السلام عليكم ...........

أخواني احس اني مقصرة مره بحق اطفالي باللذات الكبير ابو سنتين و نص :

* اول ما يصحى يضل يدور وراي يبي حليب و انا مطنشتة عشان يمديني الحق شغل البيت و الطباخ قبل لا يجي ابوة و يضل ( الله يعزكم ) بحفاضتة لحد ما افضى احيانا للمغرب و هو ببجامة النوم لحد ما جتلة حساسية حفاضة كنها حرق من شدتها ............

صاير شيطان لا يحتمل بس يضرب و يبكي و بس يضرب بأخوة الاصغر يعني شي اجرامي مره صاير كريهه من الغيرة على انه إذا صار اخوة نايم ما فية الا يلعب بأدب و ينشد و يلون و بس يبوس فيني و يقولي ماما انا احبك ............. ودايما يسألني ماما انت تحبيني ؟ انا حلو ؟ .............. كاسر خاطري مرة مقصره معاه بس غضبا عني عندي رضيع ..........

أما الرضيع فحكايتة شي ثاني مسكين اعتمادة الكلي علي لانة توة بيبي احاول اطير طيران الصباح عشان اخلص شغلي قبل ما يصحى و من يصحى لحد ما ينام و انا مشغولة معاة ............

الشغالة :14: حل مرفووووووووووووووووووووض لان تجربة احضار شغاله فشلت معاي و لا راح اكررها
أهلي :14: ابي عيالي يربون عندي لان اهلي انواع الدلع اللي يخرب و ما احط عيالي عندهم إلا اذا اضطريت مرررة

مع هذا كلة لما اجي انام بالليل احس اني ما انجزت شي ابد بيومي ...........حتى طلعتي صارت نكد بس يبكي الطفل الصغير لانه يستغرب حبست نفسي بالبيت و ما لي الا النت و لما ينام زوجي الضهر لانه ما يبي ازعاج العيال احبس حالي معاهم بغرفتهم لانها بعيدة شوي عن غرفة القيلولة ................

ماذا افعل كاسرين خاطري عيالي باللذات الكبير ؟؟؟؟؟؟؟؟؟؟؟؟ شلون اعطية حقة من الاهتمام و الحب بدون لا اقصر مع الصغير ؟؟؟؟؟؟؟؟؟؟؟؟؟؟؟

انا حتى الوضيفة طلعت منها لانها مو جايبة همها بمدرسة خاصة راتبها ما يعدي الفين بس كنت ابي خبرة ولا اخذتها لاني ما طولت ما قدرت اوفق ............

شكرا على طولت بالكم على موضوعي