السلام عليكم ورحمة الله وبركاته


اخواني اخواتي ...مساكم الله بالخير جميعا


بختصر لكم السالفه ..ماني قايل ترددت كثيرا في طرح.....؟؟؟

اتصلت علي اختي قبل ايام وقالت ابيك ضروري تكفي ..

المهم سافرت الرياض ...ها ويش عندك يا بنت ..؟؟


قالت ابي اطلق من زوجي ......طبعا اختي لسا مملكه ..


امممممممم خير !! لماذا ؟؟


قالت ماابيه ..كرهته ..وذكرت لي اشياء لااستطيع ذكرها ..كلها اعذار واهيه

قلت وايش معني اخترتيني انا بالمصيبه ذي ..اخوانك كثيرين

طبعا هذي اختي من ابوي (غير شقيقه )...

قالت فيك الخير والبركه ومادري ايه ...(دهن سير )

قلت لها خير ان شاء الله ان بروح اصلي معاه العشا

واشوف الوضع .......طبعا زوج اختي امام مسجد

ورجل محترم ووضيفته محترمه ....

المهم صليت معاه ...وعلمته باللي صار ...

فبدل ما اوقف بصفه بحكم انه مافيه عيب يذكر

وقفت بصف اختي ..وقلت له ..اسمعني !!

لو منك والله اطلق علي طول ..قال لي ليه

قلت بنت تقول ماتبيني ..ويش ابي فيها

من قلت البنات يعني ..افتك منها ..والله ما تستاهلك

البنات واجدات ...قال خلاص ..عطوني فلوسي

قلت ابشر فلوسك عندي ...

رحت لاختي قلت لها ..ردي له حديقته ..قالت

ها والله الفلوس كلها صرفتها ..!!!

طيب ويش باقي عندك ؟؟؟ قالت الذهب ..قلت جيبيه ..

واخذت الذهب ....وعطيته شيك بالمبلغ 25 الف

وطلق اختي ......الزبده يااخواني بس ارجوكم بدون هجوم علي

احسست في داخلي فرحة الانتصار ..وان ربي انتقم لي من اختي ...

اختي هذي ..عشت معاها في بيت واحد وهي اصغر مني بسنتين

وكنت دايما معاها بمشاكل ........ذقت الويل علي يدها هي وامها ..

حتي لما خطبت ام مريم حاولو جاهدين انهم يخربوا علي بس بفضل الله مااستطاعوا

لدرجة ان زوجة ابوي ..مسكت ام مريم يوم حفلة الملكه ..وقالت لها.. انتبهي يابنيتي

تري الفدا نصاب ..لاتصدقي انه ملتزم ..دايما يسافر برا ..وانا والله ايامها ماعندي جواز سفر

بس ام مريم كانت اذكي منها و ما علمتني ..الا بعد الزواج بأشهر ...ومن كثرة المشاكل نقلت جده

واستقريت فيها .....من شان افتك منهم ومن مشاكلهم ......

واشياء كثيره يصعب حصرها حاليا ....

المهم اني للحين لم استطع نسيان ماحصل ..وكل ما تجيهم مصيبه

افرح ..صح اني ماابين ..واتظاهر بالحزن ...لكن من داخلي ابي اطير من الفرحه ..ماادري ليه

الي الان مازلت حاقدا عليهم .......حاولت جاهدا نسيان ماحصل ..

لكني لم استطع ...رغم اني من النوع اللي ينسي بسرعه ...وماحقد علي احد

والكل يشهد باني طيب ومتسامح .. ومرح ...لكني احس ان في داخلي خبث علي اهلي

فما هو الحل ...ابي حل علمي دقيق ...الله يوفقكم ...ويجزيكم عني كل خير .....

وقد لقت انتباهي وتوقيع احد الاخوات ..وظلم ذوي القربي اشد مضاضة ......ناسي تكملة البيت