السلام عليكم ورحمة الله وبركاته

اخواني واخواتي ارجوا اني القى عندكم النصيحه الصادقه

انا عندي صديقه تعرفت عليها من ست سنوات فيها تناقضات كثيره يعني الي يعرفها يشوفها متدينه وملتزمه وتعرف الله بس في نفس الوقت حسوده لابعد الحدود وتغتاب الناس وتطعن في اعراضهم بسهوله مثل شرب الماي وهالشي مضايقني منها واجد تحسد الناس على كل شي وبنفس الوقت تشوفون الاستغفار الدائم والسبحه دايما بيدها ودايما تسوي الخير وتحضر دروس دين وتختار صديقاتها بدقه لازم يكونون متدينات بس هي فيها العكس وغير الحسد فيها كره مش طبيعي اذا كرهت احد لدرجة انها تقول ان من كرهها لهذا الشخص حتى الدم اللي في عروقها يكرهه الصراحه انا اعرف الاشخاص اللي تكرهم والله انهم ناس واجد طيبين وفي حالهم وهي كثيرة الشكوى وكثيرة الهم والغم مافي مره اتصلت فيني الا واغتم منها هي مش متزوجه وكبرت في السن وهالشي مأثر عليها بس انا بديت اكره اكلمها ايش اسوي معاها


الصراحه معاي انا زينه وما شفت منها شي يضرني وبعدين انا من النوع الحريص اللي ما يتكلم عن خصوصياته مع اي احد ولا احاول اسأل عن خصوصيات الغير احس انه اريح للقلب والنفس بس هي تتكلم معاي من نفسها وعندها القدره تتكلم بالساعات بالتليفون بدون ما تتعب والصراحه بديت اعمل خطط عشان اهرب منها اخلي احد ينادي علي او ادق على جوالي واسمعها الرنه عشان تسكر

شورو علي اقطعها ولا اتواصل معاها عادي لاني متضايقه من الوضع معاها احس انها مريضه بس بنفس الوقت صرت لما اكلمها الكأبه اللي عندها تتنتقل لي شاسوي ارجوكم

اختي ان صديقتك مريضة بمرض الحسد
وليس من السهل السلامة منه
اما عن قولك انها ملتزمة فلا ادري ماذا تقصدين اتريد ان يجتمع فيها كل الأمور السيئة
لا اظن اتك تريدن هذا فكثرة استغفارها لعلها تكفر عن ذنوبها
وانصحك ان تتعاملي معها معاملة سطحية نوعاً ما .