السلا عليكم و رحمة الله و بركاته
اخواني و اخواتي انا عندي سؤال

انا أسقطت جنيني قبل سنه وعملت عملية تنظيف و للحين ما حصل حمل كما تعرفون انا عندي هرمون الحليب مرتفع شوي والحين عطتني الدكتورة حبوب علشان ينخفض قبل ثلاث ايام و اليوم الدكتورة عملت لي اشعه علشان تشوف حجم البويضات و متى تكون فترة التبويض قبل ثلاث ايام كانت حجم البويضات بين 7 الى 10 واليوم الحجم 14 وقالت لي اروح لها بعد 3 ايام وانشاء الله راح يكون يوم التبويض وتكون حجمها 18 وهذا هو الحجم المطلوب و تنفجر البويضه و تطلع هي اكدت لي ان التبويض عندي سليم و ممتاز جداً (اعتماداً على انه حملت من قبل )
المشكله مو هنا المشكله في انه لو ما حصل حمل تقول انه في احتمال لو انه ما حصل حمل ان اثناء عملية التنظيف حصل انسداد للقناة اللي تخرج منها البويضه وهذا راح نعرفه الشهر الجاي لو ما حصل حمل راح تعمل اشعه صبغيه
سألتها لو لا سمح الله وحصل فيه انسداد كيف راح يكون العلاج (عمليه جراحيه , حبوب ,,,,الخ) ايش بالضبط ..؟؟
قالت لي لا تفكرين في الموضوع انا عطيتك مجرد احتمال وانشاء الله ما يكون صحيح واذا كان صحيح راح نتكلم في الموضوع بعدين ..

و انا من طلعت من الدكتورة و الوسواس و الأفكار توديني و تجيبني ..!!
ابي اعرف كيف العلاج لو كانت الأنابيب مسدودة ..؟؟
هل هو صعب او سهل .؟
وهل علاجه اكيد او فيه ناس الأنابيب تضل مسدودة عندهم على طول

ارجوكم جاوبوني قربت اجن من التفكير


و ادعوا لي بالذرية الصالحه ولجميع المؤمنين و المؤمنات