مرحبا اخواني واخواتي..


انا مشكلتي متعبتني وااايد واريد مساعده دخيلكم لا تبخلون علي..

انا متزوجه عن قصة حب واموت بزوجي وهو يحبني بجنون..

لكن المشكله غيرتي عليه مب طبيعيه يعني اغار عليه وااايد يعني لوقال بسير عند ربعي ..
اقول اكيد مواعد اذا كلم حد اقول اكيد بنت واسويله سالفه واحليله مايتكلم ولا يعلق ..
بصراحه تعبت من هالافكار مع اني ادري انه مايسويها الانه مب راعي هالسوالف..


بس المشكله تفكيري شسوي فيه...

دخيلكم ابي حل هالمشكله تعبتني وخصوصا ان زوجي مسافر دوله اجنبيه عنده دوره هناك واذا كلمني وسمعت صوت حرمه عنده اسويله سالفه وازعل واذا دخل اماكن مختلطه اتهاوش وياه ما ادري شسوي دخيلكم ساعدوني ابي حل تعبت وتعب عقلي..

الاشراف : تم تعديل العنوان ليتناسب مع مضمون الموضوع

و الله حلك سهل
كل ما تراودك هذه الأفكار تذكري الشيطان و وساوسه و استعيذي بالله منه
صلي صلاتك في أوقاتها و أكثري من الاذكار الصباحية و المسائية
في الصباح و بعد صلاة الفجر قولي
لا إله إلا الله و حده و لا شريك له له الحمد و له الملك و هو على كل شي قدير 100 مرة
و في المساء أيضا
اختاه هذه الأذكار بسيطة و لا تأخذ منت و قتك إلا 20 أو 25 دقيقة و لا كن منافعها كبيرة

اللهم أبعد الهم و الوساوس عن أختنا يا رحمان يا رحيم

أ ختي تعرفني
تسلحي بالأ ذكار وقراءة القرآن فسيطمئن قلبك بإ ذن الله

elrazie23

شكرا على المرور انا اذكر الله دايم بس المشكله كأني ما اريد افكر إلا بهالسالفه...

zayna

شكرا على مرورك الطيب وكلماتك وان شاء الله القى حل الاني بجد تعبت وهالافكار ترقد وتنش وياي..

حبيبتي تبين ريلج يطــــير منج..!!!؟؟ عيل لا اتسوين فيه جيه حراام عليــج..

انتي جيه اتعذبين روحج واتعذبينه معاااج..

ترا بيي يوم وبيمل من تصرفااااتج فانتبهي فديــتج..

واخواني بعد ما قصروو.. والله يوفقكم ويبعد عنكم الشيطـــــــان..

ضايعه فالدنيا..

هذا اللي ذابحني مادري اشلون امسك نفسي وافكاري وتصرفاتي مادري شسوي وصراحه هو بعد مل من هالسولف بس فديته يرد مثل قبل الانه يحبني ويعرف غلاته المشكله فيني ..

تسلمين فديتـــج على مرورج الرائــــع..

هل تثقين في زوجك؟؟؟

انا متأكد ان الاجابه نعم,اذن عندما تأتي لك هذه الافكار ,ذكري نفسك بثقتك به وأنه لن يفعل أي شيء يضرك.

Theprofessional

تبي الصدق اسوي هالشي واذكر نفسي انه ثقه وارد طبيعيه واضحك واسولف بس اذا سوى حركه ماتعجبني ترد لي الافكار..

ماقلت انا احس اني مب طبيعيه...