السلام عليكم ورحمة الله وبركاته ..

صـبــاح الخـيــر ,,

أخواني واخواتي .. عساكم بخير ..

تكفون الي يقدر يسااعدنو بنصايحه وتوجيهاته ..
والله لايخذلكم ..


أنــاا تخرجت من الثانوي ..
وبدخل الجامعه إن شاء الله الترم الثاني ..

بس محتاره وش ادخل ..
تـاريــخ ..
أو ..
رســم ..

أنــا أحب التاريخ ..
وأموت ع الرسم ..

بس وأنا بالثاانووي ..
حبيت أدخل رسم ..
بس الأبله ماخلتني ..
مع اني كنت ايام المتوسط أطلع من المثالين في الرسم ..
ورسوماتي كلها تتعلق في معرض المدرسه ..
وكنت أشارك بمعرض شركه آرامكو طبعا ً لأني بمدرسه أرامكو ..
بس لأني كنت مرجوجه الأبله ماخلتي أدخل عندها ..
مع أني والله كنت وقت الجد جد ..
بس والله حطمتني ..
حسستني إني مااعرف ارسم ..
لأنها كانت تفضل بنات عن بناات ..

أنا من يومها دخلت طبخ وبعدت عن الرسم ..
والحين يوم تخرجت ..
سارلنا إنقلاب بحياتنا ..
مــادي ..
وحول حياتنا وقلبها رأسا ً على عقب ..
تعبنا كثير السنه الي طافت ..
بابا سافر عنا للعمل ..
ماما وكلنا متأثرين ..
هالشي أثر علي بزياده ..
التغير المفاجئ ..
البيت الي كنا ساكنين فيه ..
المكــان .. المدارس ..
كل شي تغير علينا ..
تعبت كثير ..
وتغيرت حالتي النفسيه ..
سارت سيئه جدا ً ..
ونتيجتها ..
جبت نسبه في الثانوي 76 ..
هالشي أحبطني وحطمني ..
كنت آمل أجيب زي أختي 96 ..
لكن طلع العكس ..

عاد نتيجه هالنسبه الخايسه ..
قلت مابي أدخل الجامعه .
وأقول إني ماودي أكمل وأنا العكس ..
بس مابي أحد يقول تبي تكمل وجايبه هالنسبه ..
وكنت دايم أتطنز على نسبتي ..
وأبين إنه عــاادي ..
وأنا بموت من الألم ..

وبعد مابدت الدراسه ..
تعبت زياده ..
وقال بابا خلاص تدخلين الترم الثاني ..
وخلاص إن شاء الله بدخل ..

وكله أقول إني ماودي أدخل بس مجبوره ..
وامام وبابا يقول حنا مانجبرك براحتك .
وأنا أحطها عليهم ..
علشان ماي أحد يضحك علي ..

عاد انا قلت بدخل تاريخ ..
بس ماما تعرف إني أحب لارسم من صغري ..
بس لأني بعدت عنه وكلام أبلتي ..
قلت لا ..
مع اني عكس كذا ..

مدري شسوي ..

ودري أتعلم رسم أكثر ..
وودي أدرس تاريخ ..
لأن بابا عجبه كثير التاريخ ..

وكل محد يسألني عن الرسم ..
أقول ماعرف أ{سم بس كنت زمان أرسم ..
رسمواتي وكراساتي أخبيها وما أوريها أحد ..

مع أن رسمي زين ..

وكل الكتب الي عندي عن الرسم أخبيهم ..
وأقول لماما ..
ما أحبها برميها ..
بس عشان ماتقول لأحد إني أحب لارسم .
لأني ما حب أوري رسمواتي أحد ..

بذات بنت خالتي لأنها تحب الرسم ..
وأحسها بتقول أن رسمها أحلى من رسمي ..
مع إني أشوف العكس ..
أنا عندي معلومات أوسع ..
بس أحس نظراتها تحسسني كذا ..

مدري شسوي ..
مالي غيركم ..

والله العظيم ..
ماقد تكلمت عن الي بنفسي لأأحد غير هنا ..
لا لأحد أخواني ولا لأختي ولا ماما ولا بابا ..

نكفون ساعدوني مالي غيركم ..

الله لايخيبكم ولا يخذلكم ..

استخيري هذا احسن شئ واللي ترتاحين له ادخليه ولااااااااااا تفكرين كذا وخلي ثقتك بنفسك كبييييييييييره

احس التاريخ أحسن انك كنتي تحبين التاريخ وبالنسبة للرسم فممكن في وقت الفراغ أو الصيف تروحين دورات صيفية وتتعلمين الرسم بأنواعه
وبكذا كسبتي الاثنين

__________________

أنا بنت مش ولد

يعطيكم الف عافيه

ومشكورين ماقصرتوو

اول شئ حبيبتي استخيري الله بالنسبه لموضوع التخصص

ثانيا لازم عزيزتي تكون ثقتك بنفسك كبيره من كلامك حسيت انك تملكين مهاره ولكن بيدك تقتلينها


الله يوفقك يارب

اختك يالله جينز

__________________

مشكوووره حبيبتي ..

‘ن شاء الله بستخير ..

يعطيك الف عافيه ..

رفعتي من معنوياتي يالغلااا ..

استخيري

واذا ملتي للتاريخ

لا تنسين الرسم
مارسي هوايتك في الرسم
لان الهوايه اذا ما نميتيها اندثرت

وما عليك من كلام معلمتك
اكثر المعلمات كذا الله يهديهم
ماهم تربويين ابدا
يهبطون الطالبات بشكل فظيع

انا مر علي مثل مدرستك
كانت عندي معلمه للنحو من اكبر المهبطات لمعنويات الطالبات

كنت امووت في شي اسمه نحو وشاطره مره ودرجاتي في الاختبار كامله

وهي دايما لما تعد الطالبات الكسولات على طول تعدني معهم
بدون ما تناظر في درجاتي في الاختبار وهبطتني صراحه في السنه هذي


لكن لما انتقلت للمرحله الثانويه
درستني مدرسه عسسسسسل
ورفعت معنوياتي
وحببتني في الماده اكثر واكثر
والحمد لله الى ان تخرجت وانا في النحو
دايما ممتاز

طولت عليك(ذكرتني بالذي مضى)

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

أهلييييين حلم غافي

ماأدري ليه حسيت بسطورك إنك مقللة من نفسك كثيييير ؟!!

ليييه ياقلبي كذا ؟ نفسك وراحة بالك ألزم ماعليك لازم ترفعين من نفسك وتقدرين كل المواهب اللي فيك

ومو صحيح إنه اللي يجيب نسبة عالية هو اللي يدخل القسم الحلو واللي ماربي كتب له يجيب نسبة كويسه

يحرم نفسه ويقلل من ذاته علشان إنه يخاف من اسألة الناس أو نظرتهم !!

شوفي ياقلبي إنتي أهم شي لازم تعززين ثقتك بنفسك من نفسك إنت ِ ولا تنتظرين أحد يبحث لك عن راحتك !

بيدك إنت ِ تكونين أفضل شي ، نصيحتي لك أول شي تستخيرين ربك وتصلين ركعتين وتدعين ربي

يكتب لك اللي فيه الخير ، وثانيا ً : لا تفتحين هذا الموضوع مع أي أحد حتى أهلك وخليك واثقة من نفسك

وإختيارك وصدقيني لما تروحين للجامعة راح تتغير فيك أشياء كثيرة وخاصة اللي تتعلق بسالفة النسب

لأنه الجامعة عكس أيام الثانوية ومو شرط اللي كان شاطر بالثانوية إنه بيكون شاطر بالجامعة

أو حتى العكس ، ياما ناس أعرفهم أثبتوا نفسهم بالجامعة وصاروا ناس ثانيييين وكانوا بالثانوية

ينجحون بالدف ، علشان كذا أقولك بنفسك إنت ِ تقدرين تحددين لنفسك كل شي

خليييك قوية بالله ومافيه أحد لجأ لله بالدعاء إلا ودله على الخير

بالتووووفيق لك حلم

أبعطيك الحل وان شاءالله بتدعيلي : إياكي والتفكير بالماضي فهو جنون وافتحي صفحة جديدة للمستقبل واستخيري الله تعالى وأكثري من الدعاء ومثل ماقالته أم خالد والله يوفقنا واياك