السلام عليكم ورحمة الله وبركاته..
الله يفرج همي..
سبق ان كتبت مشكلتي قبل زواجي باسبوع حيث اتهمني زوجي باني غير عذراء بعد فض بكارتي بنفسه وحسبي الله ونعم الوكيل..
استخرت الله وتزوجته وفي نيتي ان اتمم الزواج امام الناس وانهيه باقرب فرصة..
اخذته وهو متزوج وبينه وبين زوجته مشاكل لاااااااااااتنتهي ولديه طفلين اكبرهما عمرها 5 سنوات..
انفصل عن زوجته بعد زواجنا لمدة شهرين مع انها كان ترسل لهاتفه مسجات برقم مجهول على انها فاعل خير يحذره مني وبالفاظ يخجل العاقل ان يتذكرها فكيف به يتلفظ بها..
ومع علمه انها هي عاد ليرجعها بعد شهرين من زواجنا ولم ترضى..
المصيبة الكبرى انه ذكر لي قبل الزواج وقبل عملته اياها انه كان متزوج مسيار في فترة ماكانت زوجته منفصلة عنه وقد انجبت له ابنا لم يحسبا له حسابا حيث ذكر لها الاطباء ان حملها نسبته ضعيفة عندما كانت متزوجة من شخص قبله ولكن شاء الله ان تحمل بمجرد دخوله عليها..اعترف اني كنت غبية صدقته عندما قال انها ماضي ولن تحسي بوجودها وهي في ذمتي من اجل ابني فقط وهي عند اهلها ليس بيني وبينها حياة..
المهم مضى على زواجي منه الآن 6 شهور كلما استخرت ان اطلب منه الطلاق اجد في نفسي ميولا له..فهو موافق لي في الطباع وطيب القلب وحنون وليس به طيش الشباب او ميولهم المراهقة ولم اسمع منه في حقي الا المدح والثناء امام اهله واهلي واعترافه بحبي..
في خلال الست شهور اعترف ان زواجه لم يكن مسيار وانها طلبت منه ان يعيدها شرط ان تتنازل عن جميع حقوقها وعادت واصبحت كل يوم او يومين تطالبه بليلتها او باغراض للمنزل او لابنها..
طبعا اهلي لم يعرفوا بامر هذا الزوجة نهااااائيا ولا ادري كيف اوصل لهم هذه المعلومة التي لابد انها ستهز صورته عندهم..
وزوجته ام اطفاله لاتترك فرصة في اهانتي واهانة اهلي الا وتستغلها امام اهله او امامه وعندما اطالبه باخذ حقي ورد اعتباري يقول انها تقوله وهي في منزل اهلها وليس في يدي ماافعله..اذا صارت في بيتي رديت عليها..
رجعت لبيتها يوم وفي نفس اليوم سبتني وضربها واليوم الثاني عادت لبيتها واخذ بخاطرها وقال اني ضربتها امام اطفالي لانها تلفظت بالكلام امامهم ولم املك نفسي وعاد وقال انتي السبب في اللي صار وهذه المشكلة واني ضربتها امام اطفالي..
وقبل عدة ايام مررنا من منزل اهلها نعيد اطفالها اليها بعد ان قضوا اليوم معنا واستمتعنا بيومنا العائلي وخرجت امام منزل اهلها وتفلت وتلفظت علي ولم يفعل شيئا سوى انه عاد الى السيارة مسرعا وقال لاتزعلي..
حتى عندما يتصل بها واكون بجواره ويقول اعطني اكلم اطفالي تسأله هل (....) هي بجوارك..ومابين القوسين سبة ويغير حديثها ولا يعلم اني سمعتها تقوله..
حتى جوالي ارسلت رسائل استفزاز تقول انه سيطلقني ولن اكون زوجة عمره وسيعود اليها والكثير من كلمات السب التي لم يفعل زوجي السبع شيئا حيالها سوى طلبه ان اتحمل وانه لايملك شيئا من اجل اطفاله لايريد اهانتها امامهم..
وكل هذه الفترة لم افعل شيئا لها لاني اثق ان زوجي سيرد عن كرامتي لو اهانتها امامه ولكني اكتشفت انه لايفعل شيئا بعد ان رأيت الموقف امامي امام منزلهم..
بعد للموقف انهزت كرامتي واردت ان اثبت اقوالها عني فاتصلت بها وشغلت جهاز التسجيل عرفت انها انا ولم تترك كلمة سب لم تقلها وقالت اعلم انك تسجلين يالملعونة وسكرت مني واتصلت بزوجي واتهمتني اني ازعجها واتصل بها واسكر واسجل كلامها واتصل زوجي وترجاني ان اتركها ومن بعدها اعتبرت موقفي تحدي لها وطلبت من زوجي ان ترجع له بعد ان كانت رافضة الرجوع الا بعد ان يطلقني او يطلقها..واصبحت تتصل به طول اليوم وتقول مشتاقة لك وانا مجهزة فراشك في منزل اهلي ومتزينة لك وتعال نام عندي وانا وقتها اكون في فترة دورة ولا اعلم ماذا تقول له ولكني ربي يلهمني ان اطلب منه ان نخرج سويا على نياتي ويصرفني ولكن يعود ويوافق ويخرج على مضض ويعترف لي بما قالت له بعد ان تحرق جواله بالاتصالات وطبعا يقول هالكلام ليبين لي انه انسان محبوب ومرغوب وجذاب..
واليوم جاء من العمل وقال انها اتصلت بي تقول عملت لك طبخة كذا تعال تغدى عندي وهي طبعا عند اهلها لم تعد الى منزلها الا 3 ايام منذ شهر وزيادة..
وجا قال لااشتهي غدا..
بعدها ناداني وقال لي تروحين لاهلك اليوم؟قلت ليش وش برنامجك؟قال اليوم عندي اجتماع عائلي مع زوجتي واطفالي قلت الله يوفقكم..وبعدها قال صبي لي شاهي ونام في الصالة وانا توني بادية اسولف له ولا حتى ذاق بيالته مع انه اول مادخل قال ابي شاهي..ولما رحت عنه وتركته في الصالة قام وشرب بيالته ودخل ينام كن اللي امامه جدار ليس زوجته التي من الصباح في المطبخ تطبخ له وتتزين له وترتب البيت له..
ونام عبى راسه نووووووووووم مع انه كل يوم ماينام ويمسك نفسه علشان ينام بدري وهو طالع خذ دفتر العايلة معه وشكيت انه بيروح معها فندق..مع التذكير اني في فترة الدورة!!
وداني لبيت اهلي وبالطريق سألته انا قد سويت لك شي او قصرت معك بشي؟قال لا..
نزلت لبيت اهلي وارسلت له مسج كتبت فيها الله يسامحك وحسبي الله ونعم الوكيل..
انا ادري اني ماقصرت معه بشي وحتى مااثقل عليه بالاغراض ولا رحت السوق من تزوجت الا يمكن مرة او مرتين علشان مااثقل عليه مع اني موظفه وراتبي ضعف راتبه بس اني مسلمة له الامور يصرفها حسب مايشوف ويعلمني بكل شي يسويه..لكن الظاهر مايستاهل ..وراجع يتصل علي بعد ساعتين يقول انا وش قصرت معك علشان تقولين الله يسامحك وتتحسبين علي؟قلت حاسب نفسك بنفسك وسكرت بعد ماقال لي الله يسامح الجميع!!
افكر اني انفصل عنه واخاف اني اكون متسرعة وبهالشي اكون وصلت زوجته الاولى لهدفها..
حتى هو طالع ينبسط معها ومع عياله ومتى مابغى جاب عياله ومتى مابغى جاب معنا لمشوارنا ولا عمري قلت له ليش ولا نبي نصير لحالنا والحين صار اجتماعه مع عياله وامهم؟؟!!
ويقول لي لاتزعلين انتي السبب انتي اللي اتصلتي عليها وكبرتيها براسها والحين تقول مابي شي بس برجع علشان تبي تقهرك وانتي السبب انتي اللي خليتيها تتنازل وترجع!!!
ادري طولت عليكم سامحوني بس مقهورة ومحتارة..
الله يفرج الهم وحسبي الله ونعم الوكيل..
تحملت الاهانات ولا قلت لاهلي كلمة من اللي اتحمله لحالي علشان لايتأثرون ولا تتأثر صورته بعيونهم ولا تكبر..
مع اني عمري ماسمعت ربع هالكلام؟؟!!
الحمد لله كنت طالبة متفوقة والحين ناجحة بعملي ومميزة وهذي حياتي اعرضها لكم..
هل انا السبب باللي انا فيه؟هل طيبتي هي السبب؟؟
تغاضيت عن اشياء كثيرة واحتسبت الاجر ورضيت بعياله وحبيتهم وحبوني وحتى لما سافرنا اجبرني ياخذ بنته معنا مع اني عارضت بس بالاخير وافقت بعد ماوعدني انها متأثر على وناستنا..
سلمته القفل والمفتاح وخليته يتصرف براتبي بعد مايستأذني ولا اطلع ولا اروح ولا ازور الا نااااااااااااادر ولا اطلع زواجات ولا اتمشى بسوق ولا اتمشى الا بالسيارة+كوب كباتشينو وقلت معليه اهم شي نكون سوا..
وهاذي جزاتي..صرت انا السبب؟؟؟؟
ادعوا لي يااخواني وسامحوني عالاطالة واتمنى انكم تستفيدون من قصتي....
21-09-2006, 09:02 PM
ضوابط المشاركة
العرض العادي
