http://www.66n.com/forums/showthread.php?t=104942

هذه قصتي في طرحي الاول


والان اخبركم باخر التطورات


انا تعبت كثير من زوجي فاخبرت اهلي ان ينصحونه في كل تلك الامور ماعدا النظافة لانها احراج لم اخبرهم بها ... المهم اتا زوجي مكابرا وانه لايفعل الا كل خير بي ...والصلاة قال هي لا تصحيني للصلاة وواجب الزوجة ان تصحيه والله يااخوان انه لو همه صلاته كان قالي يافلانه صحيني او ما حط تلفونه صامت لما انا اضبط الساعة عليه

المهم انا اصريت على الطلاق ..... وجلست في بيت اهلي

واتاني الخبركالصاعقة .............. زوجي يشكك في نزاهتي وشرفي ..... هذا ما اخبر به اهله اهلي وقال اذا تبي ترجع ترجع بشروطي والا فتخلعني وانا لن اطلق ... يعني هو ما يبغي يطلق عشان مايخسر فلوسه الى خسرهن في الزواج ... لكن انا اخلعه وادفع له الفلوس الى دفعها

انا انصدمت ان زوجي هو من يظهر عني هذا الكلام السيئ

وبعدين خلاص قررت اني اخلعه وجلست احسب كم معي من مبلغ في البنك .............. وبعدين قلت بسوي فحص دم للحمل لاني سويت فحص بول وطلع اني مو حامل فحمدت ربي لكن لما تأخرت الدورة قلت لازم اتأكد بفحص الدم ....




وكنت مترددة في الطلاق فدعيت ربي وانا انتظر النتيجة
المهم بعد ساعة ظهرت النتيجة باني

حامــــــــــــــــــــــــــل

والان بدون ادنى شك لازم ارجع له

لكن كيف ارجع الى ذلك البيت وقد قالوا عني كلاما سيئا ومارحمني كبير او صغير

وكيف اعيش جسد بلا روح

لكن الله موجود وبياخذلي حقي منهم

اخر شي كنت اتصوره هذا والله

المهم انا لما ارجع شو اقول لاهل زوجي

مب عارفه ارتب كلامي -------------- اريده كلام قاسي



وثاني شي ابغيكم تدعولي الله يسهل اموري ويفرج كربتي وهمي وغمي


وابغاكم تدعون على من لعب بسمعتي

الدعاءارجوكم