السلام عليكم ورحمة الله وبركاته ..
كيف حالكم..
أملي بالله ثم بكم ان تجدوا لنا حلا مع مشكلة اخي الذي تزوج باخت زوجي
وهم من عائلة طيبه ناسبونا ثم بعد مرور السنين كبر اخي وصار في سن الزواج اقترحنا له ان ياخذ ابنتهم والتي تكون اخت زوجي ...


اخي كان يقول اريدها ملتزمة فقط اريدها ملتزمة لا يهمني الشكل ولا اللون
ونحن نعلم باخلاقها ودينها لذلك اقترحناها له ..
وطلبنا منه يراها الرؤية الشرعيه
رآها ..لكن يبدو انه كان مرتبكا ..تردد قليلا ثم وافق عن قناعه ثم تردد ثم وافق...


تمت الملكة ثم الزواج وكان من اسعد الناس في شهوره الاولى ...

لكن ما لبث ان انقشعت الغشاوة من عينيه وبدأ (( يعذررررب )) فيها مرة يقول ما اعجبني لونها ومرة شكلها ومرة فيها تشوه في رجلها الزبدة يقول ما تقبلتها ..ما حبيتها ...

الحمد لله يعاملها افضل معاملة بل يدللها لكن تاتيه حالات يقسو عليها او يصرخ او يزعل لاسباب تافهه حتىوصل الامر الى علم اهلها بذلك
ونحن نقول لهم حاله نفسيه ..عين ..بنتسبب له ونقرا عليه ويطيب ..

ونحن نعلم في قرارة انفسنا انه لاعين ولاهم ..هو ما حبها ..

على الرغم انها انجبت له طفلين
لكنه يقول .بحرارة والم اشعر اني متزوج .....رجال ..اللي نايم جنبي رجال ..!!
يقول ماعندها احساس بااردة ما تعرف الرومانسية ولا الحب
ما تعرف تتدلع ولا تحط رجل على رجل
ولا تعرف حتى تكشخ او تتزين ..
وفعلا هالنقطة أنا أأيده فيها -بس ما اقول له - فعلا ما تعرف تحط الروج يطلع مخربط في شفايفها
حتى الظل تحطه ناقص ما تكمله ..ولبسها متواضع مرة ..وتخاف من القص والصبغ ..ولا تحب الاسواق
احنا نستغرب منها ما كأنها حرمة ..

أنا ما اظلم بنت الناس هي مؤدبة وملتزمة وهاديه ...

المشكلة الى الان ما ندري وش الحل هو يقول عجزت اعلمها مافيه فايده ما تفهم ..
حتى ما تبغى تاخذ دورة في المكياج ..
انا ساكنة قريب من اهلي وانا واخواتي نحاول نوصل لها بطريق غير مباشر بس هي ما تستجيب ولا تحب تندمج معنا علاقتها رسميه معنا ..
واحنا نستحي نقول لاهلها عن المشكلة فعلا هي مشكلة محرجة ..
اذا طلقها بتصير مشكلة كبيرة ...خصوصا ان زوجي يصير اخوها ...واكيد بيزعل وما يرضى على اخته وش بيصير موقفي ..

واذا خلاها بينطق بينفجر ..لانه بدا الان يسهر برا البيت ويطلع كثير ...وانا خايفين عليه يخرب من كثر طلعاته ..واحنا نقول له هذا قرارك انت ولازم تتحمله وتحله بنفسك...


يا ناس وش الحل ...

هلا فعلا فيه رجال ما يقتنعون بشكل المرأة بعد مدة ..لانه كان مقتنع ورجع غير رايه ...؟؟

كلما رضى وهجد فترة ...يرجع ينقهر ويتحسر على حظه ...؟؟

تتوقعون انها أزمة وبتعدي والا انه بتستمر حياته كذا ..؟؟

لو طلقها او اخذ عليها تتوقعون زوجي مارح يتغير علي ..؟؟
مع انه يحبني الحمدلله ...بس مدري ليه خايفه؟؟

تتوقعون وش موقف الناس من اخوي ؟؟

اتوقع كلللللللهم رح يدعون عليه لان مافيه سبب حقيقي
عذره تافه وهو انه ماحبها ولا عجبته !!
بس لو تشوفونه وهو يتحسر على حظه شوي بيصيح والله ينرحم ..
بعد بنت الناس مسكينة وش ذنبها..

شوفي حبيبتي صارحوها بكل هذا الكلام و الامور التي تضايقه منها اما هو اللي يصارحها او اي وحدة من اخواته تكون اقرب لها اولبقة في الكلام مع ليه المصارحة وان كان فيها قسوة لكنها افضل من ان بيت ينهدم وتنتج عنه مشاكل مالها اول من اخر وتعالو معاها بالتدريج مصيرها تتعلم لان كل وحدة اهم حاجةعندها هي المحافظة على بيتها وكمان خللي اخوكي يشجعها على اي تحسن يلاحظه فيها عشان يكون عندها دافع انها تتغير ولمن تصارحوها بعيوبها لازم يكون في مدح لها وذكر محاسنها كمان حتى لا يصير عندها احباط

شوفي حبيبتي صارحوها بكل هذا الكلام و الامور التي تضايقه منها اما هو اللي يصارحها او اي وحدة من اخواته تكون اقرب لها اولبقة في الكلام مع ليه المصارحة وان كان فيها قسوة لكنها افضل من ان بيت ينهدم وتنتج عنه مشاكل مالها اول من اخر وتعالو معاها بالتدريج مصيرها تتعلم لان كل وحدة اهم حاجةعندها هي المحافظة على بيتها وكمان خللي اخوكي يشجعها على اي تحسن يلاحظه فيها عشان يكون عندها دافع انها تتغير ولمن تصارحوها بعيوبها لازم يكون في مدح لها وذكر محاسنها كمان حتى لا يصير عندها احباط

حبيبتي إذا زوجها قالها أكثر من مره وما تغيرت
لازم إنتي أو وحده من خواتك اللي تحسون الأقرب لها
تصارحونها بكل شي أو تكلمون وحده من خواتها..
وقولولها إذا ما اهتميتي بنفسك
وكذا وكذا...ممكن يتزوج عليك ولاتستبعدين هالشي
أو تنفصلون(والحريم موتهم ولا يتزوجون أزواجهم عليهم)..
حاولي تكلمينها بجديه..خليها تحس الموضوع مهم جداً..
أعطوها كتب وخلوها تدخل على منتديات..والإلتزام والأدب
مايتعارض مع متطلبات الزوج والتزين والتجمل..
وكثير حريم الله يهديهم تحسب إذا جابت طفل طفلين
الرجال ميت عليها ولايمكن يخليها..بس الواقع يقول إن أي
رجل يحب التغيير..وحتى لو إضطريتوا في الأخر على إن أخوها
(زوجك)يكلمها..إنتو أخترتو البنت علشان أخلاقها وكل شي..
(وفهمي هالشي زوجك)بس من حق أخوك غنه يتمتع بالحياه
والجمال..فيه حريم مب جميلات بس أزواجهم يموتون فيهم..ليه؟
لأنهم مريحينهم بالفراش وباللبس والتزين..هذا شي مب عيب
ولاحرام بالعكس هذا من حق الزوج..وصدقيني الرجل مادام إشتكى
معناه إنها قاااافله معاه ع الآخر..هم مش زي الحريم يتحملون..
الله يكون بعونكم..ويفك أزمتكم..
طميني عليكم..واتواصلي معانا..

__________________

اول شي خلي زوجها يمدحها بس تحط مكياج وبعدين وش فيها لو انتم الي حطيتو لها مكياج وعلمتوها قولو لها تعالي اجرب عليكي هذا القلم مره حلو وحطو لها مكياج وممكن تأخذين عنها العيال وتقولو لها روحي لزوجك وبكرى تعالي خذي عيالك قولو لها زوجك يبي يشوفك كذا وشجعوها واعطوها هديه لها وهديه له على اساس انها منها وشوفي كيف بعدها ترجع تقول لك كيف عملتي المكياج وكيف سويته
واذا الحل هذا ما نفع ممكن تقولين لزوجك انه يقول لها انه اخوكي قاله مو انتي علشان ما تكرهك
في امان الله وطمنينا وش سار

__________________
سبحانك اني كنت من الظالمين

الحمد لله رب العالمين وصلاة وسلام على سيدنا محمد صلى الله عليه وسلم :
فلا فظل وللله الحمد ان تشعرها وتخبرها فعسى ان كرهت منها خلق رضيت منها اخر وادعوا الله با يصلحها والله المستعان.
زكريا بن حمزه

أم هتون ..

يا أختي أخوك ما ينلام والله ... شوفي الدنيا ... شوفي برى .. شوفي التلفاز .. شوفي حواليك ... الرجال إذا ما شاف هذا كله في زوجته يشوفه وين ... لازم زوجته تحاول تشبع عيونه من هذا كله .. مافي بنت مو جميله ... شوفي حبيبتي الشاب جميل من الله بدون ميك أب ... ولكن الفتاه إذا ما كانت جميله تقدر والله تقدر ...

بقولك سالفة وحده من أهلي .. لما نطلع كلنا بنات كانت تقهرنا ما تتعدل ولا تلبس ولا تحط ميك أب وألحين والله العظيم .. إنها تلبس أحسن عني وتتعدل أحسن مني وتشتري أغلى الميك أب .. أمس شفتها لابسه نظارة بولغري .. قلت يمكن تقليد مو معقوله .. سألتها قالتلي شاريتها ب 1500 والله فتحت عيني وقالتلي عيوني إذا خاطرج فيها ما تغلا عليج خذيها لأني باخذ وحده ثانيه من ديور داخله خاطري ...

شوفي التشجيع كيف .. هذا كله بتشجيعني (طبعا بإسلوب حلو من غير ما نحرجها وإشوي إشوي روحها قامت تتشجع )

ما يصير ينخرب بيت الريال .... وتبين الصدق أنا والله ما ألومه ... كل ريال يبى زوجته تكون أجمل وحده مو شرط جمال طبيعي على الأقل يتباها فيها قدام أهله بكشختها ولبسها وزينتها وعبايتها وغيره وغيره ...

أنا ما أمدح نفسي ولكن أحس زوجي ينبهر لما أهله يسألونه زوجتك لبسها حلوه من وين شاريته ... عبايتها روعه .. أو ميكبها حلو .. يستانس .. وأحس إن الأرض مو قادره تشيله من فرحته والله ..


لا حبيتي هذي غلطتكم إنتو سمحولي يعني .. إنتو تعرفون إخوكم من أي نوع .. يحب الكشخع والتعدل فلازم تختاروله وحده من هالنوع . وألحين لما صار كل شي لازم تساعدونه حتى لو إنكم تكلمون وحده من خواتها .. ولا ليش هذا كله كلمي زوجك بطريقه حلوه .. وخليه هو يشرحلها وأكيد راح تنحرج وتحاول بديها ورجولها ...

سوري على الإطاله بس والله الموضوع شدني وقهرني والله .. أنقهر لما أشوف بنات ما يهتمون في نفسهم

\\
\

معذور اخوك صراحة 00

الرجال يبي انثى 00 تتجمل تتنعم تحط ماكياج وعطر وتلبس وتغير 00

لا تقولين عذره تافه 00 لا مو تافه 00

\\
\

اشرحي الوضع لزوجك 00 وهو اكيد ملاحظ اخته 00

وخليه يكلمها ويقنعها 00 اذا اقتنعت كان بها 00

خوذوها لمشغل يغيرون هيئتها وشكلها 00 وياليت تاخذ دورة ماكياج 00

واذا ما اقتنعت زوجك بيعذرك اذا اخوك تزوج عليها 00

\\
\

واذا هي ملتزمة لازم تكون عارفة حقوق زوجها عليها

انا مع رأي أوراق الخريف 100 % ..

المفروض هي تهتم بنفسها ..

لمحي قدامها عن وحدهـ ثانية ..

قولي مثلا فلان ناوي يتزوج على زوجته او انه متضايق منها لأنها ماهي مهتمة بنفسها ..

ولا تحط مكياج يعني بشكل غير مباشر ..

لأن اخوك ِ للآن اتوقع صابر بعد كذا ما اتوقع يصبر ..

حتى لو كان مايشوف التلفزيون كفاية الشوارع والاسواق ..

الله يهديها بس ..

وخلي اخوك ِ لما تحط مكياج ولا تتكشخ يمدحها عشان تحس بنفسها شوي ..

والله يوفقك ويسعدك دنيا وآخره ويسكنك الفردوس الاعلى انتي ومن تحبي ..

انا ايضا أعاني من نفس المشكلة بالضبط وكأنك تتكلمين عني ومنذ سنوات طويلة ايضا .. بس الفرق أن زوجة هذا الرجل تحاول تتزين لكني زوجتي لا تتزين ابدا .

حاولت اتأقلم مع الوضع لكن ما قدرت ..

والازمه مع مرور الوقت تتفاقم وتزيد يعني ما تنقص ..

المسألة خطيرة جدا وبأي وقت ممكن ينفجر الرجل ..