السلام عليكم ورحمة الله وبركاته
كتبت لكم قبل عن مشكلتي مع خطيبي وكل اللي رد على نصحني أتركه, وطبعا انا بعد الإستخاره والدعاء نفرت أكثر وأكثر وقلت لهم ماريده المهم وايد أمور حصلت بلخصها لكم:
بعد إمتحاناتي (الثلاثاء اللي طاف) رجعت البيت وسلمت على أمي وكلمتني عااادي (كانت مخاصمتني)وشاورتني قالت تبينه الرجال قلت لها لأ وإنت تعرفي ليش قالت معاج كل الحق هالناس مايعرفوا الإلتزام ودام أولها جي الله يستر من تاليها وتقول انا أصلا ماكنت مصدقه وكنت دايما أقول ببالي معقوله واحد ماعنده الإبتدائيه وياهل ياخذ مهندستي (على انا)
وكلمنا حد يوصلهم هالخبر (إني ماريده ويجي يطلق وياخذ مهره) طبعا هو إنصعق من الخبر, وعلى فكره إخته وأمه هن صاحبات قراره العظيم (ماشي عرس بس عشا وياخذ حرمته وبسسس) طبعا هو رد بسويلها كل اللي تباه عرس كاااااامل بالقاعه أو خيم مثل ماتبا وفستان وكوشه كلللللل اللي تريده <<<<< سبحان الله مايسون الشي بالطيب
بس نحن قلنا خلاص مالنا نصيب مع بعض<<< يعني أصرينا على الموقف
وماخبركم كيف كان شعوري وكاني إسترديت حياتي مره ثانيه وجهي نور وعلى طول مبتسمه وأفكر في تخرجي (اللي مافرحت به) وبالوظيفه وبمستقبلي يعني رديت أحلم وأكون طموحه
طيب وين المشكله:
طبعا أمي تناقش كل أموري مع إختى يعني انا نمت إمبارح على أساس إنا إتفقنا خلاص ماشي زواج بس إمي سهرة مع إختى وطوووووووول الليل يتناقشوا بموضوعي ((((دايما أمي تناقش أموري انا مع إختى الكبيره وتحط أسباب ومسببات ونتايج وكل شي وانا مالي شور حتى لو زعلانه مني تشتكي لإختي ويتناقشوا في سبب عصياني لها <<<< سبحان الله ))))
وبالصبح كان قرارهم إن هالزواج لازم يتم وطلبوا من (زوجي يحضر البيت) عشان يتفقوا معاه وطبعا هو ماصدق حضر ومادري شو صار بينهم
انا طبعا إنقهررررررت وظليت أقرا قران وأبكي وأبكي وأبكي في حياتي مابكيت مثل اليوم, وطبعا أمي ولاكلفت خاطرها تكلمني أو تفهمني شو اللي صار إنقلب بالمره علي وانا اللي حاز بخاطري أكثر هالمعامله منها وكيف تصارخ بوجهي لاتفضحينا
وإختي ماقول غير حسيبي الله ونعم الوكيل وكل اللي تسويه فيني سلف ودين لأن أمي قبل كمن يوم كانت موافقه إنا ننفصل وقالت إن اللي خلانا نتورط بالزواج هو إختى لأن نفس الحاله لمن تقدموا لنا هالناس انا نمت على أساس إني إستخرت بس بثاني يوم الصبح نشت أمي وهي حاسمه الموضوع (إختى ظلت سهرانه معاها طول الليل وطبعا أبوي خلته ينام بمجلس الرجال) وطبعا أمي الصبح مارست ضغوطها علي بدعائها علي وتهديدها لي إني بنت عاصيه لها وربيعاتي هن اللي خربني ومن هالرمسه وأقسمت بالله لو ماوافقت بتسافر (أمي مو من جنسيتنا) وكل هذا في ساعتين وقالة لأبوي يتصل بالرجال ويقوله إنا موافقين!!!! (وعلى فكره انا بعد الإستخاره في الليل حلمت إن ضيعت سيارتي وماقدرت أحصلها أبد, دورتها وايد بالباركنات بس ماحصلتها)
يعني كل هالسالفه من تحت راسي إختي طبعا لأنه أقل واحد تقدم لي ومن قبل وااااااايد مهندسين وناس رتبهم عاليه بالجيش بس كانت تحصل شي تدش منه لأمي وتتفركش السالفه مثلا (هذا أمه مو زينه تغرج بس ولا هي ماتريد بنتج, هذا أبوه يطالعني يباني بالحرام ولا يباج إنتي أماه, أو لأ هذول مايريدون إختي يبوني أنا لودهم المعاق ووووووووو) حجج مادش راس ياهل أستغفر الله بس أمي تسمع لها, حسبي الله ونعم الوكيل
وعلى فكره ملكة إختي هالخميس بس هي نفس الشي مو مقنعه ووافقة لأنه الوحيد اللي تقدم لها ومو سعيده أبد يمكن عشان جي ماتباني أستاني حسبي الله ونعم الوكيل
أحس عمري مقهوووووووووووره وأمي مو مهتمه كله تقول إن ربيعاتي اللي مافيهن خير هن اللي قلبن راسي (ما كنها كانت مقتنعه وأكثر مني بعد).
شو أسوي أحس خسرت حياتي وإن مكسوره ومالي حيله حتى أموري غيري يناقشها. حتى لحظة التخرج اللي أنتظرها من ست سنين مافرحت بها!!! دايما تخرب علي فرحتي حتي أيام الثانويه العامه كنت الأولى في منطقتنا بس بعد أبداااا ماحسيت بالفرحه (وإختى لمن تخرجت جابت الفضايح كلها بس أمي حاولت تجبر خاطرها وجابت لها ذهب ودخلتها كليه بعيده وجابت لها سواق خاص بس بعد مانجحت!!!!). وهذا انا الحين بنزف لواحد قسم بالله كرهته وطااااح من عيني مستحيل أقدر أحترمه حتى جهازي مو من إختياري ولا شي منه على ذوقي كله هن إشترنه لي
أرجوكم اللي يدش يترك رد حتى لو دعاء الله يجزاكم خير انا مشتته اللحين مأعرف شو الحل
حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم
21-01-2007, 09:58 PM
ضوابط المشاركة
العرض العادي
