مهمومة وعزت علي نفسي
اولا حبيت احكي انها اول مرة بفضفض يعني كنت اكتفي بقراءة مشاكل الاعضاء ومحاولة الاستفادة من المواضيع والمشاكل المشابهه
بس ما بعرف حاسه اني مهمومة كتيير
باختصار انا زوجي من النوعية البخيل عاطفيا يعني انا بصراحة جربت كل الاقتراحات المكتوبة في المنتدى لناس تانيين مشكلتهم زي مشكلتي بس ما نفع
جربت الزعل البكاء زيادة الاهتمام بزوجي الترتيب والناقة والكلام الحلو وكلو بلا نتيجة
مليت من الخرس الزوجي والجمود حتى واحنا مع بعض لحالنا
باختصار مشكلتي من اول ما تزوجت اني بحس جوزي مو فرحان في مع اني ولله الحمد جميلة متدينة بنت عائلة مرموقة
بشتغل وبساعد زوجي ما بتذمر بس انا بالعايلة كتيير محبوبة لدرجة انو مرة بقعدة قدام جوزي مرة عم زوجي حكتلو قدام كتير ناس بصراحة يا ابو........... انت كتير محظوظ بالعيلة بس انا بلاحظ انو كل اخوانه الباقيين بيدلعو زوجاتهم وبيهتمولهم غير زوجي عندو كل اشي تاني اهم مني
انا بصرلحة اكتر من مرة فاتحتو بالهموضوع بس هو مش معترف وبيحكيلي انا بتصرف عادي انت الحساسة
عمركو شفتو انو عريس ما بيحكي ولا كلمة حب لعروستو ولا بيمسك ايدها حتى
لا يروح فكركم لبعيد فانا زوجي تزوجني عن حب فانا كنت زميلتو وكنت الاحظ نظراتو من بعيد بصراحة ما عمرنا حكينا مع بعض بالشغل ولكن كان المشاعر واضحة عليه كتيير وكل صاحباتي كانوا ملاحظين
طبعا المشكلة هلا اني انا كتير حساسة وكتير رومانسية وجوزي عادي جدا اذا انا حكيت كلام حب بيرد ( وانا كمان )
اذا سالتو شو رايك بتسريحتي بيرد حلوة ........................ وهكذا
جربت الطرق الواردة في المنتدى متل كيفية استخراج عبارات الحب من الزوج بس كانت كلها لحظية وبعدين بترجع ريما
بس المشكلة الاخيرة اللي صارت بيني وبين زوجي حسستني اني قديش رخيصة عند زوجي وقديش مشعري مش مهمة عندو
شو اللي صار وانا في الشغل مداومة كافية خيري شري اتصلت اختو ومن اول الاتصال وهات يا انتقاد
شو وينك وين ما بسالي ما الك اخت زوج تسالي عنها
فانا جاوبتها باسلوب بريء جدا والله يا فلانة الشغل انت بتعرفي اني بخلص على الساعة 4 بعدين بوصل البيت بدرس بنتي وبنفس الوقت بطبخ وبعد هيك بهتم بالتوام ( عمرهم الله يحفظهم 6 اشهر ) وهيك لما يخلص اليوم والله حتى اني ما شفت اهلي صارلي 3 اسابيع
وهمو حصلت الطامة بلشت تصرخ باسلوب كلو استهزاء
اذا مو عاجبك الشغل بطلي و,,,,,,,,,,,,,,,, بالبيت ما حد طالب منك ااشغل ( مع العلم ان شغلي مهم كتير لانو وضعنا المادي والحمدلله بسيط وصعب جدا ما اشارك بمصروف البيت )
بعدين بلشت تحكي وتحكي واخرها شو بتحكيلي ما تفكري حالك بتعملي اشي واذا بتفكري حالك لما عزمتينا 3 مرات برمضان انك عاملة اشي كتير فانت غلطانة ................................... واخر المكالمة انهتها بمزح يعني شو بتمزح
مع العلم انو سلفاتي ما بيعملوا اشي بالعكس همو بيروحوا بينعزموا عند اهل زوجي
طبعا انا سمعت الحكي مرضت وحكيت لزوجي ............................ لا تعليق
تاني يوم راح عند اهلوا علشان يعرف اذا انهم زعلانين واختو حكت هالكلام كتعبير عن زعلهم وطبعا هو ما فاتحهم بالموضوع استنا لما اخت زوجي حكتلوا يا حرام مزحت مزحة قوية شوي مع مرتك
ضحك وانتهى الموضو لا عتاب ولا تعليق مع انو الحكي لو صار مع اي ناس تاني من سلفاتي كان انرد اعتبارهم
المهم لما روح زوجي حكالي ليش زعلانة ما اختي كانت تمزح
طبعا انا مخي طار وصرت ابكي واحكيلوا ( بصوت عالي ) انهم عتبانين علي لازم هم اللي شايلينمعي خصوصا انو عندي توأم وما حد بيساعدني
طبعا انعكس الموضوع وصار هو الزعلان ليش اعلي صوتي
وصارلوا 10 ايام ما بيحكي معي وبيني وبينكم انا دائما بنهي المشكلة صراحة ما بتحمل جو النكد بس عازه علي نفسي يعني فوق ما اتبهدلت كمان اتعاقب والله حرام
ارجوكم دلوني كيف اخلي قلب زوجي علي
وكيف اقلل قساوتو
09-12-2006, 02:04 PM
ضوابط المشاركة
العرض الشجري