دخيلكم ساعدوني مشكلتني مع ام زووووووووووجي أخ زوجي ريال طيب بس مشكلته عصبي وبما انه اكبر ولد واول ولد معرس فهيه تغاااااااار مني بشكل عجيب لعنبو لو عديلتها ماسوت فيني هالشي وانا تعبت من كثر المشاكل اللي تسويهن كل يوم ومخترعه مشكله خبروني شو اسوي وياها كل حركه محسووووبه عليه وكل كلمة اقولها محسوبة شو اسوي الدنيا ضاقت فيني ومن عرسنا ما كملنا إلا7 شهور دخيلكم دلوني شو اسوي

الله يعينك ياختي بس هدا نصيبك ان ام زوجك كذة
انتي حاولي تخففي الاحتكاك معاها اما بالنسبه لزوجك لاتحاولي لان هذي في الاخير امه حتى لو كانت اكبر شريرة

الله يعينك

اختك ام مجيد

دلوعه شوفي انتي حاولي انك تتنازلين وتظغطين على نفسك شويه
وخففي الاحتكاك معاها بقد ماتقدرين
ترا وحده من صحباتي تطلقت بعد سنه من سبة هالسبب جعله مو فال لك
انتبهي وتجاهليها ودعي ربي ان الله يسخرلك
الله يفرج عليك !

اختي الفاضله هالشغله اللي تمرين فيها تمر فيها بنات كثير

بس الاهم والمهم انه زوجج يكون عارف الوضع ولازم تبينين له وتفهمينه وهم لازم تقولين له شي طبيعي هذا لانه امك تغار مني عليك وماتنلام وحاولي تسمعين من اذن وتطلعين الكلام من اذنج الثانيه والاهم انه زوجج يكون راضي عنج وعارف انه ماتسوين شي غلط يعني لازم يكون زوجج واثق فيج وماتهمه سوالف امه

ولاتنسين هذي امه مهما سوت وشنو بتسوي بالاخير امه مايقدر يرفع صوته عليها او يزعلها عشانج


والله يعينج اختي الفاضله وانشالله مالج غير الاجر

وكما قال تعالى (فإن مع العسر يسرا إن مع العسر يسرا ) الايه

شتسوين بعد هذا نصيبك
بس يقول المثل البعيد لذيذ ........ ابتعدعي عنها
سكنو لوحدكم احسن لكم


الله يعينك اختي

السلام عليكم ورحمه الله وبركاته


اختى لاتنسى انك خطفتى ولدها معليش على هادى الكلمه ومعليش اتحملى غيرتها وحاولى تمتصى غضبها بلكلام الحلو بطيبه بتطنيش حاولى

لاكنى خلى زوجك على علم بكل شى
قوليليه انا جالسه افضفضلك مو اشتكى لك انا احب امك مثل امى وو و و

حاولى والله معاك

الله يعطيك العافيه

لك فائق احترامى

الله يعينج حبيبتي

أنا متأكده من تقديرك واحترامك لها ولكن أود أن أخبرك بأمر مهم وأنتي قلته من نفسك وهو أنه الابن البكر لها ومن الطبيعي أن تغار الأم كون ابنها قد أصبح له حياته الخاصه وهناك أنثى أخرى تشاركها في حبه لذا ما عليكي حبيبتي سوى محاولة التخفيف من الاحتكاك فيما بينكما يعني فالتكن معاملتك لها معامله طيبه لأقصى الحدود حتى وإن قابلتكي بالجفاء فبالكلمه الطيبه أنتي قادرة على كسب القلوب حتى وإن لم يظهر أثرها بسرعه ولكن على المدى البعيد بإذن الله انتي الرابحه قومي بعمل حلوى أو أي شيء من صنع يدك وقدميه لها دائماً قومي بإحضار الهدايا لها وقولي لها عندما كنت في السوق لفت نظري هذا الثوب وقلت لا بد أن أحضره لكي لا تشكي لزوجك من سوء معاملة والدته أو تتذمري منها أمامه لأنه مهما حصل فهي والدته ولن يقف بصفك ضدها ودائماً حثيه على بر والدته بالرغم من معاملتها السيئه لكي لأن هذا سيترك أثر طيب في نفس زوجك ويراعيكي نظراً لطيبتك وقلة تذمرك

أسأل الله لكي التوفيق والحياة السعيدة يا عروس وان شاء الله هذه فترة مؤقتة نظراً لحداثة زواجكما

__________________

تسلموون لي كلكم واشكركم على هالردود اللي اعطتني الحلول اللي مفتقتنها
ولا عدمتكم

السلام عليكم ...

اختي الغالية .. لا ازيد على ما قالته الاخوات واشد على كلام الاخت ماء القمر .. لا تحاولي تشتكي لزوجك من امه حتى لا تحدث مشكلة انت في غنى عنها.. مثلا امه تشتكي منك وانت تشتكي لزوجك فيضيع هو بينكما ..

ولكن فضفضي له براحتك ووفري له الراحة والجو النفسي ودائما امدحي امه واثني عليها حتى يفهم انك تتقلبين تصرفاتها بصدر رحب ولتكبري انت في عينه ..

وحاولي بين فترة واخرى تهدينها هدية حلوة او تاخذيها معك في طلعة خاصة فيك وفيها او تساعديها في اعمال البيت او تفتحي موضوع تتكلمي فيه معاها .. ولا تنسي ان الله لا يضيع اجر المحسنين.. وانك بارة بها باذن الله ..

وفقك الله ..

أم حمزة

اسمعي انتي اهتمي بزوجج من كل النواحي ولا تقصرين عليه باي شي
واذا حماتج ضايقت بج لاتشتكين له بالعكس حسسيه بضيقتج اذا قال لج شفيج قوليله ماشي واذا اصر خبريه ان السبب امه بس ابدا لاتبدئين بالتشكي عنده لانه بهالشي بيمل منج ومن امه وهالشي ينعكس سلبا عليج

الموهم.....

اما عن حماتج طنشيها كل التطنيش وتنغيزاتها اللي تذبحج ابلعيها حتى لوكانت مثل السكين وصدقيني بتمل اذا مو اليوم بعد سنه واذا مو بعد سنه بعد 10 سنين وخلج طيبه


اما اذا استمر الامر .حاولي انج تستقلين بحياتج مع زوجج واقنعيه انج مو مرتاحه ابدا ابدا ابدا

اتمنى ان الله يفك ازمتج...... وازمة جميع المسلمين