خاص للمتأخرت الزواج... - منتدى عالم الأسرة والمجتمع

المطلقات والأرامل والمتأخرات يعتني بالمطلقات والأرامل والمتأخرات عن الزواج

مشاهدة نتائج الإستطلاع: ما هو العمر المتعارف عليه في مجتمعك الذي يبدأ من عنده أن تكون الفتاة متاخرة بالزواج؟

21 فما فوق

2.17%

23 فما فوق

13.04%

26 فما فوق

56.52%

30 فما فوق

26.09%

غير ذلك - مع ذكر العمر المتعارف عليه في ردك

2.17%

المصوتون: 46. أنت لم تصوت في هذا الإستطلاع

09-12-2006, 02:19 PM

ملَك شادي

عضو متألق

تاريخ التسجيل: May 2006

المشاركات: 6,393

خاص للمتأخرت الزواج...

السلام عليكم اخواتي
كيفكم وكيف هالحياة معكم؟؟؟

وكيف المعنويات؟خلوها فوق دايما

وتاكدو

وامنوا

ان
(((قل لن يصيبنا إلا ماكتب الله لنا)))

المهم حقيقة انا مابحب اسمي الي ماتزوجو بعوانس

بحسها كلمة مش حلوة

وفيها نوع من النبذ الاجتماعي

مابعرف

بس ماااااااااااااتعجبني بالمرة

تستفزني

يعني بحسها كانو هالبنات الي ما اجا نصيبهم لسة كانهم مناحيس يعني او مشؤومين

هيك كلمة توحي بالعقد النفسية

لانو مابشوف حدة بيحكي عانس عن وحدة

الا وهوة متدايق ومش عاجبو

يعني كانو البنت الي ماتزوجت

مسكينة وحالتها مش نافعة

فهالاشي غلط

احسن شي الي ماتزوجت تسمي حالها(متاخرة بالزواج) وبس

شويعني عانس بالله؟

الكلمة من حيث انها كلمة لاذنب لها

الذنب للمجتمع الي خلاها كلمة بشعة توحي بالحزن والوحدة

لهيك خلو الكلام كلو عن المتاخرت بالزواج

...

الله يسعدكو جميعا

المهم اخواتي الحبيبات مابعرف ازا انتو متدايقين من وجودي بينكو

يمكن بتقولو هاي جاي تتفلسف

شوعليها مخطوبة ومتزوجة وضامنة مستقبلها

خايفة تكونو مش عاجبكم اشارككو همومكو واحزانكو

معقولة؟

احكولي صراحة رايكو

انااليوم فجاة تسائلت

هلأ كل مجتمع فيه متاخرات زواج اكيد

وهالاشي عادي نصيب من الله

ولعلو خير

لكن الي بتسائل عنو

كم هوة العمر الي من عندو و فوق تعتبر البنت متاخرة زواج؟؟؟

بدي اشوف كيف المجتمعات بشكل عام هل كلها تتشابه؟

مثلا انا في ارض الرباط

زماااااااااااان قبل الهجرة اي قبل ال1948

كانت البنات تتزوجو عال12 ويعني الي عمرها 18 خلص راحت بخبر كان

اما هلأ تغير كل اشي والناس لما وحدة عمرها15و16تكون زواج مبكر جدا

تقريبا الان ببدوا يتسائلو عن هالبنت ليش ماتزوجت يعني يعتبروها متاخرة

لمايصير عمرها 26 تقريبا ببدو يعتبرها متاخرة

بس يعني بكون فيه لسة مجال لعند ال28 وال29

بعد ال30 للاسف خلص بعتبروها راحت عليها

وانو بيحكو(ييييه الحزينة ليش ماتزوجت لهلأ مسكينة)!!!!!!!!!!

انتو يابنات بالمجتمع الخليجي والمصري والمغربي ووووو

ماهو هالسن الي من عندو يتاخر الزواج؟؟؟

جاوبو عالاستبيان واحكو رايكو فية وبموضوعي

مع حبي

هناك طلب الي ماتخجل منو تعملو

اذكرولي اعماركو بالله لانو صراحة بحس فيه بنات عمرهم21و22وبيسمو حالهم عوانس

الي مابتحب وحابة تحتفظ بالعمر لنفسها

ماراح ازعل منها

ولها حرية الاختيار

ولو طلبي غبي

سااااااااامحوني

ويارب ياالهي يرزقكو كلكو بازواج صالحين زي ماتتمنى يقرو اعينكم وتسعدو معهم لاخر العمر سعادة مابعدها سعادة

يارب الله يوفقكو يارب

__________________

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه