره ومرتين وثلاث وعشر وبعدين بتلاحظين انه بدأ

يحبج وينساها....الله يفرج همج ويسعدج حبيبتي...

اختج........لمنـــي بشـــوق

أنتو لسا متزوجين من شهرين ومامداه يعرفك أكثر وأكثر.. مع العشرة رح يحبك مو زيها الا أكثر منها!!

بس انتي لاتهتمي بالموضوع انسيه وقومي بكل واجباتك وشوفي ايش يحب وسويه , وشاركيه بكل شي

عامليه بحب ودلع, تحدي حالك طلعي كل فنونك وسوي اللي تقدرين عليه.. رح تشوفي كيف بيغير تفكيره

لما يشوفك تربي أولاده ويشوفهم متعلقين فيك وقايمة بكل واجباتك ويشعر بحبك له ...

عزيزتي هيفاء بيدك تخليه ينسا الماضي ويعيش معك المستقبل اللي تتمنين ..

الله يوفقك بحياتك ...

أصبري وإحتسبي الاجر عند الله
وإذا جاب موضوعها قومي من مكانج وحسسيه إنه غلطان

اللة يا سلام هادي الردود ولا بلاش انا ارتحت واجد المشكلة انها عا شت ويا 3 سنوات تصورو ما كانو متزوجين تصورو في هدا مجتمعنا المسلمم زوجي يتيم الام ولاب وتربى في بيوت كثيرة ولا انا خايفة وتعبانة والغيرة دابحتني

لازم تحسسينه بضيقك..
قولي له على الأقل احترم مشاعري ولا تجيب سيرتها قدامي..
ولا تنقص من قيمتي..

مالك الا شهرين معاه مابعد تعود عليك ولاحبك

اكسبيه دلعيه خليه يتعلق فيييك ومايقدر يستغني عنك

ترى الرجل مثل الطفل.. وهو لأنه مارتاح مع الاولى تذكر اللي يحبها

بإذن الله راح تقدرين بس يبغالك تعب شوي

الله يسخره لك ويحنن قلبه عليك ومايشوف انسانة بهالدنيا غيرك

__________________
اللهم لك الحمد والشكر
"ولئن شكرتم لأزيدنكم"