تحياتي للجميع



حبيت اخذ رايكم في موقف يتكرر معاي تقريبا يوميا


في الشغل او في اي تجمع للاهل والصديقات



انا الحمدلله على الرغم من( الظروف اللي مريت فيها) اللا اني جدام الناس بشوشة جدا ومرحة ومقبلة على الحياة

لان هذا جزء من شخصيتي . وعندي شغلي وحياتي الاجتماعية. طيب وين المشكلة ؟؟؟


المشكلة الاسطوانة اللي اسمعها يوميا وما عدت استحمل اكثر


حرام والله تتطلقين

لرجال عميان


اانشاءالله بتزوجين

ماعندج اخبار اتفرح

وغيره كثير وهالعبارات معها نظرات تعاطف تقتلني !!!

ورد فعلي دايما اسكت واحس بخجل شديد وما عرف شاقول ؟؟


يعني لازم ايذكروني بحالي طول الوقت والله مليت


كأن مكتوب على جبيني باموت اذا ماتزوجت

__________________




لم يخلق الدمع لامريء عبثا

الله اعلم بلوعة الحزن